Европа
Започнаа локалните и регионалните избори во Шпанија
Жителите на Шпанија во неделата започнаа да гласаат за локалните и регионалните избори кои е нарекуваат историски, бидејќи би можеле да го променат сегашниот политички амбиент во земјата во кој преовладува десницата, со две нови партии и доаѓањето на ткн генерација на огорчените на власт.
Избирачките места се отворени во 9 часот, а ќе може да се гласа до 20 часот. Првите резултати се очекуваат веќе околу 22.30 часот.
Околу 35 милиoни гласачи може да избораат меѓу „старите и новите политики“, коментира на насловната страница во неделата дневниот весник El Pais, додека конзервативниот весник ABC предупредува на големиот број неизјаснети гласачи кои се проценуваат на речиси 30 отсто. Кампањата беше жестока и укажува на големата важност на овие избори пред парламентарните избори коишто ќе се одржат кон крајот на годината.
Шпанците на овие избори ќе ги обноват парламентите на 13 покраини и ќе изберат 8.122 градоначалници.
Народната партија (PP), која е најголем претставник на десните сили која е на власт, може да биде најголемиот губитник, имајќи предвид дека владее во 13 од 17 автономни покраина, во другите четири владеат социјалистите, а конзервативните националисти се на власт во Каталонија и во Баскија, Националната партија ја очекува тешка борба во традиционалните бастиони во Мадрид и Валенсија.
На Народната партија, од која се оддалечија младите избирачи и чиешто влијание слабее по низата корупциски скандали, ѝ се заканува партијата од десниот центар Ciudadanos (Граѓани), којашто беше формирана во Каталонија, но се наметна во целата земја, бидејќи во кампањата се фокусираше на беспоштедна борба против корупцијата.
На Социјалистичката партија, со којашто Народната партија се менува на власта во последните три децении, пак, ѝ се заканува антилибералниот Podemos (Можеме), кого го води харизматичниот Пабло Илгесиас, кој е голем пријател и учествуваше во кампањата на актуелниот грчки премиер Алескис Ципрас на изборите кога победи коалицијата на радикалната грчка левица Сириза.
Изборите во Шпанија се одржуваат по речиси шестгодишната економска криза којашто остави последици кој не можеше да ги ублажи ниту почетокот на економското заздравување забележани во 2014 година, од 1,4 отсто. Сепак, во претходниот период десетици илјади жители ги загубија домовите. Илјадници млади се иселија од земјата поради големата невработеност којашто ги погаѓа половината од нив и 23,7 отсто од работоспособното население./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.