Свет
Орбан: Иако ме уценуваат и се однесуваат како бандити, нема да ги прифатам барањата на Украина
Унгарскиот премиер Виктор Орбан денес повтори дека унгарската влада и тој го вознемируваат украинскиот претседател Володимир Зеленски затоа што не ги исполнуваат неговите барања, поради што сака да се „отараси од нив“.
Тој за „Радио Кошут“ изјави дека нема да попушти на уцените и заканите.
„Нема да го исполниме барањето на Украина да се ослободи од руската нафта, но нема да продолжиме да ја поддржуваме војната на Украина, ниту ќе им даваме пари и нема да дозволиме Украина да влезе во ЕУ, бидејќи тоа би ја уништило целата национална економија. Нема да ги прифатам нивните барања, дури и ако ме уценуваат или закануваат“, рече Орбан, пренесува унгарски „Немзет“.
Тој, исто така, повтори дека нафтоводот „Дружба“ нема технички проблеми што би го спречиле достигнувањето на нафтата до Унгарија и дека тоа е политичка одлука.
„Украина преку меѓународен договор презема обврска за транспорт, во споредба со тоа што ја уценуваат Унгарија. Покрај тоа, тие не го кријат фактот дека даваат политичка и финансиска поддршка на опозициската партија Тиса, бидејќи сакаат проукраинска влада во Унгарија. Меѓу другото, тие би сакале да го поттикнат ова со недостиг на нафта, односно зголемување на цените на горивата“, рече Орбан, додавајќи дека украинското раководство се однесува „бандитски“ кон Унгарија.
Тој нагласи дека Унгарија го суспендирала снабдувањето со бензин и дизел за Украина и дека, доколку е потребно, ќе суспендира и други работи што се важни за нив.
„Украинците ќе останат без пари побрзо отколку што ние ќе останеме без нафта. Унгарија е погодена од две работи одеднаш, војната на Блискиот Исток и блокадата на нафтата, и затоа е смртно злосторство што го прави Украина бидејќи крши меѓународен договор“, заклучи тој, според Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маѓар: Во министерствата се уништуваат документи, сите одговорни ќе бидат казнети
Победникот на изборите во Унгарија, Петер Маѓар, изјави дека се уништуваат документи од периодот на заминувачката влада на Виктор Орбан и ги повика сите што имаат сознанија за тоа да ги пријават.
Тој додаде дека е отворена онлајн платформа на која можат да се пријават свиркачи.
„Сите кои учествуваат во вакви криминални активности ќе одговараат кога ќе се формира новата влада“, напиша Маѓар на Фејсбук.
Се очекува Маѓар да положи заклетва како премиер на 9 или 10 мај, кога ќе се состане новиот парламент.
Маѓар изјави дека добива извештаи за уништување документи во министерствата, владините агенции и во компании кои се развивале за време на 16-годишното владеење на Орбан.
Тој најави дека ќе започне пресметка со корупцијата со цел да обезбеди милијарди евра од европските фондови кои биле замрзнати за време на владеењето на Орбан.
Премиерот Орбан претходно ги отфрлаше обвинувањата, тврдејќи дека Унгарија не е покорумпирана од другите европски држави.
Свет
Украинското разузнавање предупредува: Русија подготвува голема офанзива, цел е Донбас до септември
Русија подготвува нова пролетно-летна офанзива на југоистокот на Украина и планира да го заземе целиот Донбас до септември, изјави Вадим Скибицки, заменик-шеф на украинската воена разузнавачка служба.
Според него, Москва ангажира стратешки резерви и додава околу 20.000 војници, со што вкупниот број руски сили достигнува околу 680.000.
Скибицки истакна дека во последните недели се зголемени ракетните напади врз украинските градови, при што Русија произведува околу 60 ракети „Искандер“ месечно.
Тој предупреди дека Украина нема доволно современи системи за противвоздушна одбрана, како „Патриот“, за да ja покрие целата своја територија.
