Премиерката на Србија, Ана Брнабиќ, разговараше со известувачот на Европскиот парламент за Србија, Владимир Билчик, и членот на Делегацијата на Комитетот на Европскиот парламент за стабилизација и пристапување кон Европската Унија, Матјаж Немец, за европската интеграција на Србија.

Таа оцени дека Србија цврсто стои на европскиот пат и дека стратешката определба на Владата што ќе се формира е силно продолжување на реформите во делот на владеењето на правото, кои се во фундаментален интерес на нашиот граѓани.

Овие резултати, заедно со измените на Уставот во делот на правдата, покажуваат колку е кредибилна нашата земја како партнер што ги исполнува реформските чекори на својот европски пат, посочи Брнабиќ, пренесуваат српските медиуми.

Таа појасни дека „она што недостига е адекватното валоризирање на сработеното и немањето позитивни сигнали од Европската Унија за процесот на проширување како за Србија така и за Западен Балкан“.

„Наместо тоа, најчесто слушаме критики и постојано нови барања од Брисел“, рече Брнабиќ.

Брнабиќ повтори дека Србија ќе остане посветена на европскиот пат и вредности во согласност со интересите на државата и граѓаните и националните интереси.

Министерството за надворешни работи на Хрватска објави соопштение за руските референдуми на истокот на Украина со кои Путин анектираше четири региони.

„ Република Хрватска најостро ги осудува нелегалните и лажни референдуми одржани меѓу 23 и 27 септември 2022 година во четири украински региони, како и денешната одлука за пристапување на тие региони кон Руската Федерација.

Република Хрватска ја осудува одлуката на Руската Федерација да ги интегрира украинските региони Доњецк, Луганск, Херсон и Запорожје во својот состав, сметајќи ја за грубо кршење на територијалниот интегритет, суверенитет и независност на Украина и меѓународното право и Повелбата на ОН.

Република Хрватска ја смета гореспоменатата одлука за нелегитимна, незаконска и како таква правно неважечка и не ги признава нејзините политички и правни последици. Заедно со другите земји од ЕУ и сојузничките држави, Република Хрватска ќе продолжи да ја дава сета потребна поддршка на Украина во реинтеграцијата на моментално окупираните области и обновувањето на уставниот и правниот поредок во меѓународно признатите граници“, се вели во соопштението.

Претставени првите монети со ликот на кралот Чарлс III. Новиот монарх ќе ја замени својата мајка и ќе стане првиот крал на британските монети од 1952 година.

Британците ќе можат да ги забележат новите монети од декември, кога кусурот од 50 пени постепено ќе стапи во оптек.

Крис Баркер од музејот на Кралската ковачница рече дека портретот на Чарлс користен на монетите е „достоинствен и грациозен, како одраз на неговите години служба“.

NEW: The official coin effigy of King Charles III on a 50 pence & £5 Crown, commemorating the life and legacy of Queen Elizabeth II, is revealed. HM will replace Her Majesty The Queen to become the first king on British coins since 1952 ????@aaronchown pic.twitter.com/HVEuwIgszp

— Derek Momodu (@DelMody) September 29, 2022

Во согласност со традицијата, фигурата на кралот на новата монета е свртена лево – спротивно на кралицата.

Пред тоа, монетарницата ќе пушти комеморативна палета на монети во понеделник наутро како соодветна почит на животот и наследството на кралицата Елизабета.

Портретот на Чарлс ќе се појави и на специјалните комеморативни монети од 5 фунти и 50 п,пренесе Аваз.ба.