Миланко Шеклер, виролог и микробиолог од Ветеринарниот институт во Кралево, вели дека кинеската вакцина против коронавирус побавно создава имунитет, но дека според научниците од Кембриџ и Оксфорд, таа вакцина е најотпорна на мутации на вирусот.

Шеклер рече дека вакцините на кинескиот производител „Синофарм“ ги испитувале американски лаборатории и потсети на изјавата на еден од американските виролози од Универзитетот во Мериленд од минатата недела дека сите источни вакцини се безбедни и ефикасни и дека тоа се однесува на кинеските, индиските и на руската „спутник В“.

„Тоа е класична вакцина, експертите од Кембриџ и Оксфорд велат дека кинеската вакцина е најотпорна на мутации, бидејќи ја содржи целата честичка на вирусот“, изјави Шеклер за телевизијата К1.

Коментирајќи ја изјавата на раководителот на кинескиот Центар за контрола и превенција на болести, Гао Фу, дека поради ниската ефикасност на кинеските вакцини, се разгледува комбинацијата на вакцини против Ковид-19, Шеклер рече дека кинеската вакцина на „Синофарм“ побавно развива имунитет отколку западните „инстант“ вакцини кои се засноваат на еден антиген.

Тој додаде дека ефикасноста на вакцината на „Синофарм“ е до 86 проценти, околу 50 проценти за „Синовак“ и до 62 проценти за вакцината против сезонски грип.

Дваесет и две годишен словенечки државјанин е уапсен откако бил фатен во комбе со кое превезувал 33 пакистански мигранти, соопшти денеска полициската управа на Љубљана.

Полицијата запре комбе на автопатот А1 во близина на Врника, југозападно од Љубљана, додека возеше во правец на Копер.

При претрес на возилото биле откриени 33 пакистански државјани, а мигрантите илегално ја минале границата.

Возачот, кој доаѓал од подрачјето на Крањ, бил уапсен, додека постапките со мигрантите се уште траат, објави полицијата.

Управители на две компании од албанскиот град Драч биле уапсени бидејќи во контејнери од Еквадор, кои пристигнале на нивно име, биле пронајдени 143 килограми кокаин распределени во 200 пакувања.

Двајцате мажи, братучеди, негираа дека имале каква било врска со тој товар, на кој била залепена фотографија на Пабло Ескобар, пренесуваат албанските медиуми.

Двајцата обвинети, како што рекоа, нарачале банани од Јужна Америка, од каде што им доаѓала стоката со овошје секоја недела.

Бродот беше испратен уште пред 40 дена од Еквадор по што имал застој во Панама и Италија, каде што се задржал една недела, а од Грција пристигнал во Албанија.

Албанската полиција се сомнева дека товарот од 143 килограми дрога пристигнал во Албанија во име на три криминални групи, објавија албанските портали.