Свет
Патрушев убеден дека односите меѓу Русија и САД ќе се подобрат
Натамошното влошување на односите меѓу Москва и Вашингтон не е во интересот на ниедна до страните, изјави во вторникот челникот на Советот за безбедност на Руската Федерација, Николај Патрушев.
„Како што покажува неодамнешната историја, односите меѓу Русија и САД, порано или подоцна, ќе се вратат на нормалното ниво, особено затоа што натамошното влошување не е во интересот ниту на Москва, ниту на Вашингтон“, изјави претседателот на Советот за безбедност на Руската Федерација, Николај Патрушев, Николај Патрушев..
Според него, Москва е подготвена да соработува со Вашингтон, но истакнува дека „Американците ја споредуваат Русија со вирусот на ебола и терористите на Исламската држава“.
„Подготвени сме да соработуваме со нашите американски колеги под услов нашата соработка да почива на рамноправност и заемно почитување на интересите. Меѓутоа, Русија е вброена во најголемите светски закани за американската национална безбедност. Мораме да се запрашаме што го натерало Вашингтон да мисли дека Русија може да ја стави во ист ранг со Исламската држава и со вирусот на еболата“, додаде Патрушев, пренесе агенцијата ТАСС./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.