Енергетската инфраструктура, веќе оштетена од зимските напади, останува особено ранлива.
„Засилените напади со ракети и дронови се дел од подготовките за нова офанзива“, рече Скибицки, додавајќи дека Москва не покажува намера за преговори.
Во период од 24 часа, руските сили извршиле масовни напади со 44 ракети и 659 дронови. Загинале 19 лица, а над 100 се повредени.
Украинската противвоздушна одбрана соборила 667 воздушни цели, вклучувајќи 31 ракета.
Свет
Украина тврди: Рекорден број руски загуби во март, дроновите клучни
Украинските вооружени сили соопштија дека во март регистрирале рекорден број руски загуби – 35.351, што е раст од 29% во однос на февруари, пренесе Ал Џезира.
Министерот за одбрана Михајло Федоров изјави дека станува збор за „јасно потврдени загуби“, при што дури 96% биле предизвикани од дронови.
Според украинските податоци, Русија во првите три месеци од 2026 година трпела околу 316 загуби по освоен квадратен километар, значително повеќе од минатата година.
Претседателот Володимир Зеленски поставил цел од над 50.000 руски загуби месечно, оценувајќи дека тоа е „оптимално ниво“ за слабеење на руските сили.
Врховниот командант Олександр Сирски соопшти дека во март биле погодени над 151.000 цели со дронови, што е раст од 50% во однос на февруари.
Украина, според официјалните лица, има предност во производството на FPV-дронови, а се развиваат и нови пресретнувачи со брзина до 550 км/ч.
Според Институт за проучување на војната (ISW), Русија освојува сè помалку територија – околу 5,5 км² дневно, значително помалку од 2024 и 2025 година.
И покрај тоа што Украина губи делови од територијата, Сирски тврди дека земјата ја презела „стратешката иницијатива“, ограничувајќи ги руските офанзиви.
САД со 5 милиони долари поддршка за сајбер безбедноста во Македонија
Министерот за дигитална трансформација, Стефан Андоновски денеска оствари средба со Н.Е. Никол Варнс, вршител на должноста амбасадор на Соединетите Американски...
Маѓар: Во министерствата се уништуваат документи, сите одговорни ќе бидат казнети
Победникот на изборите во Унгарија, Петер Маѓар, изјави дека се уништуваат документи од периодот на заминувачката влада на Виктор Орбан...
Барселона нема пари за Алварез, се распрашува за Серлот
Барселона има приоритет во летниот преоден рок да ангажира напаѓач и деванзивец кој се служи со левата нога. Матео Морето,...
„Алиса“ од СДСМ треба да се разбуди, Петрушевски вели дека партијата живее во паралелен универзум
Филипче се однесува како Алиса во земјата на чудата, СДСM е партија на лагите и конструкциите, живеат во свој свет...
Трoјца тешко повредени пешаци во еден ден: сообраќајки во Скопје, Штип и Битола
Три одделни сообраќајни несреќи со тешко повредени пешаци се случиле во текот на 16 април во Скопје, Штип и Битола....
Во дом во Прилеп пронајдени 74 стари монети: Кривична пријава за недозволена трговија со културно наследство
Полициска акција во Прилеп открила десетици стари монети во домот на 41-годишен прилепчанец, по што против него е поднесена кривична...
Зајкова: Свикување на Советот за безбедност и јасна стратегија за заштита на граѓаните од финансиските шокови кои допрва следуваат
Светот влегува во сериозна економска турбуленција. Земјите веќе се организираат, разговараат за економскиот раст, инфлацијата, носат мерки и водат сериозни...
Студија: Мажите и жените се самозадоволуваат од различни причини
Нова британска студија покажува дека мажите и жените се самозадоволуваат од различни причини, но не само поради уживање, туку и...
(Видео) СДСМ поднесе кривична пријава против Мицкоски
Александар Саша Димитријевиќ од СДСМ соопшти дека партијата поднела кривична пријава против Христијан Мицкоски за, како што наведуваат, „рушење на...