Свет
Макрон: Израел да се откаже од своите територијални претензии
Францускиот претседател Емануел Макрон денес изјави дека Израел треба да се откаже од своите територијални претензии во Либан, додека во исто време оцени дека Хезболах мора да биде разоружан од самите Либанци.
Зборувајќи од Елисејската палата заедно со либанскиот премиер Наваф Салам, Макрон повика на повлекување на израелските сили од либанската територија, нагласувајќи дека единствениот пат до мир е политички договор меѓу Израел и Либан што ја гарантира безбедноста на двете земји и територијалниот интегритет на Либан, јавува телевизијата „BFM“. Макрон изјави дека приоритет во моментов е консолидација на примирјето меѓу Либан и Израел, кое го оцени како кревко.
„Франција го знае ова бидејќи изгуби еден од своите членови“, рече Макрон, алудирајќи на француски член на мировните сили на ОН кој загина во јужен Либан. Францускиот претседател додаде дека Париз е подготвен да продолжи со ангажманот на терен дури и по повлекувањето на мировната мисија на Обединетите нации (УНИФИЛ).
„Сегашното примирје мора да се продолжи за да се овозможи почеток на вистински процес на стабилизација“, рече францускиот претседател, пренесува „Фигаро“.
Тој се залагаше за политички договор меѓу Израел и Либан што ќе ја гарантира безбедноста на двете земји, територијалниот интегритет на Либан и ќе ги постави темелите за нормализација на нивните односи.
Макрон повтори дека Хезболах мора да престане да го напаѓа Израел и дека мора да биде разоружан од страна на либанските власти, нагласувајќи дека договорот меѓу двете страни треба да обезбеди долгорочна стабилизација и да го отвори патот за нормализација на односите.
Зборувајќи за хуманитарната ситуација, премиерот на Либан изјави дека на земјата ѝ се потребни околу 500 милиони евра за справување со кризата, пренесува Танјуг. Салам изјави дека патува во Вашингтон со јасна цел, а тоа е целосно повлекување на израелските трупи од територијата на Либан. Како што изјави неименуван извор за Ројтерс во понеделникот, израелските и либанските делегации ќе одржат втора рунда преговори за прекин на конфликтот меѓу двете земји во Вашингтон во четврток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американец почина од хантавирус: „Изворот на инфекцијата сè уште се истражува“
Возрасно лице од Колорадо почина откако беше потврдено дека има хантавирус, случај кој не е поврзан со ширењето на вирусот на крузерот во Атлантикот, соопштија државните службеници за јавно здравје.
Сојот хантавирус што ја предизвика смртта во Колорадо редовно се појавува во тој дел од Соединетите Американски Држави во ова време од годината, се вели во соопштението.
Изворот на инфекцијата е под истрага, соопштија службениците.
Хантавирусот првенствено се пренесува преку глодари, но во ретки случаи може да се пренесе од човек на човек по продолжен близок контакт. Периодот на инкубација може да трае околу шест недели.
Луксузниот крузер „MV Hondius“, под холандско знаме, се закотви во Ротердам во понеделникот.
Превезуваше околу 150 патници и членови на екипажот од 23 земји кога на Светската здравствена организација (СЗО) на 2 мај и беа пријавени серија тешки респираторни заболувања.
Три лица починаа, а со нив на бродот има осум потврдени случаи на инфекција и два веројатни случаи, според СЗО.
Свет
(Видео) Маж и жена се обиделе да прошверцуваат бебиња мајмуни скриени во долна облека
Колумбиските власти уапсија маж и жена на меѓународниот аеродром Рафаел Нуњез во Картагена, откако открија грозоморен обид за прошверцување на три бебиња мајмуни скриени во долна облека.
Едно од мајмуните не го преживеа транспорт, додека преостанатите две животни беа пронајдени исцрпени и во сериозна состојба.
Според полицијата и американскиот весник „The Sun“, 27-годишна жена и 26-годишен маж беа уапсени за обид за прошверцување на бебињата мајмуни во Доминиканската Република.
Животните биле спакувани под облеката, во затворен простор без воздух и основни услови за преживување. Полицијата верува дека едно младенче се задушило по патот.
Објавените видеа и фотографии ги прикажуваат преживеаните мајмуни како лежат исцрпени, завиткани во крпи додека ветеринарите се обидуваат да ги смират и да ги опорават од траумата.
„Оваа практика претставува апсолутна суровост и сериозно кршење на правата на животните“, рече бригадниот генерал на полицијата во Картагена, Гелвер Џесид Пења Араке.
