Шест нови грчки министри во владата на Алексис Ципрас положија заклетва во палатата на грчкиот претседател, Прокопис Павлопулос, откако претходната недела грчкиот премиер, Алексис Ципрас, соопшти дека ќе направи мини-реконструкција во неговиот кабинет, пренесе грчката новинска агенција „АНА-МПА“.

Јоргос Катругалос го презеде Министерството за надворешни работи, ресор што беше во рацете на грчкиот премиер по оставката на Никос Коѕијас.

Новите министри кои положија заклетва пред претседателот Павлопулос и премиерот Ципрас се Ранос Моратис (инфраструктура и транспорт), Ангелос Толкас (политиката на миграција), Елефтериа Чацигорги (внатрешни работи) и Константин Баркас (работа, социјално осигурување и социјална солидарност), а Атанасиа Сиа Анагностопулу е назначена за заменик-министер за надворешни работи.

На церемонијата за полагање заклетва на новите членови во реконструираниот кабинет на Алексис Ципрас присуствуваа семејствата на новите функционери и блиските соработници.

Романските здравствени власти објавија дека во земјата од грип починале уште четири лица, со што билансот се искачи на 135 мртви.

Се наведува дека жртвите во најновите случаи имале помеѓу 26 и 87 години.

Кај четворицата бил потврден вирусот на грип од типот А, а ниту едно од починатите лица не било вакцинирано.

Албанската опозициска Демократска партија најави дека планира нејзините пратенинци да поднесат оставки на пратеничките места во парламентот поради, како што наведуваат, корупција и неефиканост на владата на Еди Рама.

Лидерот на Демократската партија, Љуљзим Баша, изјави дека парламентарната група одлучила да ги врати мандатите, пренесе АП.

Баша побара да се воспостави преодна влада до одржувањето на вонредните избори.