Европа
Захарченко: Украинските војници масовно минуваат на страна на милициите
Украинските војници во последно време масовно преминуваат на страна на ткн народни милиции на самоодбраната во побунетите источни региони на земјата, изјави во саботата ткн премиер на самопрогласената Донецка народна република, Алекансдр Захарченко, етнички Украинец.
„Еден од командантите на 25-та моторизирана бригада го зема оклопното возило и премина на наша страна. Тој од денеска ја презема командата на една чета. Сметам дека наскоро во Дмитровка и Кожевно (села на границата со Русија каде што украински единици се опколени од бунтовниците), ќе се предадат и други единици“, изјавил на прес-конференција во Донецк, самопрогласениот премиер Александр Захарченко, пренесува РИА Новости, при што се истакнува дека тој и самиот до неодамна исто така бил командант на единица на бунтовничките сили. Според него, ваквите случаи произлегуваат од тоа што припадниците на „регуларната армија на Украина, нејзиниот професионален кадар, не сфаќаат зошто тие се тука, зошто војуваат и за што умираат“. „А ние војуваме за својата земја, за своите деца, за своите домови. Ние се наоѓаме на своја земја, а ние имаме за што да се бориме. Моралот на секоја единица која се бори за својот дом, е поголем отколку кај која и да е сила која војува за пари или не разора зошто се бори“, смета Захарченко.Според него, „повеќето украински војници не се непријатели, туку се наши сојузници“. Особено Захарченко истакнал дека „постојат дури и случаи во кои украинската армија влегува во судири со баталјоните ‘Днепар’ и ‘Ајдар’ (кои според бунтовниците се составени од припадници на милитантното крило Десен сектор на националистичката партија Свобода и од платеници). Според самопрогласениот премиер на Донецката народна република, „во моментов недалеку од Иловајска, се разменува артилериски оган меѓу украински војници и баталјони на територијалната одбрана (кои се во составот на украинската Национална гарда).Во јуни голем публицитет во руските и во украинските медиуми добија извештаите за меѓусебните борби на аеродромот крај Луганск меѓу десантните единици од Л’вов и од Днепропетровск./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.