Европа
Во Париз по терористичките напади забранија снимање трилер сцени на улиците
Властите на француската престолнина по серијата терористички напади во првата седмица од јануари годинава забранија на улиците на Париз снимање сцени за акциони филмови и трилери, во која актерите се во униформи во полицијата, армијата или безбедносните служби.
Забраната е воведена поради стравувањата дека актерите може да бидат сфатени за вистински припадници на безбедносните сили и служби, поради што може да станат и цели на терористите, а исто така може да предизвика паника кај жителите на Париз.
„Има проблеми со сцени во кои се вклучени припадници на безбедносните сили, бидејќи актерите во такви униформи може да станат цел на терористите. Покрај тоа, може да ја вознемират јавноста, особено во овој период на напрегнатост“, изјави полициската службеничка Силви Барно за агенцијата Associated Press.
Според неа, засега не се знае колку долго ќе биде на сила споменатата забрана за снимање на такви сцена на париските улици. Припадниците на специјалните сили на органите за спроведување на редот и безбедноста сé уште се распоредени на улиците на Париз, особено пред синагогите, редакции на медиуми, големите трговски центри, државни институции и други јавно простори и туристички атракции.
Во Париз, инаку, неодамна беа снимени повеќе акциони филмови „Луси“ на Лук Бесон, „All You Need Is Kill“, „Борновиот идентитет“, „Ронин“, во коишто беа вклучени сцени на бркотници и престрелки по париските улици.
Снимањата на некои филмови веќе се запрени. Меѓу нив е „Flics Tout Simplement“, во кој има сцена на полицаец пред училиште. „Да, требаше да ја снимиме таа сцена, но не ни дозволија. Се разбира, треба да ги почитуваме новите правила, и го изменивме планот за снимање“, изјави за агенцијата режисерот Стефан Гилме.
„Ова може да се одрази негативно врз големите американски филмаџии. Сега не е најдобриот момент да се преземе таков чекор. Дури и доколку Стивен Спилберг би сакал да сними масовна сцена со полиција и престрелка на улиците во јануари, јас сум убедена, тоа немаше да се случи“, истакнува претставник на организацијата „Mission Cinema“ во Париз.
Низата терористички акти во Париз започна на 7-ми јануари со нападот врз редакцијата на сатиричниот магазин Charlie Hebdo поради објавување на карикатури на пророкот Мухамед кога беа убиени 12 луѓе, а во следните три дена беа убиени и една полицајка и уште четворица заложници во еврејски супермаркет. На 9-ти јануари во полициските операции против на напаѓачите, беа ликвидирани тројцата напаѓачи кои се декларираа како блиски на џихадистичките терористички организации од Блискиот исток.
Во вторникот во Ница, во напад со нож беа ранети тројца војници кои стражареле пред влезот на еврејскиот културен центар во овој јужен француски град. Еден од напаѓачите беше совладан и приведен, додека две лица кои се сметаат за помагачи избегале. Кај уапсениот се пронајдени лични документи со презимето Кулибали, исто како и напаѓачот од еврејскиот супермаркет во Париз./крај/мф/сн
Извор: Associated Press
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.