Регион
Го убила сопругот, го закопала и го пријавила за исчезнат: уапсена српска државјанка во Грција
Во грчкото летувалиште Лептокарија уапсена е државјанка на Србија (34), која е во шестиот месец од бременоста, поради сомнение дека пред пет месеци го убила својот сопруг Костас Сијамитрас (58), а потоа се обидела да го прикрие злосторството, пренесуваат медиумите во соседството.
Според грчките медиуми, мажот бил пријавен за исчезнат на 2 септември минатата година, а неговата сопруга, која со месеци се правела загрижена и очајна пред камерите, била уапсена во четвртокот.
По апсењето, како што откриваат, се скршила и признала дека при расправија го оттурнала сопругот, кој удрил со главата и починал. Тогаш признала дека неговото тело го закопала во дворот на семејната куќа.
„Таа ги одвела истражителите до местото каде што го закопала сопругот, во дворот, зад нивната куќа. На местото на настанот излегле форензичари, кои по ископувањето на теренот на длабочина од околу 40 сантиметри пронашле човечки останки, череп и лопатка“, потврдија за грчките медиуми извори од истрагата.
Во текот на петте месеци колку што траеше потрагата по Костас Сијамитрас, неговата сопруга се огласуваше во медиумите и гостуваше во ТВ емисии, според написите.
„Таа рече дека ѝ недостигаше Костас, дека куќата е празна, дури рече дека е очајна, молеше за помош затоа што нивниот син постојано го бараше својот татко. Таа изнесе теории дека можеби нејзиниот сопруг се разболел бидејќи имал проблеми со дишењето, дека можеби колабирал и никој не му помогнал долго време“, пренесуваат грчките медиуми.
На распитот го признала делото.
Медиумите потсетуваат дека во првата изјава жената изјавила дека на 2 септември нејзиниот сопруг излегол од куќата и отишол на работа. Таа тврдела дека упорно му се јавувала, но дека по извесно време му бил исклучен мобилниот телефон и дека му се губи секаква трага.
Во меѓувреме, сведочењето на нивниот тригодишен син беше земено во присуство на психолог, како и на многу други сведоци. Таа во четвртокот повторно била повикана во полиција, а потоа признала дека се скарале и дека за време на разговорот го оттурнала, дека изгубил рамнотежа, паднал на подот и удрил со главата.
Соседите, според медиумите, рекле дека парот во последно време многу се карале. Таткото на жртвата наводно изјавил дека снаата била крајно злобна кон неговиот син.
„Последниве месеци додека го баравме беше целосно рамнодушна. Воопшто не ја интересираше, земаше мотор и одеше во село, одеше на прошетка, пазаруваше“, рекол таткото на жртвата, тврдејќи дека е сигурен дека имала соучесник.
Таткото на Костас Сијамитрас (58) изразил сомневање дека партнерката на неговиот син Гијан, не учествувала самата во убиството, туку дека имала соучесник.
„Доаѓав овде секој ден и се беше во ред. Не знам зошто се случи, ниту како дојде до ова. Од самиот почеток велев дека го направила тоа. Таа дефинитивно имала соучесници. Еден, двајца? Полицијата ќе дознае”, рекол тој.
Тој потсети и на нејзиното однесување.
„Секој ден прашуваше: Каде е Костас?! и се преправаше дека плаче. Сепак, таа не беше жена што плачеше поради загубата на сопругот“, рекол таткото на Костас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајка и очув во Србија малтретирале 7-годишно девојче, гаселе цигари од неа
Маж и жена се уапсени во белградското предградие Палилула под сомнение дека извршиле насилство врз седумгодишно девојче.
„Нова.рс“ јавува дека надлежното обвинителство наредило С. Д. (24) и К. А. (36) да се задржат во притвор поради сомнение дека заедно извршиле семејно насилство. Набргу ќе бидат слушнати, а српските медиуми утринава објавија дека тие се мајка и очув на малтретираното девојче.
