Кувајтското Министерство за внатрешни работи објави снимки кои покажуваат голема штета на Меѓународниот аеродром во Кувајт по ракетен и дронски напад извршен од Иран рано утрово.

Според официјалните информации, во нападот загинал еден индиски државјанин, а најмалку 63 лица се повредени. Дел од проектилите и дроновите биле пресретнати од противвоздушната одбрана, но некои сепак погодиле делови од аеродромската инфраструктура.

معالي النائب الأول لرئيس مجلس الوزراء ووزير الداخلية يتفقد مبنى الركاب (T1) في مطار الكويت الدولي عقب تعرضه لعدوان إيراني آثم

في إطار المتابعة الميدانية المستمرة قام معالي النائب الأول لرئيس مجلس الوزراء ووزير الداخلية الشيخ فهد يوسف سعود الصباح بجولة تفقدية على مبنى الركاب (T1)… pic.twitter.com/mZgkRDjXDO

— وزارة الداخلية (@Moi_kuw) June 3, 2026

Иранските власти потврдија дека го извршиле нападот и изјавија дека станува збор за „самоодбрана“, насочена кон локации поврзани со американската војска. Нападите следуваат по претходна американска акција во регионот.

Terminal One at Kuwait International Airport suffered significant damage, with multiple civilians being injured, in last night’s retaliatory drone and missile attack by Iran, which reports initial claimed had only failed to target Ali Al Salem Air Base. pic.twitter.com/m2g4NaIt4f

— OSINTdefender (@sentdefender) June 3, 2026

Ситуацијата во Заливот останува напната, со обвинувања и контранапади меѓу САД и Иран.

Деветнаесетгодишниот Норвежанец, Јоханес Натланд пристигнал во Обединетото Кралство со цел да изврши атентат во име на шведска криминална организација поврзана со иранскиот режим, беше соопштено на судот Олд Бејли во Лондон. Натланд бил уапсен на 19 март минатата година во хотел во Хадерсфилд, каде што полицијата пронашла два пиштоли и 12 парчиња муниција.

Пред судот, тинејџерот признал вина за поседување на огнено оружје (полуавтоматски пиштол и револвер) и муниција, но го негира обвинението за соучесништво во завера за убиство.

Според обвинителството, Натланд бил регрутиран од организираната криминална група „Фокстрот“ – шведска мрежа која ја користи иранскиот режим – при што му биле ветени 25.000 евра за да отпатува и да го изврши атентатот.

Преку пресретнати пораки меѓу друг норвешки тинејџер со прекар „Генералот“ и профил под име „Агент 47“, утврдено е дека се барало итно пронаоѓање на убиец за Велика Британија. Натланд се согласил на мисијата и покрај тоа што бил известен дека едно од лицата кои го регрутирале во меѓувреме било уапсено.

По слетувањето во Манчестер, Натланд со такси заминал за Западен Јоркшир. Според упатствата добиени преку апликацијата „Сигнал“ (Signal), тој го подигнал скриеното оружје и муницијата од шумска област во Хадерсфилд.

Обвинителството тврди дека Натланд купил гумени ракавици и бил упатен до локацијата на украден автомобил кој требало да се користи при нападот. Во пресретнатите пораки со пријател, на прашањето дали го тестирал оружјето, обвинетиот одговорил: „Нема шанси. Ќе биде тестирано на типот“, што според обвинителот потврдува дека имал јасна намера да изврши убиство.

Во раните утрински часови, пред да биде извршен нападот, полициски специјалци упаднале во неговата хотелска соба каде што го уапсиле. Покрај полуавтоматскиот пиштол „Лугер“ (Luger) и револверот, кај него биле пронајдени и 2.000 фунти во кеш. Идентитетот на целта која Натланд требало да ја ликвидира останува непознат, а се очекува судењето да трае околу три недели.

Американскиот шеф на дипломатијата, Марко Рубио, изјави денеска пред Комитетот за надворешни работи на Претставничкиот дом дека Доналд Трамп лично ќе учествува на претстојниот самит на шефови на држави на НАТО, кој следниот месец ќе се одржи во Турција.

Оваа објава доаѓа во момент на исклучително затегнати односи меѓу Трамп и Северноатлантскиот сојуз, кои дополнително беа продлабочени од американското покренување на војната во Иран.

„Сметам дека претстојниот состанок на НАТО во Турција во јули е веројатно најважниот состанок во историјата на сојузот, бидејќи постојат некои работи кои мора да се расчистат и да се поправат“, порача Рубио.

Трамп во април го нарече овој 77 години стар воен сојуз „тигар од хартија“ и отворено сугерираше дека Соединетите Американски Држави би можеле да размислат за излез од НАТО.

Ваквата реакција уследи откако државите членки го игнорираа неговиот официјален повик за давање воена помош во операциите за повторно отворање на стратешки клучниот Ормуски Теснец.