Контакт

Регион

Децата бегалци во грчките кампови во очај се обидуваат да се самоубијат

Објавено пред


Бегалците и мигрантите во грчките бегалски кампови, вклучително и деца од девет години, сè почесто се самоповредуваат, се обидуваат да се самоубијат и се дрогираат, барајќи излез од „очајот на кој не му се гледа крајот“, се наведува во извештајот на меѓународните хуманитарни организации.

Во извештајот објавен по една година откако Европската унија(ЕУ) постигна договор со Турција за запирање на бегалскиот бран кон Европа, организациите „Спасете ги децата“ и „Лекари без граници“ наведуваат дека анксиозноста, депресијата и агресивноста се сè пораширени меѓу бегалците.

Менталното здравје „рапидно се влошува заради условите кои се создадени како резултат на тој договор“, објавено е во извештајот.

„Една од најшокантните и најпотресните работи за кои работниците на организацијата ‘Спасете ги децата’ сведочеа е зголемениот број на самоубиства и самоповредувања меѓу децата на возраст и од само девет години“, се додава во извештајот.

Еден 12 годишник го снимал својот обид за самоубиство откако ги видел другите бегалци како се обидуваат да се убијат.

„Работниците на организацијата Спасете ги децата видеа деца…како злоупотребуваат супстанци за да се соочат со нешто што изгледа како очај на кој не му се гледа крајот“, се вели во извештајот.

ЕУ и Анкара во март 2016 година постигнаа договор откако во 2015 година околу милион бегалци и мигранти, во главно од Сирија, Ирак и Авганистан, преминаа од Турција во Европа преку грчките острови.

Според тој договор, секој што ќе влезе во Грција без документи, ќе може да биде депортиран во Турција, освен во случаите што се квалификувани како азил. Но, заради долгите процедури, околу 14 илјади баратели на азил сè уште се наоѓаат на пет грчки острови, што е двојно повеќе од капацитетот на тамошните кампови.

ЕУ договорот го смета за успех, но условите за живот во камповите се лоши, посебно за децата.

Спасете ги децата наведува дека камповите се пренатрупани и дека азилантите се борат за основни работи, како прекривка, суво и топло место за спиење и храна и вода.

„Заради катастрофалните животни услови тие ја загубија надежта…тие се чувствуваат како животни, како објекти“, рече еден хуманитарен работник.

Само на островот Лезбос, каде што се сместени 3.000 баратели на азил, „Лекари без граници“ забележале 2,5 пати поголема стапка на мачнина и депресија, а симптомите на психоза и случаите на самоповредување и самоубиства, исто така се во пораст. /крај/хн/ст

Регион

Јорук: Разговорите за екстрадиција на ѓуленистите од Анкара се многу позитивни

Објавено пред

Од

Турскиот амбасадор во Тирана, Мурат Ахмет Јорук, изјави дека разговорите на Албанија и Турција за екстрадиција на ѓуленистите, кои сега се во Албанија, се одвиваат мошне позитивно.

Турскиот амбасадор за албанските медиуми изјави дека по неуспешниот државен удар во Турција, Анкара испратила список во неколку држави, меѓу кои и во Албанија, на приврзаниците на организацијата „Фето“ заради нивна експрадиција во Турција.

Албанија го осуди државниот удар во Турција и сега сме во фаза на разговори таа да ги експерадира лицата што се поврзани со Фетулах Ѓулен. Весникот „Мапо“ наведува дека турскиот амбасадор смета дека разговорите за екстрадицијата се одвиваат позитивно.

Инаку, во интервју за албанската телевизија „Њуз 24“ турскиот дипломат ја изнесе оценката дека организацијата „Фето“ може да создаде хаос во Албанија бидејќи во рака го има образованието во Албанија.

Засега официјална Тирана предводена од страна на премиерот Еди Рама, за кој се тврди дека е одличен пријател на турскиот претседател Таип Реџеп Ердоган, нема коментари за депортацијата на лицата што се на списокот на Анкара.

К.М.

Прикажи повеќе...

Регион

Китаровиќ: Aко Шешељ го газел хрватското знаме треба да биде соодветно казнет

Објавено пред

Од

Хрватската претседателка, Колинда Грабар-Китаровиќ, рече дека односите меѓу Хрватска и Србија сега се нарушени по инцидентот што наводно го предизвикал радикалот Воислав Шешељ.

„Србија мора да утврди дали Шешељ навистина го сторил она што тврди дека го сторил. Ако се утврди дека навистина го газел знамето на Република Хрватска, тој треба да биде соодветно казнет. Санкцијата за такво дело во Србија е три месеци затвор или парична казна“, рече Китаровиќ, а пренесоа хрватските медиуми.