Насилството го пријавила мајката, а кога полицијата пристигнала во нивната куќа, го затекнала девојчето во многу лоша психичка и физичка состојба. Таа имала повреди на целото тело, од кои некои наводно биле предизвикани од гасење цигари на кожата.
Родителите се уапсени на самото место, а детето е пренесено на Ургентниот центар во Белград, каде што му биле констатирани тешки физички повреди, по што е пренесено во Заводот за мајка и дете. Истрагата е во тек.
Регион
Ученичка во хрватско училиште се заканувала со масакр, направила список: „Ќе добиеш куршум во челото“
Во Славонија се појави видео на кое се гледа како ученичка од осмо одделение се заканува дека ќе ги убие своите соученици и составува список на ученици, кои биле цел, дознава „24 седам“.
Здравствениот инспекторат на Министерството сѐ уште го разгледува досието на напаѓачот во загрепското училиште.
Ученичката се фотографирала со пиштол, се заканувала на социјалните мрежи, децата ги нарекувала „Непалци“ и се заканувала со крвопролевање. Наводно било иритирана што тој ден некои луѓе ја задевале во автобусот на пат кон училиште.
Училиштето ги известило надлежните, а полицијата обезбедила патрола. Ученичката е привремено суспендирана од настава на седум дена.
Неофицијално, девојчето потекнува од семејство под надзор на Центарот за социјална работа. Училиштето и полицијата сѐ уште немаат официјално соопштение, а во тек е итен состанок на надлежните одделенија.
Регион
Во Софија илјадници луѓе им оддадоа почит на загинатите во Кочани
Неколку илјади луѓе синоќа со едноминутно молчење во центарот на Софија, оддадоа почит кон жртвите од трагедијата во Кочани. Тие се собраа пред Судската палата, пренесе БГНЕС.
Кочани денеска им кажува последно збогум на своите деца кои загинаа во пожарот во дискотеката „Пулс“ на 16 март. 59 млади луѓе, повеќето на возраст од 14 до 25 години, загинаа во најголемата трагедија во градот.
Најголемиот дел од починатите се од Кочани, а останатите од Чешиново-Облешево, Штип, Скопје… Кочани го обзема целосен молк додека жали за својата изгубена иднина.
Илјадници македонски граѓани од целата земја со мирни собири изразија сочувство за тагата на семејствата.
Пожарот во дискотеката „Пулс“ избувна во раните утрински часови на 16 март. Загинаа 59 лица, а над 160 се повредени. Најтешко повредените се лекуваат во странство.
Штип се прости од петтемината свои сограѓани кои загинаа во пожарот во Кочани
Граѓаните на Штип денеска се простија од петтемина загинати во пожарот во дискотеката во Кочани. Последна почит им оддадоа на...
„Сите те сакаа тебе, златно дете“ – музичкото училиште во Струмица се прости со тапанарот на ДНК
Во основното музичко училиште во Струмица се одржа комеморација за Џоко Ѓоргиев, тапанар на групата ДНК, кој загина во пожарот...
Објавени имињата на сите загинати во пожарот во дискотеката во Кочани
Министерството за здравство ги објави имињата на сите загинати во пожарот во дискотеката во Кочани. „Не постои збор со кои...
Меѓу загинатите од пожарот во Кочани има шест деца под 18 години
По извршените обдукции, Обвинителството ја објави возраста на загинатите во пожарот во Кочани. Според информацијата, три лица се на возраст...
Токсиколошки анализи ќе им се прават на сите пациенти пред испишување, утре од болница си заминуваат тројца повредени во пожарот во Кочани
Четврти ден по трагедијата во Кочани со 59 починати и 196 повредени, министерот за здравство Арбен Таравари соопшти дека сите...
