Свет
ОН: Фашистичката реторика во пораст и во САД и во Европа
Стандардите за заштита на човековите права ширум светот се под невиден притисок, соопштија Обединетите нации, предупредувајќи дека „фашистичката реторика“ станува заеднички момент и во Европа и во САД.
Зборувајќи во пресрет на Меѓународниот ден на човековите права кој се одбележува во сабота, 10-ти декември, комесарот на ОН за човекови права Зеид Ра’ад ал-Хусеин побара од луѓето ширум светот да станат против опасната ерозија во сферата на заштитата на човековите права.
„Оваа 2016 година беше катастрофална кога станува збор за човекови права“, се вели во писмената изјава на Зеид, предупредувајќи дека на крајот сите ќе имаат штетата „доколку растечката ерозија на внимателно градениот систем на човековите права и владеењето на правото добие замав“.
Меѓународните стандарди за заштитата на човековите права, продолжува Зеид, се под „невиден притисок“.
Истакнува дека многу челници ниту ефикасно, ниту искрено реагирале на таквите проблеми што го поттикнало искористувањето на стравовите на луѓето, вжештување на дезинформациите и поделбите и давањето ветување кои не можат да се исполнат.
„Во некои делови на Европа, како и во САД, реториката против странците е полна со незауздена критика и омраза, се шири до застрашувачки димензии и таа сé помалку се оспорува. Фашистичката реторика не е повеќе ограничена на тајното подземје на фашистите…, таа стана дел од нормалниот дневен дискурс“, предупредува Зеид.
Зеид, кој во саботата треба да ја покрене кампањата под мотото „Стани денес за нечии права“, од сите бара да ги „отфрлат насилството и омразата кои му се закануваат на денешниот свет“.
Во денешното време на брзи промени „вредностите коишто го поддржуваат мирот ширум светот се преважни за да бидат оставени само на меѓународните институции и владите“, заклучува Зеид./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.