„Фајненшл тајмс“: Новиот систем за влез во ЕУ е одложен поради хаосот со граничните контроли

Имплементацијата на новиот онлајн систем за претходно одобрување на влез во ЕУ очигледно е одложена до следната година, откако хаотичното воведување на посебен електронски систем за гранични проверки го попречи патувањето во Унијата, пишува „Фајненшл тајмс“.

Преку Европскиот систем за информации и авторизација на патувања (ETIAS), патниците на кои не им е потребна виза за влез во ЕУ, вклучувајќи ги и граѓаните на Велика Британија и САД, ќе треба да се регистрираат. ETIAS е моделиран според американскиот ESTA систем. Кандидатите ќе платат такса од 20 евра и ќе поминат низ безбедносни проверки пред да патуваат.
Имплементацијата на новиот онлајн систем за претходно одобрување на влез во ЕУ очигледно е одложена до следната година, откако хаотичното воведување на посебен електронски систем за гранични проверки го попречи патувањето во Унијата, пишува „Фајненшл тајмс“.

EU-Lisa, агенцијата задолжена за имплементација на системот ETIAS, призна дека неговото лансирање до крајот на оваа година, како што е планирано, повеќе не е изводливо, според три лица запознаени со ова прашање.

Одборот на директори на агенцијата EU-Lisa се состана кон средината на јуни за да разговара за одложување на имплементацијата на системот за подоцнежен датум, велат овие извори, пишува медиум Двајца од нив изјавија дека комитетот повторно ќе се состане во септември за да разгледа нова временска рамка.

Портпаролот на агенцијата потврди дека на 17 јуни, управниот одбор разговарал за „почетокот на работата“ на системот ETIAS, но додаде дека „оттогаш нема понатамошни случувања во врска со ова прашање“.

Европската комисија е одговорна за одредување на датумот на почеток на системот, што може да го направи само откако EU-Lisa успешно ќе го заврши тестирањето на системот ETIAS.

Едно лице запознаено со дискусиите изјавило дека сè уште има „одредени проблеми со информацискиот систем ETIAS“, според написите.

„Прво да го поправиме EES, а дури потоа да воведеме друг систем што повторно ќе ги удвои редиците“, рече ова лице.

Европскиот комесар за внатрешни работи Магнус Брунер испрати писмо до лидерите на воздухопловната индустрија обвинувајќи ги националните влади за проблемите со системот за влез и излез.

„Други фактори, кои не се поврзани со EES, како што се недоволниот број вработени или несоодветната инфраструктура, би можеле да бидат причина за доцнењето“, наведе Брунер во писмото, до кое FT имаше пристап.

Системот EES првично требаше да започне да функционира во 2022 година, но неговото воведување беше одложено неколку пати поради проблеми со набавките, технички тешкотии и бавно воведување во некои земји-членки.

„Подготовките за воведување на системот ETIAS продолжуваат. Секако, како и со секој голем информациски систем, многу фактори влијаат на одлуката кога ќе биде ставен во функција“, рече портпаролот на Европската комисија.

Неколку претставници на ЕУ рекоа дека не се изненадени што EU-Lisa, која го управува системот EES и голем број други гранични системи, покрај ETIAS, има тешкотии да го исполни рокот. Еден службеник рече дека одложувањето веројатно нема да биде долго.

„Ако не можат да го воведат, ќе речат дека им треба уште еден квартал или уште еден месец“, рече тој.

Сепак, друго лице запознаено со ова прашање процени дека лансирањето на системот оваа година е илузорно, објавува FT.