Хрватската претседателка изрази надеж дека овој случај нема да предизвика дополнително вербално насилство и дека нема да има други последици.

Таа воедно додаде дека не знае кој му пренел на претседателот на Србија, Александар Вучиќ, дека за време на неговиот престој во Хрватска било запалено српското знаме, велејќи дека таквата информација не е точна, а како што рече, тоа може да се потврди и од страна на Амбасадата на Србија во Хрватска.

Инаку, претходно, хрватскиот портал „Индекс“ пренесе дека од српското собрание на нивните новинари им рекле дека не постои снимка од наводниот инцидент на лидерот на радикалите, Воислав Шешељ, за време на вчерашната посетата на хрватската делегација.

Меѓутоа, во хрватската јавност и тамошните медиуми владее доза на скептичност за тоа како може ниту еден од хрватските и српските новинари кои вчера биле во српското собрание за време на посетата на хрватската делегација, да нема видеоснимка од наводното газење на хрватското знаме. Исто така, новинарите на „Индекс“ имале проблем да најдат и сведок кој би можел да потврди што се случувало со хрватското знаме.

Сепак, српската радикална партија тврди дека Шешељ во Собранието на Србија ја пцуел хрватската делегација и газел по државното знаме.

Прикажи повеќе...

Регион

Харадинај: Ултиматумот на Српската листа за ЗСО е неприфатлив

Објавено пред

Од

Косовскиот премиер, Рамуш Харадинај, изјави дека ултиматумот на Српската листа за формирање на заедницата на срспките општини е неприфатлив.

Весникот „Зери“ пишува дека Харадинај ја отфрлил можноста да ги прифати барањата на српските пратеници во собранието на Косово за начинот и времето на формирање на заедницата на срспките општини во северниот дел на Косово.

„Асоцијацијата на срспките општини ќе се формира во согласност со одлуката на Уставниот суд на Косово. Ултиматумот на српската листа е неприфатлив, а евентуалното нејзино еднострано формирање е неважечко“, рекол Харадинај.

Приштинскиот весник „Зери“ додава дека со ултиматумот на српската лисата се бараат брзи чекори на владата во Приштина за формирање на заедницата, а во спротивно самите ќе формираат, за што утре ќе одлучуваат во Звечане.

K. M.

Прикажи повеќе...

Најново

Македонија2 часа

Владата допрва ќе одлучува дали Орце Камчев ќе стане почесен конзул на Бугарија

Владата допрва ќе одлучува за барањето на Бугарија бизнисменот Орце Камчев да биде именуван за почесен конзул во Македонија. Портпаролот...

Македонија3 часа

Скопје ќе добие нов екоавтобус

Нов екоавтобус ќе сообраќа на линијата со број 2 на релацијата од Автокоманда до Сарај и обратно, објави денеска градоначалникот...

Македонија3 часа

Манчевски: Регистарот на населението не е замена за попис

Министерството за информатичко општество и администрација денеска организира јавна трибина за Законот за централен регистар на населението и Законот за...

Македонија3 часа

Фејзи Азири ќе биде вратен во затвор

Фејзи Азири, обвинет во случајот „Монструм“, ќе биде вратен во затвор за издржување затворска казна за нелегално поседување оружје. Кривичниот...

Македонија3 часа

Двајца обвинети за крвавиот четврток излегуваат од притвор бидејќи понудиле гаранција

Две лица, кои се меѓу обвинетите за наслилствaта во Собранието од 27 април минатата година, ќе излезат од притвор бидејќи...

Македонија7 часа

Ердоган: Македонија има поддршка од Турција за влез во НАТО

Претседателот на Собранието, Талат Џафери, во Анкара се сретна со турскиот претседател, Реџеп Таип Ердоган. Како што соопшти собраниската прес-служба,...

Свет7 часа

Лавров: Путин и Трамп нема да дозволат вооружен судир

Владимир Путин и Доналд Трамп нема да дозволат вооружен судир меѓу Русија и САД, изјави рускиот министер за надворешни работи,...

Македонија8 часа

Ново рочиште за набавката на „мерцедесот“ од 600.000 евра

Во кривичниот суд денеска се очекува да продолжи судењето за предметот „Тенк“ на специјалното јавно обвинителство, кој се однесува на...

Македонија8 часа

Јанакиески на суд за „Сончев Град“

Во кривичниот суд за денеска е закажано ново рочиште за предметот „Топлик“ на специјалното јавно обвинителство, во кој се обвинети...

Македонија1 ден

ЕЛЕМ: Децата на Грчев и Џафери се ангажирани оти имаа исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија1 ден

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија1 ден

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион1 ден

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија1 ден

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија1 ден

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет1 ден

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија2 дена

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија2 дена

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија2 дена

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија2 дена

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Досие