Грчката полиција соопшти дека 36-годишeн маж е приведен на испитување по нападот на анархистичката група „Рувиконас“ (Рубикон) врз зградата на парламентот во Атина, пренесе агенцијата АНА.

Според информациите, приведениот е член на оваа анархистичка група која ја презеде одговорноста за фрлање димни бомби и црвена боја на ѕидовите на парламентот.

Членовите на „Рувиконас“ претходно денеска на интернет објавија дека тоа ќе го сторат во знак на поддршка за осудениот терорист од ултралевичарската организација „17 Ноември“, Димитрис Куфодинас.

АНА додава дека уапсениот анархист од „Рувиконас“ ќе биде изведен пред обвинител.

Српските пратеници ги усвоија измените на Кривичниот законик, со кои се укинува затворската казна од 30 до 40 години и се воведува доживотна затворска казна затвор за најтешки кривични дела.

Доживотната затворска казна е предвидена за тешко убиство, силување, обљуба над малолетно лице, бремена жена или немоќно лице, што е во рамки со предлогот на Фондацијата „Тијана Јуриќ“, кој го поддржаа околу 160.000 граѓани.

Доживотната казна затвор е проширена и на сите други кривични дела за кои според важечкиот закон беше предвидена казна од 30 до 40 години затвор. Тие дела се убиства на претставници на највисоки државни органи, тешки дела против уставниот поредок и безбедноста на Србија, злосторничко здружување, воени злосторства против човештвото, воени злосторства, тероризам…

Во измените е предвидено дека осудено лице на доживотен затвор може условно да биде ослободен по издржани 27 години затвор. Но, судот не може да ослободи предвреме осудени лица за убиство на деца, бремени жени и немоќни лица.

Со измените се воведува и ново кривично дело – напад врз адвокати по предлог на Адвокатската комора на Србија.

Оваа година во Словенија се забележани повеќе од 70 случаи на глувчева треска, акутна инфективна болест пренесена од хантавирусите кои се јавуваат во човечкото тело преку контакт со секрет на заразена глодачи, предупреди словенечкиот Национален институт за јавно здравје.

До 16 мај потврдени се 75 случаи на оваа болест против која нема вакцина, а во некои случаи може да биде смртоносна.

Повеќето случаи се регистрирани во југоисточниот дел на земјата, особено во покраините Доленска и Прекумурје, според Хина.

Болеста се јавува во неколку фази, а се карактеризира со висока температура, тешка главоболка и болка во бубрежниот предел на стомакот.