Европа
Во Баварија пристигна воз со 400 бегалци од Унгарија, Австрија пропушти четири композиции
Воз од Будимпешта со околу 400 бегалци пристигнал во понеделникот ноќта во Баварија, откако унгарската полиција одби да ги задржи илјадниците бегалци кои кампираат на тамошните железнички станици, објави германската полиција, а агенциите јавуваат дека четири возови со бегалци доцна попладнето ја минале границата меѓу Унгарија и Австрија.
Документите за околу 190 бегалци се прегледани во Розенхајм и тие потоа биле со автобуси биле префрлени во една поранешна касарна. Уште околу 200 лица го продолжиле патувањето до Минхен, објави германската новинска агенција DPA.
Таму на бегалците, кои главно се од Сирија, Авганистан и Еритреја, ќе им се придружат патниците од возот кој тргнал од Виена, со бегалците кои тргнаа од Унгарија. Мигрантите кои пристигнале во Германија се дел од групата од околу 2.000 лица кои чекаат на железничката станица во Будимпешта, каде последните денови беа подигнати импровизирани бегалски кампови.
Австриската полиција претходно објави дека еден воз бил „пренатрупан“ и го задржала на границата, испитувајќи дали макар еден побарал азил во Унгарија, каде во тој случај би морал да остане,
Портпаролот на виенската полиција изјави дека на мигрантите на коишто ќе им биде дозволен влезот во Австрија ќе им биде одобрен двонеделен престој во текот на кој ќе мораат да одлучат дали ќе бараат азил во таа земја, Тие кои нема да сакаа, ќе бидат вратени во последната транзитна земја.
Стотици бегалци, главно од Блискиот исток, беа натоварени во понеделникто на железничките станици во Будимпешта во возови за Минхен, јави Reuters, додавајќи дека унгарската и австриската полиција во возовите ги проверуваат документите.
Мигрантите, од кои повеќето се семејства со деца, го плаќаат билетот до Минхен по 120 евра.
нгарија претходно во понеделникот побара од Германија да ја појасни законската ситуација во врска со движењето на илегланите имигранти во рамките на Европската унија, потврди за новинската агенција MTI, владиниот портпарол Андраш Гиро-Сас. Според него, според шенгенските правила, мигрантите може да ја напуштат Унгарија само со важечка патна исправа и со виза од земјата која е нивната крајна дестинација.
Тоа резултираше со маса луѓе коишто ја преплавија железничката станица во Будимпешта надевајќи се дека ќе се качат на возовите за западна Европа. Според Гиро-Сас, Германија покажала поблаг став кон доаѓањето на мигрантети од Сирија и таа вест им даде надеж на многу мигранти. „За да ја избегнеме нетранспарентноста, ја молиме Германија да ја појасни законската ситуација“, Гиро-Сас.
Меѓутоа, германската влада веднаш го демантираше постоењето на „специјалните возови“ кои од Унгарија ги превезуваат мигрантите во Германија, истовремено истакнувајќи дека според европското законодавство за барателите на азил мигрантите прво мора да се регистрираат како такви. „Не, нема специјални возови. Луѓето кои ќе дојдат во Унгарија мора таму да се регистрираат и да побараат азил“, изјави канцеларката Ангела Меркел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.