Крадци украле ремек-дела од ренесансата на Сицилија, се истражува можна врска со мафијата

Кражбата на четири слики од ренесансниот мајстор Антонело да Месина може да биде поврзана со организиран криминал и ја доведува во прашање безбедноста на музејот во родниот град на уметникот, изјави во понеделник локален службеник, објави „Ројтерс“.

Енцо Карузо, советник за култура во Месина, верува дека е тешко да се разбере како крадците успеале да ги отстранат делата за само неколку минути без да го знаат деталниот распоред на музејот. „Ова е многу, многу чуден случај“, изјави Карузо за „Ројтерс“.

Карузо истакна дека украдените дела од Антонело се толку познати што практично би било невозможно да се продадат, дури и на црниот пазар. Затоа се претпоставува дека сликите би можеле да се користат за уцена или како колатерал во криминални зделки.

„Мафијата? Можно е тие да се обидат да ја уценуваат државата во замена за враќање на сликите. Ова се процеси што обичните луѓе не ги гледаат“, рече тој. Тој исто така ја спомена можноста сликите да служат како колатерал или внатрешна валута во криминалното подземје.

Daring heist: valuable paintings by Antonello da Messina stolen in Sicily

Thieves stole three of the five wooden panels from the famous “St. Gregory Polyptych” from the Regional Museum of Messina.

They also took a small double-sided painting depicting the Madonna and Christ… pic.twitter.com/kCiRsNT1Ne

— NEXTA (@nexta_tv) August 16, 2026

Крадците провалиле во Регионалниот музеј Акаскина во Месина во саботата навечер, додека градот славел религиозен празник што собрал илјадници луѓе на улиците. Провалувањето било откриено дури два часа подоцна, кога туристите пронашле две слики од Антонело потпрени на оградата на музејот, која крадците очигледно ја фрлиле.

Претседателот на Сицилија, Ренато Скифани, изјави дека видео надзорот и алармниот систем на музејот работат нормално. Тој, исто така, најави започнување на внатрешна истрага за да се утврди дали некој од вработените во музејот бил вмешан во кражбата.

🚨 ART HEIST IN ITALY

Thieves just stole four Renaissance paintings from a museum in Sicily — the hometown of the artist.

They bypassed the security system and took panels from an Antonello da Messina altarpiece.

This comes just days after Italy’s art crime unit recovered… pic.twitter.com/bKYQeksSaG

— Gunther Eagleman™ (@GuntherEagleman) August 17, 2026

Текстот продолжува под рекламата

Карузо се сомнева во подготовката на крадците, наведувајќи го фактот дека двете слики биле оставени на улица. „Можеби не очекувале да бидат толку тешки. Тие се дрвени панели, не се лесни за носење како платна што можат да се исечат од рамки“, објасни тој.

фото/ЕПА