Европа
Во Германија се јави и Pegada – против американизирањето
Првата акција на протест против американизирањето на европскиот Запад се одржа во саботата попладнето во германскиот град Ерфурт, објави интернет изданието на весникот Der Spiegel.
Акцијата била во организација на ново појавеното граѓанско движење Pegada (Patriotische Europaer gegen die Amerikanisierung des Abendlandes – Родољубиви Европејци против американизацијата на Западот). Според весникот, на протестот учествувале околу илјада луѓе кои носеле транспаренти кои предупредувале на САД како „терористичка сила“, на распадот на односите со Русија и на Трета светска војна.
Ова беше првото јавно појавувањe на приврзаниците на Pegada, чијшто акроним речиси се совпаѓа со на веќе етаблираното граѓанско движење Pegada, или Родољубиви Европејци против исламизацијата на Западот), кое од почетокот на декември организира масовни собири секој понеделник навечер во источногерманскиот град Дрезден и кои секоја седмица стануваат се’ помасовни, па така од првичните две илјади пред две седмици успеа да собере 25.000 приврзаници на традиционалниот марш.
Според весникот, противници на ова движење одржале контра протест на кој имало речиси двојно помалку луѓе. „Ние не можеме да ги разликуваме кои се непријатели а кои поддржувачи (на движењето против американизирањето на Западот), рекол за Der Spiegel портпаролот на полицијата во Ерфурт. Тој додал дека акциите на поддржувачите и противниците на Pegada се претворил во кус судир меѓу двете страни.
Контрапротестот и неповолните услови ги оневозможиле организаторите на собирот на Pegada, да се чуе нивниот глас. Тие биле принудени да се откажат од првобитниот план да дојдат до централниот плоштад и следени од полицијата да се вратат на почетната локација од каде тргнала поворката.
На Facebook страницата на движењето Pegada подоцна беше објавено дека „Денешниот ден во Ерфурт, беше почеток на нешто неверојатно големо!“.
Според весникот, движењето Pegada нема никаква поврзаност со анти-исламското движење Pegida, кое се залага за построги закони за имиграцијата особено од Блискиот исток. Сепак забележува дека сличното име е избрано намерно.
Според претставници на цркви, политички партии, синдикати и антифашистички групи заднината на Pegada e „сирово спој“ на приврзаници на теориите на заговор, неонацисти и насилни хулигани.
Der Spiegel, во истиот текст, истакнува и дека на состанокот на приврзаници на Pegida во петокот навечер во Дрезден изненадувачки се појавил и челникот на германските социјалдеморкати SPD и виценакнцелар Зигмар Габриел. „Сметам дека со луѓето треба подобро да стапиме во контакт“, рекол Габриел и истакнал дека неговото присуство е чисто приватно. „Да разговарате е единственото што може да го направи во демократијата“, додал./крај/мф/сн
Извор: Der Spiegel
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.