Контакт

Регион

Европската комисија: Западен Балкан да се стрпи за слободно патување во ЕУ

Објавено пред

Европската комисија го поздравува напредокот на земјите од Западен Балкан во однос на епидемиолошката состојба и вакцинацијата, но вели дека регионот треба да биде трпелив сè додека, конечно, не биде ставен на списокот на безбедни земји чии граѓани нема да бидат ограничени при влез во ЕУ.

„Не сакаме да создадеме ситуација во која граѓаните на Западен Балкан ќе бидат третирани полошо отколку што дозволува здравствената состојба во регионот. Но, ЕУ не сака на кој било начин да го загрози напредокот што е постигнат во борбата против пандемијата и сето тоа со цел да се ослободи од сите ограничувања и да им се овозможи на сите можност да патуваат“, изјави портпаролот на Комисијата Аделбер Јанц , пренесува „Танјуг“.

На констатацијата на медиумите дека граѓаните на Западен Балкан се изолирани повеќе од една година и дека последните епидемиолошки податоци покажуваат оти земјите во регионот ги исполнуваат основните критериуми предложени од ЕК како услов за ставање на листата на безбедни земји , Комисијата одговори дека ги разбираат очекувањата на Западен Балкан, но исто така и дека на земјите членки е да донесат одлука за проширување на списокот, којшто се ревидира на секои две недели.

„Советот на ЕУ ја зема предвид целата листа на критериуми, не само вкупниот број на случаи по глава на жител, туку и трендовите на нови случаи, бројот на тестови, процентот на позитивни тестови и вкупниот одговор на Ковид-19. Тоа е повеќе глобално, а не чисто нумеричко оценување, што е целосно во рацете на земјите членки “, објаснува Јанц.

Тој потсетува дека Комисијата им препорача на земјите членки да дозволат патување во ЕУ за сите патници кои примиле вакцини одобрени од ЕМА и дека веќе е овозможено патувањето на голем број граѓани од Западен Балкан.

„Ние не ја доведуваме во прашање нашата посветеност кон Западен Балкан, особено кога станува збор за безвизното патување. Ние само се обидуваме да ја поттиснеме пандемијата, која продолжува да се заканува и покрај напредокот во здравствената заштита и вакцинацијата“, заклучи Јанц.

Комисијата додава дека прашањето за политиката на проширување на ЕУ и борбата против пандемијата не треба да се ставаат „во ист кош“, односно дека би било голема грешка на основа на политичките причини – како што е поддршката за проширување на Западен Балкан, да се занемарат воспоставените механизми за борбата против пандемијата.

Регион

Сијарто: Ако не преземе брзи чекори, ЕУ може да го загуби Западен Балкан

Објавено пред

Унгарскиот министер за надворешни работи, Питер Сијарто, денеска изјави дека доколку Европската унија не преземе навремени чекори во врска со проширувањето, може да го загуби Западен Балкан, слично на Велика Британија.

На маргините на министерскиот состанок во Луксембург, Сијарто рече дека политиката на проширување е една од најважните политики на ЕУ.

Според него, Унијата ќе води политика спротивна на нејзините интереси доколку не ги забрза пристапните разговори со Србија и Црна Гора и го одложи почетокот на преговорите со Северна Македонија и Албанија.

„Во тек е наддавање за интеграцијата на Балканот и влијанието во тој регион. Иако ЕУ има најголеми шанси за победа, земјите од регионот го избраа европскиот пат. Но, трансатлантскиот правец на регионот не смее да се земе здраво за готово“, рече Сијарто.

Тој посочи дека на ЕУ и е потребен Западен Балкан, а не обратно и додаде дека загубата на тој регион може да биде реално сценарио за ЕУ ​​во случај на долгорочен ќор-сокак.

Сијарто исто така нагласи дека Србија и Црна Гора треба брзо да се интегрираат, а преговорите со Албанија и Северна Македонија треба да започнат наскоро.

„Ако не го стори тоа, ЕУ ја ризикува стабилноста и безбедноста во своето опкружување, наместо да се гради мир и економски напредок“, додава шефот на унгарската дипломатија.

