Контакт

Регион

Вучиќ: Економската иднина зависи од успехот на „Отворен Балкан“, можеме да го направиме тоа побрзо, посилно и подобро

Објавено пред

Претседателот на Србија, Александар Вучиќ, денеска изјави дека економската иднина зависи од успехот на „Отворен Балкан“, но и од тоа колку мирот и стабилноста ќе бидат зајакнати во регионот.

dobivaj vesti na viber

„Никогаш немало повеќе внимание или енергија фокусирана на успехот на овој проект“, рече Вучиќ во Белград на отворањето на самитот на лидери „Отворен Балкан“, иницијатива што ги вклучува и Македонија, Србија и Албанија.

Со самитот претседаваат премиерите на Албанија и Северна Македонија, Еди Рама и Димитар Ковачевски, а присутни се и премиерот на Црна Гора, Дритан Абазовиќ, претседавачот со Советот на министри на БиХ, Зоран Тегелтије, министерот за надворешни работи на Унгарија, Петер Сијарто, и неговиот турски колега Мевлут Чавушоглу.

Вучиќ истакна дека успехот на „Отворен Балкан“ е и фактот што Албанија и Северна Македонија ги почнаа преговорите за влез во Европската Унија.

Успехот на оваа иницијатива не е мал, но можеме да го направиме тоа побргу, посилно и подобро“, рече Вучиќ.

Тој изјави дека по воспоставувањето на зелениот коридор за побрза циркулација на прехранбените производи, растот на размената на тие стоки меѓу членовите на иницијативата изнесува 17 проценти.

„Работиме на дополнително намалување на времето на чекање на границите“, рече Вучиќ и најави дека денеска ќе бидат потпишани документи, кои ќе обезбедат повисоко ниво на економска соработка во рамките на „Отворен Балкан“.

Истакнувајќи дека односите меѓу земјите членки на оваа иницијатива се на историско високо ниво, тој изрази желба кон неа да се приклучат и другите земји од регионот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

(Видео) Вучиќ од Будимпешта: Србија нема да биде паркинг за мигрантите

Објавено пред

Денеска, во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција против организираниот криминал и шверц.

dobivaj vesti na viber

Српскиот претседател Вучиќ пред новинарите го поздрави домаќинот на настанот, унгарскиот премиер Виктор Орбан, бидејќи, како што рече, тој секогаш имал доволно храброст да иницира важни регионални прашања.

„Денеска, разговаравме за сите важни и тешки прашања со кои се соочуваме. И енергијата и финансиската состојба… Сите сме под притисок. Сите знаеме колку тешко ќе биде да се надминат есента, зимата, а богами и пролетта. Мислам дека следната ќе биде уште полоша зима“, рече Вучиќ.

Тој нагласи дека Србија значително ќе се усогласи со визната политика на ОН до крајот на годината. Како што вели, Србија е специфичен случај бидејќи има зголемување на пристигнувањето на бегалци, кои не доаѓаат само од Израел, Пакистан и други земји, туку и од Русија и Украина.

„Тоа не е мал товар за мала земја. Разговаравме за миграцијата и сакам да ги информирам сите дека Србија до крајот на годината ќе се усогласи со визната политика на Европската Унија. Србија нема да може да се користи како земја на пристигнување… Луѓето во Белград не знаат со колку проблеми се соочува нашата полиција, а сега решивме да им помогнеме на Австрија, Унгарија со заедничка работа“, додаде Вучиќ.

Тој рече дека за неколку дена, на 7 октомври, во Белград ќе биде потпишан договор, а потоа ќе се состави акциски план.

„Тука сме да си помогнеме. Ќе има проблеми со храната, некои земји ќе бидат на работ на колапс и ќе мораме да си дадеме поддршка еден на друг. Луѓето не ја чувствуваат кризата како ние во државниот апарат. Ситуацијата е страшна. Ги трошиме сите пари, трошиме сè што направивме добро во претходните 10 години. Србија не сака да биде паркинг за мигрантите и затоа секогаш ќе го почитуваме меѓународното право и ќе ги разбираме проблемите на луѓето што се во тешка ситуација, но ќе ја зачуваме безбедноста.

Унгарскиот премиер Виктор Орбан изјави дека не се задоволни од состојбата со мигрантите, но, како што истакна, и унгарските и српските граничари се борат да ја спречат илегалната миграција.

