Свет
Путин предложи поранешниот германски канцелар да посредува во преговорите, Берлин одби
Германија го отфрли предлогот на рускиот претседател Владимир Путин, поранешниот германски канцелар Герхард Шредер да посредува во евентуални преговори меѓу Европска Унија и Русија за мировен договор во Украина.
Предлогот следуваше откако претседателот на Европскиот совет, Антонио Кошта, изјави дека постои „потенцијал“ Европската Унија да разговара со Русија за идната безбедносна архитектура во Европа.
Путин изјавил дека доколку дојде до такви разговори, негов најпосакуван посредник би бил токму Шредер.
Сепак, германски официјален претставник за агенцијата Ројтерс изјавил дека понудата не е веродостојна, бидејќи Москва не променила ниту еден од своите услови поврзани со војната во Украина.
„Првиот вистински тест би бил дали Русија е подготвена да го продолжи тридневното примирје“, изјавил германскиот претставник, кој инсистирал на анонимност.
Берлин ја обвини Москва за обид да го подели Западот
Според истиот извор, Путин изнел „низа неискрени понуди“ со цел да создаде поделби меѓу западните сојузници.
Портпаролот на германската влада во петокот соопштил дека Берлин не гледа знаци оти Москва е заинтересирана за сериозни мировни преговори.
Воедно било нагласено дека какви било разговори меѓу Европската Унија и Русија мора да бидат тесно координирани со земјите членки и со Украина.
Шредер со години е критикуван поради врските со Кремљ
По заминувањето од функцијата канцелар во 2005 година, Шредер презеде високи позиции во германско-руски енергетски компании поврзани со гасоводни проекти.
Поради блиските односи со Путин, тој со години е изложен на остри критики во Германија, особено по почетокот на руската инвазија врз Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Му реков на Биби да внимава што прави
Американскиот претседател Доналд Трамп изјави дека го предупредил израелскиот премиер Бенјамин Нетанјаху да не дозволи конфликтот со Иран да прерасне во целосна војна.
„Му реков на Биби да внимава што прави бидејќи многу брзо може да остане сам против Иран“, изјавил Трамп за израелскиот Канал 12.
Трамп тврди дека Нетанјаху го известил Вашингтон во последен момент за одлуката да изврши напад врз Иран и дека успеал да ги намали размерите на операцијата.
Според американскиот претседател, Иран преку посредници испратил порака дека нема повеќе да го напаѓа Израел и побарал прекин на израелските напади.
Во меѓувреме, Нетанјаху порача дека Израел има целосно право да се брани и дека ќе го користи тоа право онолку колку што е потребно.
Свет
Зеленски потврди: Роман Абрамович посредува во контактите меѓу Киев и Москва
Украинскиот претседател Володимир Зеленски потврди дека рускиот милијардер Роман Абрамович имал улога на посредник во контактите меѓу Киев и Москва поврзани со можни мировни преговори.
Во интервју за Скај њуз, Зеленски изјави дека Абрамович се сретнал со него во Киев и понудил директно да му пренесе порака на рускиот претседател Владимир Путин.
„Му реков дека нема да си заминеме и нема да се повлечеме од нашата територија. Нема да ви дозволиме победа на тој начин“, изјавил Зеленски, мислејќи на Донбас.
Тој додал дека преку Абрамович му порачал на Путин дека е подготвен за средба „во секое време и на која било локација“, освен во Русија или Белорусија.
Според „Фајненшл тајмс“, средбата меѓу Зеленски и Абрамович се одржала кон крајот на мај.
Свет
Иран ги осуди новите санкции на ЕУ: Лицемерни се и засновани на лаги
Иран остро ги осуди новите санкции што Европската Унија денеска ги воведе против ирански поединци и организации.
Заменик-министерот за надворешни работи на Иран за правни и меѓународни прашања, Казем Гарибабади, ги нарече санкциите „лицемерни“ и „засновани на лаги“.
„Самите земји-членки на ЕУ се меѓу најголемите прекршители на правата на иранскиот народ, а Европската Унија намерно молчеше и за американската поморска блокада на Иран, која се смета за чин на војна“, напиша Гарибабади на платформата Икс.
Тој додаде дека Иран не им придава никакво значење на европските санкции и порача дека земјата ќе продолжи да ги остварува своите суверени права во Ормускиот Теснец.
Трамп: Му реков на Биби да внимава што прави
Американскиот претседател Доналд Трамп изјави дека го предупредил израелскиот премиер Бенјамин Нетанјаху да не дозволи конфликтот со Иран да прерасне...
Зеленски потврди: Роман Абрамович посредува во контактите меѓу Киев и Москва
Украинскиот претседател Володимир Зеленски потврди дека рускиот милијардер Роман Абрамович имал улога на посредник во контактите меѓу Киев и Москва...
Ѕвездата од „Игра на тронови“ до 11 години не знаела како навистина се вика
Британскиот актер Кит Харингтон откри дека до својата 11-та година не знаел дека Кит не е неговото вистинско име. Ѕвездата...
Дивок Ориги замина во пензија
Поранешниот напаѓач на Ливерпул, Дивок Ориги, официјално стави крај на својата кариера. Ориги припаѓа на оние важни, но не премногу...
Улици под вода по невремето во Битола, службите на терен низ целиот град
Големите количини на дожд кои попладнево паднаа во Битола предизвикаа проблеми во нормалното функционирање во делови од градот. Веднаш на...
Тимбер ќе го пропушти Мундијалот
Јуриен Тимбер ќе го пропушти Светското првенство. Дефанзивецот на холандската репрезентација и на Арсенал не успеа соодветно да се опорави...
Иран ги осуди новите санкции на ЕУ: Лицемерни се и засновани на лаги
Иран остро ги осуди новите санкции што Европската Унија денеска ги воведе против ирански поединци и организации. Заменик-министерот за надворешни...
САД му забранија влез во земјата на најдобриот африкански судија
На судијата Омар Абдулкадир Артан, избран од ФИФА да го суди Светското првенство, му беше одбиен влезот во Соединетите Држави...
Астролозите најавуваат еден од најсреќните денови во годината: Седум знаци ќе имаат најмногу среќа
На 9 јуни ќе се случи конјункција на Венера, планетата на љубовта, и Јупитер, планетата на среќата и изобилството, а...