Прикажи повеќе...

Регион

(Видео) Вучиќ: Зошто не ги одделивте Алепо и Хомс од Дамаск, само на Србите им одзедовте?

Објавено пред

Во српското Собрание во тек е 5-та специјална седница, на која претседателот Александар Вучиќ ќе ги информира пратениците за текот на преговорите меѓу Белград и Приштина.

Вучиќ изјави дека пред Србија не е лесна задача и дека не е време за прекумерни очекувања или очекувања што не се во согласност со реалноста.

Тој се осврна на фактот дека за време на состанокот во Брисел албанската страна предложила декларација за мир, на која Вучиќ вели дека тоа би било како да потпишуваат договор со самите себе.

Зборувајќи за бомбардирањето на Западот и НАТО, тој рече дека не треба да се очекува правда.

„ Не треба да очекуваме правда, ќе ја платиме цената за помал дел од нашата политика и поголем дел од арогантното и брутално однесување на големите сили. Никогаш нема да ни кажат извинете, туку дека тоа го сториле за да спречат хуманитарна катастрофа. Зар не е поголема катастрофа во Авганистан? Зошто не ги одделивте Алепо и Хомс од Дамаск. Само на Србите им одзедовте“, рече тој.

„ Ние се залагаме за интегритетот на БиХ со почит кон РС, и кога ќе бидат прашани од РС како им дадовте право на глас на Албанците, а Србите немаат право на тоа и покрај договорот?“, Праша Вучиќ.

Претседателот на Србија додаде дека нема одговор.

„Тишина“, изјави Вучиќ.

Зборувајќи за вооружувањето на косовските сили, тој посочи дека никој не го критикува фактот дека западните страни го вооружуваат КБС и покрај кршењето на Резолуцијата 1244.

Прикажи повеќе...

Регион

Грчкиoт пилот кој ја уби сопругата пред својата ќерка пристигна во судот во панцир и под силно обезбедување

Објавено пред

Грчкиот пилот Бабис Анагностопулос (33) денеска се појави пред судот во Атина, поради убиството на неговата сопруга, што го призна, откако повеќе од еден месец тврдеше дека жената починала при брутален грабеж на куќата.

Пилотот и инструктор на хеликоптери, Анагностопулос пристигна денеска во атинскиот суд со панцир и под силно полициско обезбедување, пренесува АП.

Тој е обвинет за убиство со умисла на неговата сопруга Каролин Крауч (20), британска државјанка која почина како резултат на задушување на 11 мај во куќа во предградието на Атина каде живееше двојката.

За време на истрагата, Анагностопулос најпрво рекол на полицијата дека провалници упаднале во неговата куќа и го онеспособиле него и ја убиле Каролина, додека нивната едногодишна ќерка спиела, а тој исто така рекол дека го убиле нивното куче пред да избегаат со украдените пари.

Сепак, утврдено е дека тој ја задушил жената со перница, бидејќи таа најавила дека ќе го остави, а потоа тој измислил приказна заграбеж. Тој отиде толку далеку што го уби семејното куче за да ја направи неговата приказна поубедлива.

Анагностопулос ѝ рекол на полицијата дека се расправал со Каролин ноќта на убиството и дека во еден момент таа му рекла да ја напушти куќата.

Полициските истражители велат дека анализата на податоците за паметниот часовник што го носела убиената жена помогнала да се откријат недоследности во извештајот на пилотот за настаните таа вечер.

Анагностопулос доколку биде осуден по сите точки, му се заканува доживотен затвор.

Прикажи повеќе...

Најново

Свет14 минути

Меркел прими различни вакцини – прва доза од „Астразенека“, а втора од „Модерна“

По вакцината на „Астразенека“ во април, германската канцеларка Ангела Меркел сега ја прими вакцината на „Модерна“ како втора доза. Меркел...

Македонија12 часа

Владата одлучи дека компаниите за превоз можат да возат со полни автобуси

Владата на денешната седница ја прифати препораката на Комисијата за заразни болести да се одобри превоз на патници, со максимален...

