Европа
Зад нападите во Париз стои Абделхамид Абаауд
Белгиските безбедносни сили се сомневаат дека зад симултаните терористички напади од петокот вечерта во француската престолнина Париз, стои Абделхмид Абаауд, а нејзините специјални сили во понеделникот започнаа голема операција во бриселската општина Моленбек, додека медиумите јавуваат за детонации и истрели.
Абделхамид Абаауд се смета за мозокот на неуспешните терористички напади кои полицијата ги спречи во јануари годинава во Вервеиер, на истокот од Белгија.
Белгиската телевизија RTL претходно објави дека наводно е уапсен 16-годишниот Салех Абдеслам, роден во Брисел, за која Франција распиша потерница поради учество во терористичките напади во Париз. Тој е брат на еден од бомбашите самоубијци, 30-годишниот Брахим Абделслам,
Белгиската државна телевизија RTBF ја демантираше оваа вест, велејќи дека полицијата уапсила едно лице, но дека тоа не е Салах Абдеслам. „Операцијата на специјалните полициски сили во моментов е во тек во Моленбек“, се наведува во извештајот.
Медиумите известуваат дека полицијата го блокирале пристапот на една улица во квартот Моленбек и преку мегафон повикувала едно лице да се предаде
Според телевизијата RTL, лицето коешто е приведено е „еден од најбараните злосторници во Белгија“, алудирајќи на Абдеслам, било приведено откако специјалците употребиле солзавец и шок гранати.
Во Моленбек веднаш по париските атентати беа уапсени седум лица коишто се осомничен за поврзаност со терористичките напади во француската престолнина. Сите тие живеел е во еден од главните марокански квартови во Брисел, Моленбек-Сен-Жан.
Началничката на оваа општина, Франсоаз Скепманс, претходно призна дека таму значителен дел од населението се доселеници од Северна Африка, од кои околу 30 отсто се исламски радикали кои заминале да се борат во Сирија на страната на џихадистичките групи, веќе се вратиле од блискоисточните боишта.
„Во Моленбек сметаме дека 30 луѓе, според сознанијата на полицијата, се поврзани со радикалниот ислам. Некои од нив заминале да се борат во Сирија и се вратиле од таму, другите сé уште се наоѓаат таму“, додаде Скепманс.
„Во регионот забележуваме проблеми со самоидентификацијата, вклучително и кај нашата религиозна младина, и тоа ги турка во крајна радикализација“, смета.
„Во Моленбек во текот на децении стана пренаселен со население од мароканско потекло. И сека продолжува значителнито прилив доселеници. За многумина од нив интеграцијата мина успешно, но некои семејства, за жал, остануваат надвор од тоа“, рече Скепманс.
Федералната полиција на Белгија побара од медиумите да се воздржат од објавување снимки од текот на антитерористичката операција, „поради тактички причини, како и поради безбедноста на населението“, изјави портпаролот Петер де Ваел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.