Регион

Додик му порача на Инцко: Ова не е ни 1918 ни 1945 година

Објавено пред

6 месеци

- 20 јули, 2020

Од

Српскиот член на Претседателството на БиХ, Милорад Додик, изјави дека поминаа 102 години од злосторствата што над Србите ги изврши Австро-Унгарија во Првата светска војна и 75 години од геноцидот над Србите извршен од усташкиот режим, кој бил сателит на фашистичка Германија, а Валентин Инцко сè уште се обидува да ги спроведува истите политики над Србите, овојпат без оружје, пренесува „Спутник“.

„Историјата очигледно ни се повторува како фарса кога од меѓународниот неизбран странец слушаме што е агендата, и тоа негова, чиј е нашиот имот, или за одлуките на Врховниот суд на БиХ, кој не постои“, рече Додик прашан за коментар на изјавите на Инцко во интервјуто за виенски „Стандард“.

Додик нагласи дека Инцко не пропушта можност да покаже дека тој не е во БиХ за да го надгледува спроведувањето на Дејтонскиот мировен договор, што му е мандат од тој договор, туку да ја спроведува муслиманската политика завиткана во европските интеграции, што воопшто и не го крие, пренесува „Срна“.

Тој вели дека да помислел некогаш дека БиХ треба да се интегрира во ЕУ, Инцко би отстапил од тоа место и пред Советот за безбедност на ОН би рекол дека протекторатите не може да бидат дел од ЕУ и дека тој со своето заминување дава придонес во просперитетот на БиХ.

„Валентин Инцко повеќе сака да остане и за бесна плата да не работи ништо, одвреме-навреме да повика на војна за што подолго да остане тука, да дава интервјуа, да излаже нешто колку да нè потсети дека меѓународната управа е сè уште тука. А ова не е ни 1918 ни 1945 година“, заклучи Додик.

Инцко за виенски „Стандард“ изјави дека во БиХ сè уште се води војна без пушки, односно дека националистите и понатаму се обидуваат да ги унапредат своите воени цели. Тој посочи дека државниот имот сè уште не е распределен и дека Милорад Додик изјавил оти сè што се наоѓа на територијата на Република Српска ѝ припаѓа на Република Српска иако Врховниот суд одлучил поинаку.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Србија: 359 новозаболени од коронавирус во последните 24 часа

Претходно

Мнозинството Грци незадоволни од реакцијата на ЕУ за „Аја Софија“

Регион

Црна Гора одбила донација од 10.000 кинески вакцини

Објавено пред

7 часа

- 26 јануари, 2021

Од

Макфакс

Црногорската влада одбила донација од 10.000 вакцини од кинескиот производител „Синофарм“, а опозицијата ја нарече владината одлука политички мотивирана.

Во Црна Гора сè уште не е почната вакцинација против коронавирусот.

Владата, како што беше соопштено, ја одбила донацијата затоа што веќе било договорено секоја набавка на вакцини да минува преку директен контакт со производителите, односно со земјите од каде што доаѓаат вакцините.

„Секој друг вид набавка на вакцина или донација или кој било друг вид снабдување бара дополнителна проверка, односно посебна претпазливост“, рече министерката за здравство, Јелена Боровиниќ-Бојовиќ.

Инаку, како што пренесуваат регионалните медиуми, донацијата била понудена од сопственикот на „Адријатик пропертис“ и Универзал капитал банк, Петрос Статис.

Прикажи повеќе...

Регион

Во Хрватска 23 починати и 448 новозаболени од Ковид-19

Објавено пред

10 часа

- 26 јануари, 2021

Од

Макфакс

Во последните 24 часа во Хрватска се пријавени 23 смртни случаи и 448 новозаразени со коронавирус, соопшти Националниот штаб за цивилна заштита.

Во моментов има 2.510 активни случаи, меѓу кои 1.491 пациент се во болница, од кои 139 се на апарати за дишење.

Од почетокот на епидемијата во февруари минатата година, во Хрватска се евидентирани вкупно 229.502 лица заразени со новиот коронавирус, од кои 4.882 починале, а вкупно закрепнале 222.110 лица, од кои 434 во последните 24 часа.

Во моментов има 14.793 лица во самоизолација.

До денес се тестирани вкупно 1.162.664 лица, од кои 6.208 во последните 24 часа.

Прикажи повеќе...

Регион

Вучиќ: Пристигнаа уште 10.000 вакцини во Србија

Објавено пред

11 час

- 26 јануари, 2021

Од

Макфакс

Српскиот претседател Александар Вучиќ објави дека утрово во Србија пристигнале уште 10.000 вакцини против коронавирус, додавајќи дека борбата за вакцините продолжува и дека светот денес е како Титаник, каде што „богатите се обидувајќи се да обезбедат чамци само за себе”.

„Сакам да ве известам дека примивме уште 10.000 нови вакцини утрово“, рече Вучиќ во видеообјавата на својот инстаграм-профил. Тој изјави дека борбата за секоја вакцина продолжува, со многу состаноци и тешки разговори.

„Ние сме жилав народ, ќе се бориме за опстанок, ќе се бориме за животот на Србија и ќе успееме во тоа. Ќе успееме и ќе победиме заедно“, изјави Вучиќ.

Претседателот на Србија не прецизираше за кои вакцини станува збор, ниту од каде се набавени.

Прикажи повеќе...