Трговскиот центар ФИС во Халиловиќи, населба во Сараево, денеска бил евакуиран поради предупредување за поставена експлозивна направа.

Од сараевската полиција соопштиле дека информацијата за дојавата била добиена околу 12 часот, а потоа биле испратени екипи на местото на настанот, јави порталот „Кликс“.

По дојавата, зградата на трговскиот центар биле евакуирана, а полицијата врши претерс.

Кинеските граѓани кои престојуваат и работат во БиХ, а кои моментно се наоѓаат во Кина, ќе бидат сместени во изолација по влегувањето во земјата, соопшти денеска амбасадата на Народна Република Кина во Сараево.

Во изјавата на амбасадата се вели дека кинеските државјани сами предложиле иницијативи и мерки за изолација во траење од 15 дена по враќањето во БиХ, строга заштита од вируси и внимателно следење на сопствената здравствена состојба.

„Досега во Босна и Херцеговина не е пронајден ниеден потврден или сомнителен случај на пневмонија предизвикана од новиот коронавирус. Амбасадата на Кина во Босна и Херцеговина е подготвена да одржува комуникација и да соработува со властите во БиХ во кој било аспект на ова прашање“, се вели во соопштението од Амбасадата на Народна Република Кина, пренесува сараевскиот портал „Кликс“.

Поголема група мигранти ја пробила оградата кај српско-унгарскиот премин Хоргош-Реске 2. Унгарските гранични полицајци пукале со предупредувачки истрели.

Според унгарската полиција, две групи мигранти се обиделе да влезат на територијата на Унгарија во близина на граничниот премин Хоргош 2-Реске 2 утрово околу 5:30 часот.

Околу 60 мигранти ја пробиле оградата во време кога бил затворен преминот Хоргош 2, а унгарските полицајци на должност испукале неколку предупредувачки истрели во воздухот, што ги спречило мигрантите илегално да влегуваат во Унгарија.

Четири лица се уапсени, се вели во соопштението.

Преминот Хоргош 2-Реске 2 е затворен.