Европа
Во Лондон заклана жена, петмина други се повредени
Една жена е убиена во среда вечер, а петмина други се ранети во напад со нож на плоштадот „Расел сквер” во центарот на Лондон, пренесуваат светските медиуми.
Полицијата веднаш била повикана на местото на настанот, по дојавата дека еден маж вооружен со ладно оружје напаѓа случајни минувачи на плоштадот околу 22.30 часот по средноевропско време.Напаѓачот е уапсен, млад човек на возраст од 19 години, откако бил совладан со пиштол за електро-шок шест минути по повикот. Билансот на нападот е шест повредени лица, затоа што жената се уште била жива, но кратко потоа им подлегнала на повредите, и покрај укажаната лекарска помошСпоред надлежните, можно е причина за нападот да е нарушено ментално здрваје, но не е исклучен и тероризам.Другите петмина повредени се две жени и тројца мажи, кои со различни повреди се пренесени во болница, соопшти Скоптланд Јард.Двајца се задржани во болница, а тројца се пуштени на домашно лекување.Веднаш по инцидентот, полицијата испрати дополнителни единици за обезбедување на целиот тој кварт Блумсбери. Местото е центар на образовниот, интелектуален и културен живот во Лондон. Тука се наоѓаат и Британскиот музеј, главниот комплекс згради на Лондонскиот универзитет и редица други образовни институции, музеи, хотели и ресторани.Очевидец, вели дека видел жена како лежи на тротоарот, а местото било полно со тешко вооружени полицајци.„Немам видено толку полиција од 7/7“, вели очевидецот, алудирајќи на терористичките напади на лондонскиот транспортен систем во 2005 година.ДПА додава дека синоќешниот напад се случува истиот ден кога Лондонската полиција го зголеми бројот на чувари на редот во британскиот главен град за 600 специјалци, поради се почестите предупредувања за терористички напади./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.