Македонија14 часа

Влада: Ахмети не разговарал со СДСМ и Заев за промена на знамето, грбот или химната

Ниту во Владата, ниту во владејачката партија СДСМ, ниту со премиерот Заев не е разговарано за промена на знаме, грб...

Македонија15 часа

Бугарија не ја трга блокадата за Македонија, но го пофали прогресот на Албанија

Бугарија го потврди својот став за европската перспектива на Република Северна Македонија на денешниот редовен состанок на Советот за општи...

Македонија16 часа

13 нови случаи на Ковид-19, починати нема

Министерството за здравство информира дека во последните 24 часа се направени 2.952 тестирања, а регистрирани се 13 нови случаи на...

Македонија21 час

И во кризната 2020 година општините потрошиле на тендери исто колку и во 2019 година, лидер е Град Скопје

Центарот за граѓански комуникации (ЦГК) ја објави Базата на податоци за јавни набавки на општините во 2020 година според која...

Македонија22 часа

Филипче очекува до крајот на летото да постигнеме колективен имунитет

Министерот за здравство, Венко Филипче очекува до крајот на летото да биде постигнат колективен имунитет. Според планот за имунизација, како...

Свет22 часа

Кубанска вакцина против коронавирус покажа 92,28 проценти ефикасност

Кандидатот за вакцина „Абдала“ против коронавирус, изработена од Куба, која е и прва што се развива во Латинска Америка, покажа...

Свет23 часа

(Видео) Предградие во Чикаго погодено од торнадо

Торнадо погоди густо предградие на Чикаго, оштетувајќи повеќе од 100 куќи. Невремето собори десетици дрвја, а на некои места електричната...

Македонија1 ден

Палмер: Важно е да се забрза пристапувањето на Северна Македонија во ЕУ

Важно е да се забрза пристапувањето на Северна Македонија во Европската Унија, изјави заменик помошникот државен секретар за европски и...

Свет1 ден

СЗО: Половина од сиромашните земји немаат доволно вакцини

Повеќе од половина од посиромашните земји во светот кои примаат вакцини против коронавирус преку програмата за размена „Ковакс“ немаат доволно...

Спорт1 ден

Пандев: Не може ништо да се спореди со овој свет дрес

Горан Пандев заминува од македонската репрезентација, како рекордер со 122 настапи и 38 гола, со остварено ветување за пласман на...

Спорт2 дена

ЕУРО 2020 заврши за Македонија, Холандија и Австрија во осминафиналето

Македонија со 0:3 пораз од Холандија го заврши историскиот настап на ЕУРО 2020, во меч кој носеше големи емоции за...

Спорт2 дена

Моменти за солзи – цела Амстердам арена со поздрав за Пандев

Горан Пандев имаше емотивно збогување со националниот дрес, откако селекторот Игор Ангеловски реши да го повлече од игра во 68....

Македонија2 дена

Нема најава за нови рестрикции по вториот случај на индиски вид во Македонија

Во текот на вчерашниот ден во Македонија беше детектиран и вториот случај на индискиот вид на коронавирусот, но засега нема...

Економија2 дена

Се зголемуваат цените на горивата

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Европа2 дена

Рекорден дневен број на заразени со Ковид-19 во Москва

Бројот на новоинфицирани oд коронавирус во руската престолнина Москва и нејзината област во изминатите 24 часа достигнал 1.800, што е...

Македонија2 дена

Сојузот на средношколци: Да се објават извештаите за училиштата кои наплаќаа свидетелства

Сојузот на средношколци бара од државниот просветен инспекторат јавно да ги објави извештаите за спроведените инспекции во четирите средни училишта...

Топ2 дена

МВР со детали за сообраќајната несреќа во која загинаа две лица

Две лица загинаа вчера во сообраќајната несреќа што се случи на експресниот пат Штип-Кочани, во близина на населбата „Три чешми“. Според...

Македонија2 дена

По отповикувањето, Азески на Црна Гора ѝ посака брз развој и просперитет

Бранко Азески се огласи со коментар по одлуката на Владата во Црна Гора, да го отповика како почесен конзул на...

Досие