Регион
(Видео) Минибус со патници падна во Дунав по судир со друг автомобил во Романија

Минибус со патници падна во Дунав откако се судри со друг автомобил на вијадуктот во Иловица во западна Романија, пренесуваат локални медиуми.
„Засега немаме потврда за бројот на луѓе во минибусот. Можно е да станува збор само за возачот и уште едно лице, но сè уште ја третираме ситуацијата како да има уште луѓе под вода“, објасни Раед Арафат од Одделот за вонредни ситуации.
Județul Mehedinți, E 70 – DN 6 (viaductul Bahna și Ilovita), accident rutier, un microbuz a căzut în Dunăre. La acest moment, nu este confirmat dacă vehiculul transporta pasageri.
Mai multe detalii ⤵️https://t.co/4c7QTHfqvo pic.twitter.com/XVGYtOWbSx
— DSU (@DSURomania) April 14, 2025
Патниот сообраќај е целосно блокиран на вијадуктот до крајот на спасувачката операција.
„Минибусот воопшто не е видлив, немаме информации за бројот на луѓе, спасувачките сили пристигнаа таму, но потребен е целосен тим нуркачи“, изјави Арафат за Диги24.
Нуркачи од Крајова и Караш-Северин беа мобилизирани, а хеликоптерот на SMURD беше пренасочен за што поскоро да го транспортира нуркачкиот тим до местото на несреќата.
„Мисијата е многу тешка со оглед на матниот Дунав“, додаде Арафат и процени дека шансите за преживување се многу мали по неколку минути во студената вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Еколошка катастрофа – нафта истече во Јадранското Море

Големи количини гориво истекоа во Јадранското Море на островот Хвар во Хрватска. Неофицијално, инцидентот се случил кога пукнал резервоар на танк на бензинската пумпа ИНА, објави „Далмација данас“.
Полицијата е на терен и се истражува како се случил инцидентот.
„Утрово, околу 9.30 часот, е примена информација дека во градот Хвар, заливот Крижна Лука, имало загадување со нафта во морето. Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај спроведувањето на постапката за санирање на штетите, ќе се спроведе и постапка за утврдување на сите факти и околности на настанот“, соопшти сплитската полиција.
Регион
Вучиќ оди во Русија на прославата на Денот на победата, ќе се сретне со Путин

Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.
Регион
Се запали градинка во Загреб – пожaрот избил од клима уредот

Пожар изби попладнево во градинка во Загреб.
Според информациите на хрватските медиуми, причина за избувнување на пожарот е палење на клима уредот.
Првата личност која се обидела да се справи со огнот била жена која го гаснела со ПП апарат. Во меѓувреме сите деца навреме го напуштиле објектот и биле испратени на безбедно.
Пожарот се проширил низ една од просториите, а неговото натамошно ширење го спречиле загрепските пожарникари, кои дојавата за пожарот ја добиле околу 16:55 часот.
Допрва ќе се утврдуваат околностите под кои избил пожарот во градинката.