Oбединетата опозиција на Албанија се собра денеска на уште еден антивладин протест барајќи заминување на премиерот Еди Рама и распишување на вонредни парламентарни избори, објавија албанските медиуми.

Протестот почна во 10:00 часот, со палење  свеќи и положување цвеќиња пред зградата на парламентот, а пораката од овој перформанс е дека парламентот е мртов.

Опозицијата ја обвини актуелната влада на Еди Рама за крадење изборни гласови, но исто така и за корупција и врски со организираниот криминал.

Опозицијата, исто така, повикува на распишување вонредни парламентарни избори.

Седницата на парламентот што требаше да се одржи денес е откажана.

Зградата на парламентот е опкружена со бодликава жица, а околу зградата се распоредени безбедносни сили.

Како што се наведува, околу зградата на парламентот и на улиците на Тирана, има повеќе од 1.500 припадници на полицајата, специјалните сили и гардата.

На антивладините протести одржани минатиот четврток дојде до судир меѓу демонстрантите и полицијата, па во пресрет на денешниот протест апел за воздржаност упатија албанскиот претседател, Илир Мета, и Амбасадата на САД во Тирана.

Премиерката на Србија, Ана Брнабиќ, и нејзината партнерка, докторката Милица Ѓуриќ, станаа родители. Милица вчера роди син, објавија српските медиуми.

Како што соопштија од кабинетот на Брнабиќ, бебето се вика Игор и заедно со мајката се во добра здравствена состојба.

Брнабиќ и Ѓуриќ се заедно повеќе од десет години.

Силен земјотрес со магнитуда од 5,6 степени по Рихтер го погоди западниот брег на Турција, а се почувствувал и во јужниот дел на Грција и во Бугарија. Епицентарот на земјотресот бил 144 километри северозападно од градот Измир во Турција, соопшти Евро-медитеранскиот сеизмолошки центар (ЕМСЦ).

M5.6 #earthquake (#deprem) strikes 144 km NW of #İzmir (#Turkey) 5 min ago. Effects reported by eyewitnesses: pic.twitter.com/8gPD0kTV9p

— EMSC (@LastQuake) February 20, 2019

Жителите во областа погодена од земјотресот на страницата на ЕМСЦ коментирале дека земјотресот траел околу 7 секунди, а некои напишале дури и 30 секунди, при што се треселе ѕидовите, полиците и светилките.