Европа
Зголемен бројот на лица на кои им е оневозможено влегување во Германија
Германската погранична полицијата во првите шест месеци од оваа година на 13.324 лица им оневозможила да влезат во земјата, што е повеќе отколку во текот на целата мината 2015 година, соопшти германското министерство за внатрешни работи на прашање на партијата Левица, пренесуваат во вторникот медиумите.
„Најмногу лица, 11.239 се запрени на копнената граница меѓу Австрија и Германија. На аеродромите влегувањето во земјата не е дозволена 2.030 лица“, се наведува во одговорот на прашањето на пратениците од партијата Левица во Бундестагот.
Во текот на целата 2015 година, кога е забележан најголемиот бран бегалци од 1,1 милион луѓе, во Германија им било оневозможен влезот на 8.913 лица.
Најмногу лица на коишто годинава им е оневозможен влезот во Германија, една четвртина, доаѓаат од Авганистан.
Лицата кои во најголем број случај се вратени се поради недостиг од пасош или виза. А 193 лица се вратени поради активна забрана за влегување во Германија, додека 255 лица се вратени бидејќи е оценето дека претставуваат опасност за безбедноста и здравјето на граѓаните.
Во првата половина од 2016 година Германија и протерала многу повеќе лица – 13.743, што е повеќе отколку во целата 2014 година. Дури 75 отсто од протераните лица се потекло од една од земјите од западен Балкан, а остатокот главно отпаѓа на државјаните од земјите на Магреб, северна Африка.
Германските власти последните седмици се на удар на жестоки критики поради фактот дека околу 30.000 странци престојуваат во Германија, иако за тоа нема правни основи. Бомбашот самоубиец кој го јули се разнесе во баварскиот град Анбах обидувајќи се да влезе на концерт, беше сириски бегалец кој требало да биде протеран во Бугарија подолг период, но процедурата се одолговлекувала./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.