Регион
Во Србија поради студот прогласен црвен метеоаларм
Температурите во Србија во неделата се трет ден со ред длабоко под нулата, поради што на територијата на целата држава е прогласен црвен метеоаларм, а во околината на Сјеница и на Пештерската висорамнина со снежните намети високи и од четири метри блокирани се повеќе од сто села, со околу 10.000 жители.
Најкритична е состојбата на југот од Србија, а вонредната состојба е прогласена во општините Медвеџа, Сјеница, Алексинац и Блаце, од кои припадниците на Секторот за вонредни ситуации при МВР на Србија досега евакуирале најмалку 113 луѓе.
Во Сјеница во неделата утрото биле измерени минус 27 Целзиусови степени, во Лесковац -25, на Копаоник -24, во Куршумлија -23, а во Белград -14 степени, а за посилно чувство на студот придонесува повремениот ветер.
Началникот на Управата за управување со кризи на Секторот за вонредни ситуации, Живко Бабовиќ, за српските медиуми изјави дека се проодни сите сообраќајници од прв и втор приоритет, но проблемот е ај локалните патишта од третиот и четврт приоритет кои водат кон селата во Нишавскиот, Зајечарсиот, Пчињскиот и Сјеничкиот округ.
Особено е опасен мразот на коловозите под снежните наноси, па на возачите им се препорачува дополнителна внимателност.
Од јавното претпријатие „Патишта на Србија“ повторни апелираа да не се тргнува на пат без итна потреба, а хидрометеоролозите изразено студени денови најавуваат до среда со утрински температури од -18 до -10 степени, а во планинските области и до -25 Целзиусови степени.
На патиштата и граничните премини во соседна Србија се создаваат гужви поради завршувањето на новогодишните и божикните празници, па на премините кон Хрватска се чека по околу три часа, а кон Унгарија два часа, додека од српскиот авто-мото сојуз не објавија за застој на границата кон Македонија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Македонски државјани изнудиле 40.000 евра од пензионерка во Хрватска со измама дека ќерка и’ е во болница: eдна приведена, по двајца се трага
Загрепската полиција уапсила 25-годишна државјанка на Македонија, дел од група од тројца измамници кои, претставувајќи се како лекари, измамиле 87-годишна жена и ѝ зеле 40.000 евра, пренесе Јутарњи лист.
Според полицијата, измамниците ја контактирале жената и ѝ кажале дека нејзината ќерка е во болница и ѝ е потребна итна операција. Еден од нив се претставил како лекар, а потоа жена глумела дека е нејзината ќерка, за да ја убедат да ги предаде парите.
Следниот ден, осомничената пристигнала со такси на адресата во Загреб и презела 40.000 евра.
Полицијата ја привела осомничената и поднела кривична пријава, додека по другите две лица, исто така државјани на Македонија, сè уште се трага.
Од полицијата апелираат граѓаните да бидат внимателни на вакви телефонски измами, особено кога непознати лица се претставуваат како лекари и бараат пари за итни интервенции.
Регион
Вучиќ му честита на Маѓар , очекува продолжување на соработката меѓу Србија и Унгарија
Претседателот на Србија, Александар Вучиќ, му упати честитка на новоизбраниот премиер на Унгарија, Петер Маѓар, по повод неговата изборна победа.
„Честитки до Петер Маѓар за изборната победа. Уверен сум дека силната соработка меѓу Унгарија и Србија ќе продолжи да се развива. Исто така, сум му благодарен на Виктор Орбан што помогна да се овозможат такви односи.“, напиша Вучиќ на Икс.
Congratulations to Peter Magyar on his electoral victory. I am confident that the strong cooperation between Hungary and Serbia will continue to grow. I am also grateful to Viktor Orbán for helping make such relations possible.
— Александар Вучић (@predsednikrs) April 13, 2026
Тој во пораката изрази уверување дека билатералните односи меѓу двете земји ќе продолжат да се зајакнуваат, истакнувајќи ја и улогата на Виктор Орбан во досегашната соработка.
Регион
Турција стравува дека би можела да стане нова цел на Израел по Иран
Турција стравува дека би можела да стане нова цел на Израел по конфликтот со Иран, изјави турскиот министер за надворешни работи Хакан Фидан.
Фидан рече дека израелскиот премиер Бенјамин Нетанјаху не може политички да опстане без непријатели и дека постои можност Турција да биде означена како нов противник.
Тој додаде дека урамнотежената улога на Турција во регионот ја прави цел на израелски притисок и дека Нетанјаху има „комплекс“ кон турскиот претседател Реџеп Таип Ердоган.
„Кога се гледа од перспектива на Сирија, Газа и Либан, екстремистичките политики што Израел ги прошири се целосно спротивни на турските. Затоа и ја таргетираат Турција“, изјави Фидан.
Тој повтори дека „по Иран, Израел не може да живее без непријател“ и дека постои можност Нетанјаху да се обиде Турција да ја одреди како следен противник.
Во меѓувреме, Ердоган го обвини Израел за злосторства врз Палестина и Либан и се закани со можна воена акција против Тел Авив.
„Мора да бидеме силни за да го спречиме Израел да ѝ го направи тоа на Палестина. Како што влеговме во Карабах, како што влеговме во Либија, така ќе направиме и со нив“, изјави Ердоган.
Тој додаде дека ништо не ја спречува Турција да преземе такви чекори, освен потребата да биде доволно силна за тоа.
Симеоне и Флик се горди на своите фудбалери
Атлетико Мадрид, по девет сезони повторно ќе игра полуфинале во Лигата на шампионите. На „Метрополитано“ во Мадрид, Барселона го победи...
Слот не знае што прави – Гомез влезе во 45-та, го напушти теренот во 67-та минута
Тренерот на Ливерпул, Арне Слот, направи малку бизарен потег во четвртфиналниот натпревар од Лигата на шампионите против Пари Сен Жермен....
Поранешен судија од Ла Лига: Ерик Гарсија заслужи црвен картон
Атлетико Мадрид, прв пат од 1997 година, загуби натпревар во нокаут фазата на домашен терен, но сепак успеа да ја...
Екитике тешко се повреди, со солзи и на носилки го напушти теренот
Ливерпул испадна од европскиот првак, ПСЖ, во четвртфиналето, во Лигата на шампините. ПСЖ победи и во реваншот со 2:0 и...
(Видео) Дембеле и на „Енфилд“ го реши Ливерпул
Бранителот на титулата во Лигата на шампионите, ПСЖ, избори пласман во полуфиналето. „Светците“ и во реваншот го победија Ливерпул со...
(Видео) Барселона победи во Мадрид и испадна
Барселона го победи Атлетико во Мадрид (2:1), но испадна од Лигата на шампионите. Пресуди првиот натпревар во Барселона и победата...
Шпанска министерка: Израел ми забранува влез, а Европската комисија не презема ништо
Шпанската министерка за труд и социјална економија, Јоланда Дијаз, ги опиша изјавите на американскиот претседател Доналд Трамп за папата Лав...
Прва реакција од израелските власти по нападот од Италија
Откако Италија го суспендираше продолжувањето на договорот за одбрана со Израел поради тековната војна на Блискиот Исток, што претставува голема...
Финска на чекор до воведување на трет пол
Финска се движи кон законско регулирање на третиот пол, односно законско признавање дека постојат небинарни и интерсексуални луѓе кои не...