Условите за влез во Грција остануваат непроменети до 22 октомври.

Сегашните услови за влез во Грција се продолжени за уште седум дена, односно до 22 октомври.

За влез во Грција потребен е сертификат за вакцинација, под услов да поминале 14 дена од ревакцинацијата, потврда за прележан коронавирус во период од најмалку 30 и најмногу 180 дена пред патувањето, негативен брз тест, негативен ПЦР-тест заедно со пополнет електронски формулар PLF.

Ова важи за сите посетители без оглед на државјанството и начинот на влегување во земјата.

Овие услови се однесуваат за сите возрасни и деца над 12 години.

Советот за безбедност на Обединетите нации денеска ќе го разгледа редовниот шестмесечен извештај на генералниот секретар на ОН за работата на Мисијата на ОН во Косово (УНМИК).

Србија на седницата ќе ја претставува министерот за надворешни работи, Никола Селаковиќ, а Косово претседателката Вјоса Османи.

Извештајот ќе го претстави шефот на УНМИК и специјален претставник на генералниот секретар на ОН, Захир Танин, кој рече дека новиот извештај се фокусира на владините реформи, владеењето на правото, безбедносните прашања и ситуацијата со пандемијата на коронавирусот.

Во пресрет на седницата, како дел од редовните консултации, Танин разговараше одделно со претседателот на Србија, Александар Вучиќ, и со премиерот на Косово, Албин Курти. Сесијата почнува во 16 часот по средноевропско време.

Претходната седница на Советот за безбедност на ОН, на која се разговараше за шестмесечниот извештај за работата на УНМИК, се одржа на 13 април во онлајн-формат поради пандемијата.

Во последните 24 часа во Србија се регистрирани 6.786 нови случаи на коронавирус, починаа 54 луѓе.

Тестирани се 22.710 лица. Од 6.786 нови случаи, најмногу има во Белград, 1.723, додека трицифрен број на новозаразени е забележан во 10 градови.

Вирологот и микробиолог д-р Миланко Шеклер вели дека непочитувањето на мерките во Србија и слабиот одговор на вакцинацијата доведуваат само до дополнителни проблеми.