Регион
Грција ја продолжи забраната за влез нa македонски државјани до 7 јануари

Грција ја продолжи забраната за влез на странски државјани, вклучувајќи ги и нашите државјани, до 7 јануари. Одлуката важи за периодот од 15 декември до 7 јануари.
Врз основа на заедничката министерска одлука на грчката влада од 12 декември 2020 година, во сила е забрана за влез на странски државјани во Грција, со цел да се спречи понатамошното ширење на Ковид-19.
Оваа забрана не се однесува на државјаните на земјите членки на ЕУ и на земјите од шенгенот.
Забраната не се однесува на медицинскиот персонал, истражувачите и здравствените работници, под услов нивниот влез во Грција да има деловни цели, лица кои подолго време престојуваат во земја членка на ЕУ или во шенген-зоната, како и оние кои имаат дозвола за престој во земјите членки на ЕУ или во шенген-зоната.
Исто така, оваа забрана не се однесува на членовите на државната делегација, персоналот на дипломатско-конзуларните претставништва и делегации, персоналот на меѓународни и европски институции, членови на хуманитарни организации за време на активностите, воениот персонал и припадниците на безбедносните сили или грчкиот Генерален секретаријат за цивилна заштита.
Забраната не се однесува на вработените во областа на транспортот, вклучително и поморскиот и речниот сообраќај, екипажот на авионите, екипажот и техничкиот персонал на противпожарните авиони, како и на возачите на камиони кои се во транзит поради транспорт на стоки, како и апсолутно потребниот персонал за нивниот транспорт.
Оваа одлука на грчката влада не се однесува на патниците во транзит, студентите кои студираат во Грција, луѓето кои се грижат за стари лица и лица со посебни потреби, како и сезонски земјоделски работници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Медиуми: Во Србија пристигнаа уште 11.700 дози вакцина на „Фајзер“

Во Србија, поточно во институтот „Торлак“, пристигнаа уште 11.700 дози вакцина против коронавирус на компанијата „Фајзер“, пренесуваат белградските медиуми.
„Во следните две недели се очекува неделно да пристигнат меѓу 10.000 и 20.000 од оваа вакцина“, објавија медиумите.
Неофицијално, до 15 февруари се очекуваат уште 41.000 дози вакцина на „Фајзер“.
Регион
Лекар од Бања Лука силувал пациент по тешка сообраќајна несреќа

Основниот суд во Бања Лука го потврди обвинението против познатиот доктор од овој град Дарко Голиќ за кривично дело сексуално вознемирување на пациентот М.Ѓ.
Повикувајќи се на наоди од Обвинителството во Бања Лука, локалните медиуми пишуваат дека резултатите од истрагата потврдиле постоење на основано сомнение дека д-р Голиќ извршил кривично дело против 36-годишниот пациент М.Ѓ., инаку татко на две деца, кој бил хоспитализиран во Клиничкиот центар на Република Српска по сериозна сообраќајна несреќа.
„Преку вештачење на Институтот за судска медицина утврдено е дека ДНК на осомничениот Голиќ е пронајдена на повеќе примероци, и тоа на пациентот М.Ѓ, потоа на креветот на оштетениот, неговите очила, како и на пелените за возрасни“, соопштил неименуван извор од истрагата.
Обвинителството тврди дека врз основа на сите собрани докази произлегува оти на 19 јануари минатата година, од 19 до 22 часот, осомничениот д-р Голиќ, како раководител на Клиниката за анестезиологија, ревматологија, интензивно лекување и терапија при УКЦ на РС во Бања Лука, извршил обљуба на пациентот М.Ѓ, при што бил затекнат од двајца здравствени работници.
Според информациите, пациентот некое време бил во кома, од која се разбудил, но не можел да се одбрани од половиот напад бидејќи бил врзан за креветот, што е вообичаена постапка за спречување на самоповредување.
Регион
Досега во Србија се вакцинирани 218.000 граѓани

Досега во Србија се вакцинирани 218.000 граѓани, од кои 43.000 лица вчера примиле вакцина против коронавирусот, јавува „Танјуг“.
Денес, 25.000 луѓе биле повикани на вакцинација во цела Србија, кои аплицирале за имунизација преку е-влада или преку повикувачките центри.
За вакцинирање, досега аплицирале 578.330 граѓани.
Денес 1.225 лица се повикани да се вакцинираат на најголемиот пункт за вакцинација во Србија, Белградски саем. Вчера на тој пункт биле имунизирани 3.200 граѓани.
Епидемиологот и член на кризниот штаб, Бранислав Тиодоровиќ, за ТВ Прва рече дека најголем е процентот на вакцинирани во Ниш изнесувајќи 4,2 отсто.
„Државата ќе се погрижи да добиеме повеќе вакцини и да вакцинираме од 1,5 до два милиони луѓе со цел да создадеме колективен имунитет“, рече Тиодоровиќ и додаде дека ја примил кинеската вакцина.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот