Свет
Oгромни редици за купување марихуана во Чикаго
Голем број жители на Чикаго чекале да се отворат продавниците на 1 јануари за да купат марихуана, која легално се продава за рекреативна употреба од првиот ден на Нова година во Илиноис.
Меѓу првите купувачи била заменик-гувернерката на Илиноис Џулијана Стратон, која купила гумени бонбони со марихуана.
Таа изјавила дека администрацијата на Илиноис презела важен чекор напред со легализирање на канабисот.
„Јас сум тука за да го прославам големиот ден за Илиноис“, рекла Стратон, пренесува „Гласот на Америка“.
Илиноис веќе одобрува употреба на медицинска марихуана и сега е 11-та држава што дозволува продажба и рекреативна употреба.
Луѓето кои се занимаваат со легална продажба на марихуана предупредуваат дека лекот не смее да се консумира во јавноста и додаваат дека цената сега е поголема, како и за секој нов производ.
Властите на Илиноис се надеваат дека до 2022 година оваа држава ќе заработи 250 милиони долари од канабис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.