Европа
Во Донецк ликвидирани 12 припадници на Десниот сектор
Дванаесет припадници на ултранационалистичкото украинско движење десен сектор, кои се ангажирани како паравоени единици во рамките на операцијата на украинската армија во источна Украина се убиени во средата во борба со проруските бунтовници крај Донецк, а истовремено командантот на украинските доброволци му порача на претседателот Петро Порошенко да ги подготви граѓаните за водење партизанска војна, како и за формирање специјални сили за борба со диверзанти.
Дванаесет припадници на ултранационалистичкото украинско движење десен сектор, кои се ангажирани како паравоени единици во рамките на операцијата на украинската армија во источна Украина се убиени во средата во борба со проруските бунтовници крај Донецк, а истовремено командантот на украинските доброволци му порача на претседателот Петро Порошенко да ги подготви граѓаните за водење партизанска војна, како и за формирање специјални сили за борба со диверзанти.
„Паднаа во заседа и на нив е отворен оган во близина на железничката станици во округот Петровски“ на запад од Донецк, најголемото упориште на проруските бунтовници, изјави Артем Скоропадски, портпаролот на Десниот сектор.
Ова движење, кое се смета за воено крило на крајно десната партија Свобода, во југоисточните украински региони, но и од многумина и во Киев и во Москва, се смета за продолжение на нацистичките одреди во Украина од Втората светска војна. Забележливо е меѓутоа дека западните агенции, за разлика од периодот на февруарските безредија во Киев со кои беше урнат претседателот Виктор Јанукович, а во што предничеа вооружените припадниците на Десниот сектор кога го означуваа ова движење со квалификациите „неонацистичко“, ултранационалистичко“ или „милитантно“, сега го употребуваат само терминот „движење“.
„За нас ова претставува трагедија. А смртта на патриотите претставува катастрофа за Украина“, напиша на Facebook Борислав Береза.
„Станува збор за страшна загуба во редовите на движењето“, изјави челникот на украинските ултранационалисти, Дмитро Јарош, кој беше претседателски кандидат на изборите во Украина и кој по сопствено признание со повеќе членови на движењето учествувал во Чеченските војни на страната на кавкаските џихадисти против руската држава, момент кој исто така се премолчува кога се наведуваат негови изјави и активности.
Во средата командантот на баталјонот „Донбас“ Семен Семенченко на својот профил на Facebook му порача на претседателот Петро Порошенко да се подготви за „асиметричен одговор“ кон поддржувачите на самопрогласените Донецка и Луганска народна република и да го обучи населението на Украина за методите на партизанскиот начин на војување
„Претседателот на Украина би можел да формира Централен (а уште подобро Национален) штаб на партизанско движење, а потоа мирно и методично да ги спроведува активностите за подготвување на населението за герилска војна“, пишува Семенченко.
Покрај тоа командантот на доброволечкиот баталјон му советува на претседателот Порошенко да формира „специјални сили за борба против диверзанти и терористи, коишто ќе имаат право превентивно да дејствуваат на сопствената територија“. Спроед Семенченко, тој има „многу други опции“ за зголемување на одбранбената способност на земјата, коишто ќе ги сподели со властите во Киев. За спроведување на овие реформи тој препорачува користење приватни пари, а не да се трошат ресурси на државата./крај/мф/сн
Извор: AFP/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.