„Едно животно умре во услови што можеме да ги опишеме само како нехуман“, додаде тој.
Фотографиите објавени од полицијата го покажуваат осомничениот пар со рацете во лисици и главите наведнати покрај полицајците, додека на маса пред нив лежеа исцрпените мајмуни за кои се сомнева дека се наменети да се продадат на меѓународниот црн пазар.
Истражителите проценуваат дека вредноста на овие животни на нелегалниот пазар би можела да достигне повеќе од 1,4 милиони долари. Трговијата со егзотични животни се смета за една од најпрофитабилните форми на нелегална трговија во светот, а експертите предупредуваат дека ваквите случаи сериозно го загрозуваат опстанокот на бројни видови.
Колумбискиот пар сега се соочува со обвиненија за нелегална експлоатација на природни ресурси и шверц со диви животни. Доколку бидат прогласени за виновни, се соочуваат со затворска казна до 11 години.
Случајот предизвика голем јавен бес и повторно ја отвори дебатата за бруталноста на нелегалната трговија со егзотични животни и потребата од построги казни против шверцерите кои се однесуваат кон животните како кон обична стока.
Свет
(Видео) Детали за пукањето во Турција: Ја убил поранешната сопруга, а потоа следел крвав напад
Најмалку пет лица беа убиени денес, а седум беа ранети, кога вооружен напаѓач отвори оган во близина на градот Мерсин на југот на Турција, според турските медиуми.
Според наводите, осомничениот Метин О. (37) ја убил својата поранешна сопруга Арза О. (32) со огнено оружје, по што избегал со автомобил.
🔴Mersin’in Tarsus ilçesinde silahlı saldırı gerçekleştiren şüpheli, 4 kişinin ölümüne, 8 kişinin ise yaralanmasına neden oldu.
Şüpheliyi yakalamak için helikopter destekli operasyon başlatıldı. pic.twitter.com/aSfaeY2jLk
— Selâmi Haktan (@slmhktn) May 18, 2026
После тоа, тој наводно дошол во ресторан во населбата Кадели во населбата Тарсус, каде што отворил оган врз зградата од возилото, според „CNN Turk“.
Според извештаите, напаѓачот прво пукал во ресторан, каде што биле убиени најмалку две лица, додека уште две жртви биле убиени на други локации.
По нападот, полицијата и жандармеријата започнале обемна потрага по осомничениот, со вклучување на копнени и воздушни единици.
Анчелоти го објави спискот, Нејмар ќе игра на СП
Селекторот на фудбалската репрезентација на Бразил, Карло Анчелоти го објави списокот од 26 играчи што ќе ги предводи на Светското...
(Видео) Арсенал е на чекор до титулата во Премиер лигата
Фудбалерите на Арсенал го победија Барнли со 1:0, во 37-то коло од Премиер лигата. Домашниот тим се доближи до титулата...
Дејли Мејл: Гвардиола во недела си оди од Манчестер Сити
Пеп Гвардиола ќе го напушти Манчестер Сити, ќе го напушти клубот, во недела, по последниот натпревар во Премиер лигата, тврди...
Американец почина од хантавирус: „Изворот на инфекцијата сè уште се истражува“
Возрасно лице од Колорадо почина откако беше потврдено дека има хантавирус, случај кој не е поврзан со ширењето на вирусот...
(Видео) Маж и жена се обиделе да прошверцуваат бебиња мајмуни скриени во долна облека
Колумбиските власти уапсија маж и жена на меѓународниот аеродром Рафаел Нуњез во Картагена, откако открија грозоморен обид за прошверцување на...
(Видео) Детали за пукањето во Турција: Ја убил поранешната сопруга, а потоа следел крвав напад
Најмалку пет лица беа убиени денес, а седум беа ранети, кога вооружен напаѓач отвори оган во близина на градот Мерсин...
„Вреди“ за протестите: Зошто Ахмети се крие зад студентите, го потпалува огнот позади, додека ги турка другите напред
Вистината мора да се каже јасно и гласно: студентите протестираа против неправда која потекнува токму од времето на владеењето на...
Шефoт на естонската разузнавачка служба: Времето не е на страната на Путин
Русија се бори со растечкиот домашен притисок поради неуспесите на украинското бојно поле и економските тешкотии, изјави Каупо Росин, директор...
„Њујорк Тајмс“: САД и Израел подготвуваат нови воени операции против Иран веќе оваа недела
Соединетите Американски Држави и Израел подготвуваат можни нови воени операции против Иран уште оваа недела, пишува „Њујорк Тајмс“, повикувајќи се...