Неприфатливо е однесувањето на властите во Република Македонија кон бугарските граѓани на денешниот 4 февруари, тие сериозно го нарушија процесот на враќање на довербата меѓу двете земји, се наведува во ставот на бугарското МНР.

Оттаму велат дела Република Бугарија во периодот по 1991 година, постојано демонстрирала искрена желба за развивање добрососедски односи со Македонија. Како и дека по потпишувањето на Договорот за пријателство, добрососедство и соработка во 2017 година, се воспостави практика за заедничко славење на историските личности од нашата заедничка историја, како што е Георги (Гоце) Николов Делчев.

„За жал, прославата на 151-годишнината од неговото раѓање не придонесе за надградба на билатералните односи меѓу Софија и Скопје. Со длабоко жалење забележуваме дека 4 февруари 2023 година ќе влезе во историјата како датум кога властите во Северна Македонија од крајно неубедливи причини и кршејќи ги претходно дадените гаранции не им дозволија на бугарските граѓани да му оддадат почит на Делчев. Министерството за надворешни работи денешниот однос на властите во Северна Македонија го дефинира како понижувачки и неприфатлив кон бугарскиот народ и Република Бугарија“, нагласуваат од бугарското МНР.

Македонците во Бугарија се жалат дека бугарската полиција не им дозволила да веат македонски знамиња во Благоевград.

Од ОМО Илинден-Пирин појаснуваат дека полицијата не им дозволила да го веат знамето со ѕвездата на Кутлеш, знамето на ОМО Илнден – ПИРИН, па дури и знамето на Европската алијанса за слобода.

„ И покрај тоа што Македонците ѝ кажаа на полицијата (вклучувајќи ги и цивилите) дека тоа секогаш го правеле во последните години, полицијата забрани, „да немаме никакви проблеми, ниту вие, ниту ние““ додаваат од здружението.

Прославата во чест на Гоце продолжи во Македонскиот културен клуб „Никола Вапцаров“

Изјавите на претставниците на ЕУ по самитот ги прекршуваат принципите на кои некогаш се градеше Унијата, изјави портпаролката на руското Министерство за надворешни работи, Марија Захарова.

„ Настанот на 3-ти февруари во Киев уште еднаш потврди дека ЕУ продолжува да го поддржува неонацистичкиот режим во Киев, со цел да ја ослабне Русија и да им служи на хегемонистичките аспирации на САД и НАТО“, рече таа.

Според неа, Унијата ѝ дава на Украина европска перспектива со кршење на сопствените барања кон кандидатите и прокламирање на „заеднички вредности“, со што се солидаризира со сузбивањето на различните мислења, кршењето на слободата на говорот и јазикот и конфесионалните права во Украина.

Притоа, таа ја нагласува посветеноста за целосно почитување на правата на националните малцинства.

Портпаролката рече дека на сите учесници на самитот им претстои сурово разочарување – целите на специјалната операција ќе бидат постигнати.

„Повиците на Брисел за мир се лицемерни во услови кога тој изјавува подготвеност да инвестира во продолжување на вооружените акции“, посочи Захарова.

Вчера во Киев се одржа самитот ЕУ-Украина со учество на претседателот на Европскиот совет, Европската комисија и шефот на дипломатијата на Европската унија.

Лидерите на европските институции ветија континуирана поддршка за Украина, воведување нови санкции против Русија, работа на „механизам за кривично гонење на злосторствата за агресија“ и анализа на можноста за користење замрзнати руски средства за обнова на Украина.

Зборувајќи за можноста Украина да влезе во Европската унија во блиска иднина, лидерите на ЕУ беа резервирани и истакнаа дека нема строги временски рамки за таков процес и дека Украина треба да спроведе реформи.