Полицијата употребила огнено оружје против маж кој нападнал минувачи и полицајци со нож во љубљанската населба Фужине. Напаѓачот починал на местото на настанот, а подрачјето околу плоштадот е затворено.

Драматичниот инцидент се случил денеска, а од Полициската управа Љубљана потврдиле дека мажот со нож нападнал минувачи и полицајци, по што полицијата употребила огнено оружје.

Според „Словенске новице“ каде што е објавено и видеото, напаѓачот починал на местото на настанот.

Набргу по инцидентот на социјалните мрежи се појавила и снимка од настанот. На неа најпрво се слуша пукање, а мажот што снима вознемирено извикува:

„Боже мој, боже мој. О, Боже, пукаат, жена пукаше. Фужине веќе не се Фужине. Фужине не е безбедно.“

Потоа тој се приближува до местото на настанот, каде што се гледа застрелан маж како лежи на средината на улицата, додека над него стојат еден полицаец и две полицајки.

Фото: Depositphotos

Хрватска е членка на ЕУ, НАТО и Шенген зоната и, според Евростат, е една од најбезбедните земји во Европа, објави Министерството за надворешни и европски работи (MVEP) на Хрватска, реагирајќи на препораката на Србија до нејзините граѓани да патуваат во Хрватска само во случаи на крајна потреба.

„Хрватска, членка на ЕУ, НАТО и Шенген зоната и, според Евростат, една од најбезбедните земји во Европа, пречекува милиони посетители секоја година и постојано бележи одлични туристички сезони“, објави MVEP на X.

„Сепак, таа е означена како ‘портокалова’ на патничките совети поради неодредени ‘тензии’“, продолжува хрватското министерство.

Иако Министерството за надворешни работи не ја спомена експлицитно Србија, соопштението се однесува на таа земја бидејќи нејзиното министерство за надворешни работи издаде препорака до српските граѓани да патуваат во Хрватска само во случаи на крајна неопходност поради „сè почести инциденти, тензии и неповолни безбедносни околности“, односно ја означи со портокалова боја на својот „патнички семафор“.

Хрватска е единствената европска земја во таа категорија. „Искуството ни кажува дека секогаш кога се издаваат патни совети, честопати гледаме повеќе посетители од тие земји“, продолжува Министерството за надворешни работи, нарекувајќи го класично „забрането овошје“.

„Засега, најголемата ‘тензија’ се чини дека е изборот помеѓу јадранскиот брег и хрватските континентални вински патишта“, заклучува Министерството за надворешни работи.

Српските инфлуенсерки Сара и Ања Дамњановиќ се наоѓаат во Дубаи, каде, како што велат, изминатите денови се слушаат експлозии по нападите во регионот.

Сара во видео објава раскажа дека тие биле евакуирани од стан и се преселиле во хотел на понизок кат поради безбедност, пренесе „Б92“.

 

View this post on Instagram

 

A post shared by Sara Damnjanović (@saratkd7)

„Последниот силен удар го слушнав вчера наутро и ме разбуди. Кога бевме на 24. кат, зградата се тресеше и се слушаше силен звук“, изјави таа.

Додава дека ситуацијата е различна во зависност од делот на градот – додека некаде се активираат аларми и има евакуации, на други места луѓето седат во кафулиња и сè изгледа нормално.

Инфлуенсерката вели дека лично не паничи, но е загрижена поради големиот број информации и лажни видеа што се шират на социјалните мрежи.

Таа опиша и момент кога, трчајќи кон гаража, видела што се случува на небото и дека хотел на околу два километри од нив бил погоден. И покрај тензијата, вели дека градот функционира релативно нормално, иако понекогаш сообраќајот кратко се прекинува по нападите.

Фото: Depositphotos