Контакт

Европа

Западот и Москва разменуваат обвинувања за Дебалцево

Објавено пред

НАТО ја повика во средата Русија целосно да се повлече од истокот на Украина и да престане да им помага на рускојазичните бунтовници кои го по речиси еден месец опсада го заземаа стратешки важниот град Дебалцево од каде што масовно се предаваат и се повлекуваат украинските војници, додека Москва возврати дека Западот сака со погрешно толкување на договорот од Минск да го прекрши примирјето.

dobivaj vesti na viber

„Ја повикувам Русија да ги повлече сите свои сили од истокот на Украина, да ја прекине секоја поддршка на сепаратистите и да го почитува договорот од Минск за прекин на огнот“, порача генералниот секретар на НАТО, Јенс Столтенберг од Рига. Столтенберг на неформалната средба на европските министри за одбрана тврди дека руските сили, артилерија и воздушни сили уште се активни во Украина, пренесува Reuters .

„Одбивањето на сепаратистите (како што западот ги именува русјкојазичните бунтовници во источна Украина) одбиваат да го го почитуваат прекинот на огнот му се заканува на договорот од Минск“, кој стапи на сила од полноќ на 15-ти февруари. „Исто така, закана претставува и нивното одбивање да им овозможат пристап на набљудувачите од Организацијата за безбедност и соработка во Европа“ (ОБСЕ), рече Столтенберг.

Стратешки важниот железнички јазол во источна Украина – Дебалцево, коешто е длабоко во териториите на самопрогласените ткн „народни републики“ во Донецк и Луганск, е освоено од силите на проруските бунтовници кои најмалку една седмица го стегаа обрачот околу неколкуте илјади украински војници кои откако претходно одбиваа да се повлечат преку ткн „зелен коридор“ кон внатрешноста на Украина, откако во вторникот започнаа уличните борби во градот започнаа со повлекување и предавање.

Киев тврди дека овој град, кој е важен железнички јазол во источните региони треба да го контролира украинската војска, бидејќи во моментот на потпишувањето на договорот тој беше под контрола на неговите сили, додека бунтовниците тврдат дека Дебалцево се наоѓа длабоко во територијата којашто ја контролираат тие, која според една од одредбите на договорот од Минск ќе добие специјален статус и поголема автономија.

Дебалцево, коешто има големо регионално значење, од крајот на ланскиот јули, кога украинската армија поведе офанзива за враќање на контролата на прозападните власти во Киев врз одметнатите рускојазични источни региони, е под контрола на украинската војска. Покрај економското значење како еден од најголемите железнички јазли во Украина, Дебалцево има и воено стратешко значење, бидејќи како клинец навлегува длабоко на територијата која е под контрола на бунтовниците, и од таму може да се вршат напади врз градовите кои тие ги имаат под контрола, како Горловка, Енакиево, Шахтерск, Лисичанск и Стаханов.

Високата претставничка на Европската унија за надворешна и безбедносна политика, Федерика Могерини, изјави дека „сепаратистите јасно го кршат“ договорот од Минск, а таквиот став преку соопштенија и Берлин и Париз.

Меѓутоа, бунтовниците и во средата тврдат дека прекинот на договорот од Минск, договорен на 12-ти јануари меѓу челниците на Украина, Русија, Германија и Франција, не се однесува на овој град кој ги поврзува Донецк и Луганск.

На истиот став е и рускиот министер за надворешни работи, Сергеј Лавров. „Киев и Западот сакаат Дебалцево да го имаат како изговор да го прекршат договорот од Минск. Таквиот став го заземаа по претходни и не сакаме да се повтори“, порача Лавров од Москва, пренесува РИА Новости. Лавров ја нагласи важноста од директен дијалог меѓу Киев, Донецк и Луганск и брзо запирање на вооружениот судир во Дебалцево, се вели во соопштението на руското министерство за надворешни работи кое истакнува дека шефот на дипломатијата во средата имал телефонски разговор со американскиот државен секретар Џон Кери посветен на спроведувањето на мировниот договор со цел да се стави крај на судирите во источна Украина.

„Заземањето на Дебалцево е погубно за надежите во мир. Германската влада остро го осудува воената операција на сепаратистие во Дебалцево и тоа е големо кршење на прекинот на огнот“, изјави портпаролот на германската влада Штефан Зајберт, кого го цитира DPA. Тој најави можни нови санкции против Русија. „Новите санкции против Мосвка би можеле да бидат потребни доколку има нова ескалација“, рече Захберт, но повтори дека Германија е против испораката на оружје за Украина, на што инсистираат САД.

И портпаролот на Елисејската палата, Степан л’Фол изјави дека бунтовничкото заземање на Дебалцево претставува тешкотија во примената на договорот за прекинот на огнот“, три дена откако стапи на сила, пренесува AFP. Најави дека во среда навечер телефонски ќе разговараат францускиот претседател Франсоа Оланд, германската канцеларка Ангела Меркел, и рускиот претседател Владимир Путин и украинскиот Петро Поршенко

Порошенко претходно го потврдил повлекувањето на владините сили од Дебалцево. „Утрово вооружените сили и Нациолнаната гарда го завршија планираното и организирано повлекување од Дебалцево. Околу 80 отсто од војниците го напуштија градот. Ќе подготвиме организирана и координирана реакција“, се заканил Поршенко, пренесе украинската агенција Интерфакс. Украинскиот претседател притоа ги повика Европската унија и САД „остро да одговорат на бруталното руско кршење на примирјето од Монск“.

Бунтовниците истовремено во средата претпладне изјавија дека артилеријата со најголем калибар се повлекува од јужните периферни области на „републиката“. „Во моментов ја повлекуваме артилеријата, хаубици. Доколку разузнавањето ни потврди дека украинската страна не го повлекла оружјето, ние нашето ќе го вратиме на претходните позиции. Во моментов имаме информации за групирање на украинската воена опрема на спротивните позиции“, изјавиле за РИА Новости извори од одбраната на Донецк./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Возачот на „Фликсбас“ осомничен за убиство од небрежност во Германија

Објавено пред

Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.

dobivaj vesti na viber

Портпаролот на канцеларијата не можеше да каже дали мажот (62) веќе бил сослушан.

Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.

Не се соопштени детали за здравствената состојба на повредените.

Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.

Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.

Идентитетот на четворицата загинати се уште не беше утврден до четвртокот напладне.

„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.

Автобусот патувал од Берлин до Цирих.

Прикажи повеќе...

Европа

(Аудио) Кралот Чарлс ја испрати првата јавна порака по дијагнозата на здравјето на Кејт

Објавено пред

Порака од кралот Чарлс беше емитувана денеска по повод годишната служба на Величетврток.

dobivaj vesti na viber

Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.

Тој им порача на сите „да ја подадат раката на пријателството“.

„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.

„Тоа е она што секогаш се трудев да го правам и правам со целото мое срце“, додаде тој.

Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.

Прикажи повеќе...

Европа

Заменик-началникот на генералштабот: Британија може да се бори со Русија само 2 месеца

Објавено пред

Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.

dobivaj vesti na viber

Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.

За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.

„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.

На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.

„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.

Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.

Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.

Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.

„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.

Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.

„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.

Сепак, тој предупреди дека „основното војување и муницијата“ остануваат важни во секој иден конфликт.

Прикажи повеќе...

Најново

Македонија1 час

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија1 час

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија3 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија5 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија6 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија7 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ8 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија8 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија8 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија11 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет12 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет12 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија12 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион12 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет12 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет12 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...