Европа
Во Париз уапсени три жени за веројатно планирање напад
Една до три жени се уапсени во врска со автомобилот полн со плински боци пронајдени во близина на познатата катедрала на Пресвета Богородица (Notre Dame) е ранета во четвртокот навечер јужно од Париз во текот на приведување при што е повреден и полицаец, изјави францускиот министер за внатрешни работи и додаде дека жените веројатно планирале напад.
„Овие три жени на возраст од 39, 23 и 19 години биле радикализирани, биле фанатици и најверојатно планирале многу наскоро да изведат опасно насилно дел“, изјави францускиот министер за внатрешни работи Бернар Казнев во изјавата пренесувана на телевизиите..
Казнев, исто така, рече дека жената којашто го прободела полицаецот во текот на апсењето е ќерка на сопственикот на автомобилот во кој биле пронајдени плинските боци.
Сопственикот на автомобилот, кој во минатото инаку бил посветен на ширењето на исламот меѓу немуслиманите, беше пуштен во вторникот по сослушување. Уште четири лица се уапсени во рамките на оваа истрага.
Во неделата вработен во еден париски бар забележал плинска боца на седиште од паркиран автомобил со вклучен покажувач на насоката и без регистарски таблички. Боцата била празна, но полицијата во гепекот пронашла уште пет полни плински боци без детонатор, изјави извор близок на истрагата. Автомобилот бил паркиран во уличка во близина на реката Сена, наспроти познатата париска катедрала којашто секојдневно е посетувана од илјадници верници и туристи.
Париското државно обвинителство за случаи на тероризам покрена предистрагата поради злосторнички здружување поради терористички напад, Со истрагата француските власти настојуваат да утврдат дали боците требало да послужат за изведување на нападот.
Овој случај во Франција, каде што на сила е вонредната состојба по терористичкиот напад од ланскиот 13-ти ноември со 130 жртви а беше продолжена пред ва месеца по нападот во Ница со 86 убиени, се сфаќа многу сериозно. Во Франција од јануари 2015 година се изведени низа терористички напади со исламистичка заднинана во кои се убиени речиси 240 луѓе.
За повеќето од нападите одговорноста ја презема екстремната сунитска групација Исламската држава, којашто вели дека сака да ја казни Франција поради нејзиното учество во меѓународната коалиција којашто се бори против групацијата во Сирија и Ирак./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.