Унгарија го иницира овој состанок затоа што се наоѓаме во најспецифична ситуација, имаме миграции од два правца, над милион бегалци дојдоа од правец на Украина, а имаше повеќе од 180.000 илегални обиди за влез на нашата јужна граница“, рече Орбан.

За гостопримството се заблагодари и канцеларот на Австрија, Карл Нехамер, кој изјави дека денешниот настан е важна можност за решавање едно сериозно прашање.

„Примивме 70.000 бегалци од Индија, Бангладеш и од Пакистан. Австрија обезбедува засолниште за 80.000 Украинци и ова е важно безбедносно прашање за Австрија“, вели Нехамер.

Прикажи повеќе...

Европа

Сараево: Милановиќ не е добредојден во БиХ

Објавено пред

Градот Сараево објави декларација во која ги осудува изјавите на хрватскиот претседател Зоран Милановиќ. Во него пишува дека тој не треба да доаѓа во Сараево додека не го промени однесувањето кон Босна и Херцеговина.

dobivaj vesti na viber

Градот Сараево ги осуди изјавите на хрватскиот претседател Зоран Милановиќ, кои се однесуваат на Босна и Херцеговина. Тие го објавија целиот документ во кој наведуваат дека изјавите на Милановиќ се неразумни и штетни за односите на две пријателски земји.

„Однесувањето на господинот Милановиќ не е ниту државнички ниту му прилега на претседател на европска земја. Ние ја изразуваме нашата почит кон чесната и одговорна функција на претседателот на Република Хрватска, но не можеме да ја изразиме таа почит кон Милановиќ поради неговите навредливи и недипломатски изјави кон Босна и Херцеговина“, се вели во дел од документот, а пренесува „Кликс“.

Дополнително, наведуваат дека изјавите на Милановиќ нема да донесат ништо добро ниту за Хрватска, ниту за БиХ ниту на кој било начин ќе придонесат за регионалната стабилност и соработка.

„Сараево, главниот град на Босна и Херцеговина, е отворен за сите луѓе со добра волја, но не и за оние што навредуваат и прават штета. Затоа го повикуваме Милановиќ да го промени навредливото однесување кон Босна и Херцеговина. Дотогаш нека не доаѓа во Сараево, главниот град на БиХ, бидејќи нема да биде добредојден. Се надеваме дека Милановиќ ќе се вразуми и ќе го промени своето однесување“, се вели во декларацијата, која Градскиот совет допрва треба да ја усвои.

На крајот, беше констатирано дека сите ќе бидат информирани за ставот на Град Сараево.

Прикажи повеќе...

Регион

Централната изборна комисија: СНСД на Додик освои најмногу гласови за парламентот на БиХ

Објавено пред

Според нецелосните прелиминарни податоци на ЦИК на БиХ, најмногу гласови за парламентот на БиХ освоила СНСД на Милорад Додик – 42,44 отсто, а СДС е втора со 18,83 отсто, пренесуваат медиумите во регионот.

dobivaj vesti na viber

ПДП, според написите, е трета со 53.257 гласа или 11,17 отсто.

Овие резултати ги објави Централната изборна комисија на Босна и Херцеговина врз основа на 70,42 отсто обработени избирачки места.

Има 91,30 отсто важечки ливчиња. Во изборната единица на РС обработени се 80,13 отсто од избирачките места, стои во новинарските извештаи.

Во изборната единица на Федерацијата Босна и Херцеговина обработени се 62,06 отсто од избирачките места кога е во прашање државниот парламент, а најмногу, над 140.000 или 24,87 отсто, освои СДА на Бакир Изетбеговиќ.

Следуваат ХДЗ БиХ – Драган Човиќ со 109.743 (19,43 отсто), СДП БиХ – Нермин Никшиќ со 70.145 (12,42 отсто), ДФ – Жељко Комшиќ со 53.609 (9,49 отсто).

НиП освои 42.029 гласа или 7,44, а НЕС – 25.810 или 4,57 отсто.

Прикажи повеќе...

Најново

Европа1 час

Украинските сили со голема брзина ги пробија руските линии на југот на земјата

Украинските сили го постигнаа најголемиот успех на југот на земјата од почетокот на војната со пробивање на линијата на фронтот...

