Полјански: Постои ризик Европа да биде вовлечена во конфликт со Русија пред 2030 година

Постојаниот претставник во ОБСЕ, Дмитриј Полјански, изјави за Спутник дека постои ризик Европа да биде вовлечена во конфликт со Русија пред 2030 година.

Тој оцени дека проблемот не е само во систематските подготовки за војна и интензивната милитаризација на Европа, туку и во фактот дека, како што изјави, „наративот за наводно агресивна Русија и плановите што ѝ се припишуваат се користи како изговор“.

„Проблемот е што се намалува прагот за потенцијални провокации, оние што би можеле да ја вовлечат Европа во војна многу порано, без оглед на тоа дали некој го сака тоа или не“, одговори Полјански на прашањето дали сè почестите повици во Европа за подготовка за војна со Русија се само начин за зголемување на воените трошоци или одразуваат реално сценарио.

Полјански, исто така, изјави дека властите во Киев „го гледаат својот опстанок во провоцирање директен конфликт меѓу Русија и Европа“, во кој Украина би била ставена во втор план.

„Киевскиот режим нема друг начин да преживее. Само со провоцирање на голем конфликт во кој Украина ќе падне во втор план, а Русија и Европа ќе војуваат“, нагласи Пољански, одговарајќи на прашање за ризиците од ескалација.

Според него, украинскиот претседател Володимир Зеленски не крие дека е заинтересиран за таков развој на настаните и „ги прекорува своите сојузници и спонзори што не се подготвени да тргнат по тој пат“.

„Затоа суштината на проблемот е да не се премине границата, по што повеќе нема да биде можно да се избегне конфликтот“, заклучи Пољански.

Рускиот министер за надворешни работи Сергеј Лавров неодамна изјави во својот авторски напис „Украина, Европа и глобалната безбедност“ дека Европа се обидува на секој начин да добие време за да достигне целосна борбена готовност за евентуален конфликт со Русија до 2030 година, пренесува Танјуг.