Вести
Најдени телата на 46 жртви во авионската несреќа во Пакистан

Припадниците на пакистанската армија ги извлекле од остатоците на урнатиот авион во областа на Аботабад, во покраината Хајбер-Пактинква, телата на 46 настрадани.
Како што објави во средата вечерта Управата за цивилно воздухопловство на Пакистан, ниеден од 48-те патници и членови на екипажот не го преживеал падот. Според пакистанските власти, телата на жртвите биле изгорени до непрепознатливост.
Претходно беше објавено дека биле пронајдени и двете „црни кутии“ според достапните информации, причина за несреќата бил проблем со еден од моторите на леталото.
Во авионот до турбопропелерскиот тип „ATR 42“ на пакистанската воздухопловна компанија Pakistan International Airlines (PIA) кој летал од градот Читрал до главниот град Исламабад имало 42 патника, од кои 31 маж, 9 жени и 2 деца.
Меѓу патниците бил и популарниот во Пакистан музичар, телевизиски водител и дизајнер Џунејд Џамшед. Џамшед беше популарна ѕвезда, пејач на еден од првите рок состави во Пакистан во 1990-те години, која се преобрати во муслимански проповедник кој ја напушти музичката кариера за да му се приклучи на групата Таблеги Замаат која патува по земјата и го проповеда исламот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
Русија за истрагата за експлозијата на „Северен тек“: Шведска нешто крие

Руските власти ја обвинија Шведска дека крие информации за истрагата за експлозијата што го оштети гасоводот „Северен тек“ минатата година.
Портпаролката на руското Министерство за надворешни работи, Марија Захарова, изјави дека Русија има право да ги знае деталите од истрагата и дека е збунета од одбивањето на Шведска да соработува со руските обвинители.
Имено, Москва му предложи на Стокхолм поведување заедничка истрага за експлозиите, но Шведска и Данска го одбија тој предлог.
Захарова сугерира дека зад таа одлука има скриени причини.
„Можеби, по спроведувањето на истрагата, руските истражители би можеле да дојдат до незгоден заклучок за тоа кој ја извршил саботажата. За тоа кој ја смислил и ја извршил. Шведска крие што точно открила во текот на истрагата“, рече портпаролката на руското Министерство за надворешни работи, како што објави „Гардијан“.
Вести
(Видео) Силно невреме го зафати Солун, издадено предупредување

Улиците во Солун се поплавени откако ненадејно невреме го зафати градот, придружено со силни грмежи.
Возилата беа спречени да минуваат, па сообраќајот беше запрен во голем дел од градот. Во многу случаи водата ја достигнувала висината на тротоарот, а сопствениците на продавници се обидувале со метли да спречат да влезе во објектите.
Εν τω μεταξύ στη Θεσσαλονίκη pic.twitter.com/yQLkl87XmI
— Αντιτέτοιος (@VPetsopoulos) September 2, 2022
Кога започна невремето, на улиците имало многу луѓе кои се обидувале да најдат засолниште под блиските балкони, пренесува грчкиот портал „Вориа“.
Грчката хидрометеоролошка служба за денеска издаде итно предупредување за влошување на времето и обилни дождови и невреме.
Покрај Солун, големо невреме го зафати и Халкидики, а обилни врнежи имаше и во градот Вурвур, како и во Пефкохори.
Вести
Украина апелира до Русија да го дозволи коридорот во Мариупол

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град.
Бараме отворање на хуманитарен коридор за цивили – објави вицепремиерката Ирина Верешчук на украинската телевизија, пренесува „Ројтерс“.
Верешчук нагласи и дека руските вооружени сили спречуваат хуманитарна помош да стигне до жителите на градот Херсон на југот на земјата.
Украина денеска соопшти дека нејзините напори за евакуација на цивилите од опколените градови првенствено биле насочени кон Мариупол, но не објави никаков нов договор со Русија, кој би овозможил безбеден премин за нејзините заробени жители, пренесе Ројтерс.