Свет2 часа

(Видео) Нов испад на Бајден, ја погреши насоката за движење

Еден ден по гафот на кој ја повика починатата конгресменка обраќајќи и се како да е сè уште жива, американскиот...

Македонија5 часа

(Видео) Ако не се извинат, Ковачевски најави тужба за ВМРО-ДПМНЕ: Јас сум веќе две недели под константни напади

Најдолни лаги, според премиерот Димитар Ковачевски, се обвинувањата од ВМРО-ДПМНЕ за тоа дека го избегнал служењето војска правејќи се неспособен...

Регион5 часа

(Видео) Вучиќ од Будимпешта: Србија нема да биде паркинг за мигрантите

Денеска, во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција...

Македонија5 часа

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале...

Економија6 часа

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 0,50 денари/л. Малопродажната цена на „евродизелот (Д-Е V)“ се...

Македонија6 часа

Тупанчески на првиот академски час: Не учете за оцена! Учете да научите! Учете за да знаете!

Министерот за правда, Никола Тупанчески, се обрати на првиот академски час на Правниот факултет „Јустинијан Први“. На идните студенти им...

Економија6 часа

Бонус до 3.000 евра ќе добијат вработените во Германија поради инфлацијата

Вработените во Германија ќе може да добиваат регреси и премии до 3.000 евра годишно, без даноци и придонеси, за полесно...

Свет7 часа

Рамзан Кадиров ги испраќа своите малолетни синови во војна

Лидерот на Чеченија, Рамзан Кадиров, најави дека тројца негови малолетни синови набргу ќе заминат на фронтот во Украина. „Тоа што...

Свет7 часа

Русија ќе го тестира новото оружје „Посејдон“, предупреди НАТО

Како што напредува војната во Украина, има сè повеќе информации за нов тип на оружје што го користат двете завојувани...

Економија8 часа

Меѓународната агенција за енергетика со совет до ЕУ: „Штедете гас“

Меѓународната агенција за енергетика (ИЕА) ја советува Европската Унија да штеди гас за да се избегнат празните магацини и ризикот...

Свет9 часа

Си-ен-ен: Времето на Путин истекува и тој тоа го знае

Времето на рускиот претседател Владимир Путин истекува и тој тоа го знае. Во меѓувреме, неговиот бомбастичен настап продолжува – објавувајќи...

Македонија9 часа

Без струја утрово во скопски Карпош, граѓаните во страв дека рестрикциите се почнати

Жители на Карпош 1, 2, 3 и 4 утрово пријавуваат дека останале без струја. Речиси еден час траел прекинот, а...

Свет10 часа

Бројот на загинати од ураганот Јан се искачи на повеќе од 80, штетата е проценета на десетици милијарди евра

Бројот на загинати од ураганот Јан во САД се искачи на повеќе од 80 бидејќи жителите на Флорида и Јужна...

Свет10 часа

Саливан вети дополнителна американска поддршка за Украина

Американскиот советник за национална безбедност, Џејк Саливан, вчера во Истанбул се сретна со Андриј Јермак, шеф на кабинетот на украинскиот...

Свет11 час

Руски гувернер: Половина од мобилизираните во регионот вратени дома, командантот разрешен

Командантот на руската област Хабаровск е сменет од должност кога половина од мобилизираните мажи биле испратени дома бидејќи не ги...

Европа11 час

Карл Нехамер: Ако ЕУ не дејствува, самите ќе треба да се заштитиме од илегалната миграција

Сè додека ЕУ не презема ефективни мерки, ние мора сами да дејствуваме и затоа Австрија прави сè за да се заштити...

Свет11 час

Поранешниот шеф на ЦИА, Дејвид Петреус, испрати предупредување до Русија

Соединетите Американски Држави и нивните сојузници ќе ги уништат руските војници и опремата во Украина и ќе ја потопат нејзината...

Свет11 час

Најмалку седум лица починаа од колера на Хаити поради недостиг на чиста вода за пиење

Најмалку седум лица починаа од колера на Хаити откога болеста ненадејно се врати поради недостиг на гориво и чиста вода...

Регион21 час

Петков го призна поразот, нема да коалицира со ГЕРБ на Борисов

Коалицијата ГЕРБ-СДС преводена од Бојко Борисов победи на предвремените парламентарни избори во Бугарија. Излезните анкети на бугарските агенции предвидуваат освојување на...