Регион
Во Бразил сослушан полицаец поради можното убиство на амбасадорот на Грција

Бразилската полиција на сослушување повикала во петокот свој службеник во врска со најверојатното убиство на грчкиот амбасадор Киријакос Амиридис, а ја проверува и верзијата за учество на сопругата на дипломатот, пишуваат локалните медиуми.
Испрашувањето на полицаецот во врска со исчезнувањето на грчкиот амбасадор Киријакос Амиридис траело неколку часови, пишува весникот O Globo, повикувајќи се на роднини на полицискиот службеник.
Полицијата, исто така, ја повикала на сослушување и сопругата на грчкиот дипломат Франсуас Амаридис. Според весникот, иследниците нашле дамки од крв на каучот во апартманот во кој престојувале амбасадорот и неговата сопруга и нивната ќерка. Полицијата во моментов води истрага според верзијата дека дипломатот бил убиен.
Во четвртокот бразилските медиуми, повикувајќи се на службеници на амбасадата на Грција во главниот град Бразилија, објавија дека 59-годишниот дипломат исчезнал пред три дена, во текот на празничниот одмор во Рио де Жанеиро, каде престојувал со сопругата. Според телевизијата Globo, исчезнувањето го пријавила сопругата којашто во полицијата изјавила дека тој во понеделникот вечерта сам го напуштил домот, а не се вратил следниот ден.
Во четвртокот попладнето по локално време во општината Нова Игаусу, во регионот Баиксада Флуминенсе, северно од Рио, каде што е пријавено исчезнувањето, полицијата откри во бездна автомобил чиишто регистарски таблички одговарале на табличките на автомобилот кој го изнајмил амбасадорот, а во внатрешноста бил откриено изгорено тело. Останките се однесени на институтот за судска медицина при тамошниот универзитет.
Амиридис бил конзул во Рио де Жанеиро во периодот од 2001 до 2004 година. Во јануари 2016 е именуван за амбасадор на Грција во Бразил, откако претходните четири години бил амбасадор во Либија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Владата на Република Српска по налог на Додик ги прекина односите со САД и Британија

Владата на Република Српска денеска донесе одлука за прекин на соработката со амбасадите на САД и Велика Британија во БиХ, на што американската страна веднаш одговори со порака дека тргнале по „опасен пат“.
Прекин на соработката со американските и британските дипломати во Босна и Херцеговина, претходно најави претседателот на Република Српска Милорад Додик, кој е под санкции на САД и Велика Британија од 2017, односно 2022 година, откако Вашингтон и Лондон одлучија да го казнат за сепаратистичка реторика и поткопување на Дејтонскиот договор и корупција.
Оттогаш Додик е во постојана вербална војна со дипломатските претставници на овие две влијателни западни земји, а сега ги наведе властите на РС да донесат одлука да ја прекинат комуникацијата со нив под обвинение дека се мешаат во внатрешните работи на БиХ.
„Владата ќе ги информира надлежните органи на САД и Велика Британија за прекин на соработката со амбасадите на САД и Велика Британија поради нивните антидејтонски активности и кршење на меѓународното право“, се вели во денешното соопштение на владата.
Регион
Додик се закани со прогласување на независнот на Република Српска

Претседателот на Република Српска, Милорад Додик, денеска најави дека Српска ќе прогласи независност, доколку високиот претставник во БиХ, Кристијан Шмит, го наметне спорниот закон за имот.
„Ќе одиме во Народното собрание на Република Српска и ќе донесеме одлука за независноста на Република Српска“, изјави Додик.
Тој ги коментираше информациите дека Шмит подготвува закон за имот.
Додик претходно изјави дека смета оти прашањето за имотот е решено со Дејтонскиот договор и дека недвижен имот им припаѓа на субјектите, а не на државата БиХ и ја отфрли можноста парламентот на БиХ да донесе закон за државна сопственост, пренесува Танјуг.
Регион
(Фото) Полицајци во Црна Гора мачеле луѓе со струја, ги гушеле, тепале и киднапирале: служеле во кавачкиот клан

Голем број поранешни и активни припадници на полицијата кои, очигледно, биле на платниот список на кавачкиот клан, се уапсени во голема полициска акција спроведена во Црна Гора изминативе денови. Последното апсење на полицајци уште еднаш ја поткрепи тезата дека кавачкиот клан имал силно упориште во безбедносните служби, а ако се земат предвид и оние кои претходно биле приведени, се добива впечаток дека речиси бројчано се еднакви на „реалните „криминалци.

Фото „Либертас“
Судејќи по комуникациите што некои од нив ги имале преку шифрирани телефони, тие киднапирале луѓе и ги држеле во нивните таканаречени станови во барака, ги тепале, им ставале пиштол во уста, ги мачеле со струја, ги гушеле, им се заканувале и ги омаловажувале и кон нив се постапувало нехумано, објави српскиот портал Либертас.

Фото „Либертас“
Петар Лазовиќ и Југослав Југо Раичевиќ, едни од обвинетите, разговарале за тоа со шефовите и членовите на криминалните групи и често им испраќале фотографии од луѓе кои се измачувани.

Фото „Либертас“
Според досега разгледаните материјали на Европол, Лазовиќ ги известувал криминалците Радој Звицер, Дарко Шариќ, Никола Спасојевиќ, членови на криминалната организација на Шариќ, српските криминалци Вељко Беливук и Марко Миљковиќ.
Петар Лазовиќ е во притвор од јули минатата година. Тој е син на поранешниот помошник директор на Полициската управа Зоран Лазовиќ и за него беше понудена милионска кауција за да излезе од затвор. Неколку понуди од неговите адвокати беа одбиени од судот.