Регион
Австралија му ја поништи визата на Ѓоковиќ, можно е да го депортира
Австралија му ја поништи визата на српскиот тенисер Новак Ѓоковиќ и планира да го депортира, пренесуваат светските медиуми.
Министерот за емиграција во Австралија, Алекс Хок, го искористи своето дискреционо право да ја укине визата за рекетот број еден, а како што пишува „Гардијан“, треба да следи депортација и откажување на неговото учество на Австралија опен.
Според австралиските новинари кои внимателно го следат овој случај, визата била одбиена во интерес на здравјето и јавниот интерес.
По неколкудневни размислувања, министерот за миграција, Алекс Хок, реши да ја поништи одлуката на судот и да не дозволи најдобриот светски тенисер да настапи на Австралија опен.
„Го искористив моето овластување за Законот за имиграција за да ја поништам визата што ја имаше Новак Ѓоковиќ. Од здравствени причини и воспоставување на подобар ред кои се во јавен интерес. За време на оваа одлука внимателно ги разгледав сите информации од Министерството за внатрешни работи, австралиските гранични сили. Владата на Морисон е цврсто посветена на заштитата на границите на Австралија, особено за време на пандемија“, објасни Хок.
Адвокатите на Новак Ѓоковиќ однапред најавија дека ќе ја искористат можноста да поднесат жалба до судот доколку се донесе оваа одлука.
Новак Ѓоковиќ планирал двочасовен тренинг во четвртокот, но тој траел само половина час, пишува германскиот таблоид „Билд“, наведувајќи дека првиот тенисер во светот го напуштил теренот по пораката што му ја покажал кондициониот тренер Марко Паничи.
Одлуката за укинување на визата за најдобриот тенисер во светот Новак Ѓоковиќ со судска одлука е поништена. Но, одлуката за депортација остана можна и по тоа, пишуваат медиумите.
Ѓоковиќ слета во Австралија во средата, но не доби виза да влез во земјата, поради што беше сместен во хотел за баратели на азил, каде што го чекаше сослушувањето.
Ѓоковиќ пристигна во Австралија со медицинско ослободување од вакцинација против коронавирус, откако тоа беше потврдено од две тамошни комисии.
Според австралиската гранична полиција, Новак Ѓоковиќ не доставил соодветни докази дека ги исполнува условите за влез во Австралија, поради што му била поништена визата.
Според документите објавени на официјалната веб-страница на надлежните австралиски институции, српскиот тенисер побарал медицинско ослободување што му овозможува да влезе во Австралија без да прими две дози од вакцината, врз основа на фактот дека неодамна заболел од Ковид-19. Според документите, тој добил позитивен резултат од ПЦР-тест на 16 декември.
Во документите доставени од неговите адвокати, меѓу другото, се наведува дека Ѓоковиќ добил виза во ноември, а медицинско ослободување во декември, како и дека добил документ од Секторот за внатрешни работи дека може да влезе во земјата без да оди во карантин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.