„Си замина дел од моето второ семејство, остана само пепел и празнина“, се огласи Ана, придружниот вокал на ДНК, која го преживеа пожарот во Кочани
Се огласи Ана Костадиновска, придружниот вокал во бендот ДНК, една од преживеаните во пожарот во дискотеката „Пулс“ во Кочани. Таа...
(Видео) Македонија се простува од членовите на ДНК, кои загинаа во пожарот
Денес, ќе бидат погребани членовите на бендот ДНК, кои загинаа во пожарот во дискотеката „Пулс“ во Кочани. Пејачот на бендот,...
„Кај еден пациент има подобрување, но претстои голема борба за закрепнување“, се огласија од ВМА во Белград
Поминаа четири дена од трагедијата што го погоди градот Кочани во Македонија кога во пожарот што избувна во дискотеката „Пулс“...
Уапсени двајца 18-годишници, кои правеа огномет синоќа во Скопје: прославувале роденден во Градскиот парк
Вчера, околу 21.25 часот, во СВР Скопје е пријавено дека во Градскиот парк во Скопје има огномет и не се...
Ангелов: На погребот во Кочани ќе бидат само најблиските, ужалените грѓани ги молам да не влегуваат внатре
Директорот на Центарот за управување со кризи, Стојнче Ангелов, ги замоли ужалежните граѓани да не влегуваат на гробиштата на денешната...
Во Софија илјадници луѓе им оддадоа почит на загинатите во Кочани
Неколку илјади луѓе синоќа со едноминутно молчење во центарот на Софија, оддадоа почит кон жртвите од трагедијата во Кочани. Тие...
Денес погребни церемонии за загинатите во дискотеката во Кочани
Погребните церемонии за починатите во пожарот во дискотеката „Пулс“ ќе се одржат во текот на денешниот ден во Кочани, Штип,...
Приведен раководител во општина Маврово Ростуше: побарал поткуп од 13.000 евра и ветил дека ќе биде одобрен урбанистички проект за градење апартмани
Вчера, полициски службеници го лишиле од слобода С.Е., раководител на Одделението на урбанизам и комунални дејности при општина Маврово Ростуше....
19-годишниот Јован Костадинов спасил 21 дете во пожарот – „Го зеде мојот син и го носеше на својот грб“, сведочи мајка
Деветнаесетгодишниот Јован Костадинов од Виница е еден од повредените од пожарот во дискотеката „Пулс“, а денес сите зборуваат за неговиот...
Сите вработени во Кочани утре да бидат ослободени од работа, порача Владата
Владата ги задoлжи државните институции, а препорача и до локалната самоуправа и приватниот сектор да ги ослободат од работа сите...
Притвор за седумте полициски функционери поради издавање на согласност за дискотеката во Кочани
Определен е 30-дневен притвор за седумте службени лица од Штип и Кочани, кои се осомничени за тешки дела против општата...
Палчо си запали цигара откако ја закопавме Вања, ја чистеше лопатата за да прикрие траги, сведочеше Манев
Koга завршивме со закопувањето на Вања, Љупчо Палевски ладнокрвно запали цигара и си го отвори телефонот за да види што...
Во странство се лекуваат стотина млади луѓе по пожарот, уште двајца денес ќе бидат префрлени во Шведска
Министерството за здравство информира за состојбата на пациентите во установите во земјава и странство, согласно воспоставените процедури за известување од...
Полициските функционери кои се приведени дале согласност дека кабарето во Кочани ги исполнува условите за јавен ред и мир без целосна проверка
МВР поднесе кривична пријава против седуммината високи полициски функционери од полицијата во Штип и Кочани за кривично дело „тешки дела...
Клековски: На пациент во Солун му е извршена трансплантација на кожа на рацете, во контакт сме со банка за кожни ткива за да почнат реконструктивни операции
Директорот на Фондот за здравствено осигурување (ФЗО), Сашо Клековски, на денешната прес-конференција во Владата рече дека натамошните фази за пациентите...
