Земјотрес со јачина од 4,4 степени попладенво го погоди грчкиот остров Крит, соопшти Институтот за геодинамика на Националната опсерваторија во Атина.

Епицентарот на земјотресот бил на длабочина од 30 километри во водите јужно од Крит, пренесе агенцијата АНА.

На овој земјотрес му претходеле серија потреси во зоната на Крит, со јачина од 3 до 4,4 степени, стои на веб-страницата на Евро-медитеранскиот сеизмолошки центар.

Српската војска денеска ги претстави новите хеликоптери купени од Русија, а на церемонијата на воениот аеродром во Батајница кај Белград присуствуваше и српскиот претседател Александар Вучиќ, кој ја оцени набавката како значително засилување на перформансите на српската армија.

Вучиќ рече дека новите хеликоптери „ми-35“, „Х145М“ и „ми-17“ се набавени затоа што тоа го овозможила значително подобрата состојба во државниот буџет, а исто така истакна и дека биле купени со добар попуст и олеснувања овозможени за Србија од руска страна, пренесе „Индекс“.

Тој им се заблагодари на како што кажа, руските пријатели, велејќи дека станува збор за моќни машини и најсовремени европски и руски хеликоптери, кои многумина ги нарекуваат „ѓаволски кочии“, но нагласи дека овие воени летала ќе се користат како чувари на Србија.

„Кога ќе погледнете како изгледаат овие машини, ви станува јасно зошто за нив се вели дека се страв и трепет и зошто некои ги нарекуваат ѓаволски кочии. За нас, тие се чувари на нашата земја и небо“, нагласи српскиот претседател.

Русија ги испорача хеликоптерите неколку месеци пред рокот, а во Белград беа транспортирана со товарен авион на руската армија два дена пред средбата на Вучиќ со рускиот претседател Владимир Путин во Сочи на 4. декември.

Серија вандалски напади насочени кон продавници, филијали на банки и згради на државни служби се случија синоќа низ Атина.Од полицијата соопштија дека утрово се пријавени штети во 13 продавници и на пет банкомати, како и на влезови во три згради од кои во една е општинската даночна канцеларија и една служба за урбанизам, како и во канцелариите на Водовод, објави весникот „Катимерини“.
        
Полицијата, исто така, соопшти дека за време на вчерашните демонстрации на 11-годишнината од смртта на едно момче за време на полициски напад, немало неочекувани проблеми, бидејќи полицијата била подготвена и веднаш се спротивставила на групите кои се обиделе да извршат незаконски дејствија, гаѓајки ги полицајците со „молотови коктели“ и други предмети.
        
Во Атина се уапсени 50 лица, а еден полицаец е повреден.Во пристанишниот и универзитетскиот град Патра, на Пелопонез, се уапсени 19 лица, а двајца полицајци се повредени.
        
Осум лица се уапсени во Солун.