Контакт

Регион

На Дедиње уапсен најголемиот наркобос на Балканот, паднаа и адвокати и полицајци од неговата мрежа

Објавено пред

Во регионот се спроведува голема полициска акција што треба да го означи падот на најголемиот наркоклан на Балканот, пишуваат регионалните медиуми.

dobivaj vesti na viber

Српската полицијата денеска ја опколила куќата на обвинетиот наркобос Дарко Шариќ на Дедиње, кој е уапсен за сосема нови кривични дела, а не за оние за кои веќе е обвинет, пишуваат српските медиуми.

Според достапните информации, тој сега е осомничен за организирање криминална група одговорна за неколку убиства во Србија и Црна Гора, а наводно поседувал два сателитски телефона и апликација „Скај“.

Претресот на куќата на Шариќ траел најмалку два и пол часа, пишува КРИК, а пред неговата куќа пристигнале десетина полициски возила. Припадниците на Специјалната антитерористичка единица (САЈ) биле на улицата пред објектот.

На Шариќ повеќе од 10 години му се суди за меѓународен шверц на 5,7 тони кокаин, двапати беше осуден, но случајот беше вратен на повторно судење на почетокот на годинава. Нему му се суди и за перење на повеќе од 20 милиони евра пари од кокаин. За овој случај тој е осуден на девет години затвор, но пресудата моментно ја разгледува Апелацискиот суд во Белград. Шариќ беше во бегство речиси четири години, а во 2014 година ѝ се предаде на полицијата. Тој беше во притвор до декември минатата година, кога беше префрлен во домашен притвор и престојува во куќата на Дедиње.

Во големата меѓународна акција на „Европол“ и „Јуроџастис“, во која учествуваат и српската полиција и обвинителство, а во која утрово беше уапсен Дарко Шариќ, уапсени се и повеќе полицајци меѓу кои Данило Стојановиќ и Милутин Радовановиќ.

Српски „Курир“ потсетува дека Стојановиќ и Радовановиќ неодамна биле уапсени под сомнение дека го претепале нивниот колега Милан В., инаку началник на „Интерпол“. Сите уапсени ќе бидат изведени на распит во Обвинителството за организиран криминал.

„Курир“ додава дека Стојановиќ своевремено бил началник на Службата за криминалистичко-разузнавачки работи (УКП), по што привремено беше префрлен на позицијата главен координатор во Единицата за заштита на лица и објекти.

„Во обвинителството најверојатно во текот на утрешниот ден ќе бидат изведени осомничените, кои се поврзуваат со криминална група, која, како што се наведува во наредбата, ја организирал Дарко Шариќ“, вели извор на „Курир“.

За уапсените полициски службеници се верува дека подолго време биле на платниот список на Шариќ.

„Постојат сомнежи дека му вршеле разни ‘услуги’ на Шариќ, а со тоа извршиле злоупотреба на службената положба, но и кривично дело тргување со влијание, со тоа што влијаеле врз други полициски службеници, обвинители и судии на претходна постапка да донесат решенија кои инаку не би требало по закон“, открива соговорник на „Курир“ од истрагата.

Во големата акција се уапсени и навивачот Урош Мишиќ и адвокатот Дејан Лазаревиќ. Некои медиуми пишуваат дека меѓу уапсените има и судии, но засега тоа официјално не е потврдено.

Дарко Шариќ е поврзан и со организацијата на убиството на членовите на шкаљарскиот клан Алан Кожара и Дамир Хоџиќ на Крф, како и со некои настани во Црна Гора, пишува „Новости“.

И хрватското МВР утрово потврди дека во соработка со УСКОК и ПНУСКОК завршила кривична истрага од меѓународен карактер, при што уапсени биле 10 лица за кои медиумите пишуваат дека шверцувале најмалку тон и пол кокаин од Јужна Америка. Српски „Блиц“ дознава дека овие апсења се поврзани со апсењето на Шариќ, односно уапсената група соработувала со наркобосот од Србија.

Регион

Лажните дојави за бомби во Србија стигнале од странство, на листата се и земји од Африка

Објавено пред

Во последните неколку недели имаше низа извештаи за поставени бомби низ Србија, а и евакуации поради анонимните закани. Српското МВР по неколкумесечна истрага утврди од каде доаѓаат заканите, а тоа се неколку држави, пишува Нова.рс.

dobivaj vesti na viber

Полицијата побарала помош од Европол и Интерпол, а во следните денови треба да бидат уапсени осомничените кои се надвор од територијата на Србија. Полицијата ги идентификувала локациите на вкупно 19 електронски адреси од кои пристигнале заканувачки пораки за бомби поставени на различни локации во Србија.

Утврдено е дека осум закани дошле од Полска, по две од Иран и Нигерија, четири од Гамбија и по една од Словенија, Русија и Украина.

„Со цел откривање на сторителите на овие закани и кривично гонење, а со оглед на тоа дека се работи за странски државјани кои не живеат во Србија, во тек е меѓународна размена на податоци помеѓу МВР на Република Србија, преку Европол и Интерпол, со властите на Шведска, Литванија, Швајцарија, Руската Федерација и Унгарија, како и со ‘Гугл’“, се вели во соопштението на српското Министерството за внатрешни работи.

Обвинителството го окарактеризира случајот со дојавите како терористички акт. Само за закана од терористички е предвидена затворска казна од шест месеци до пет години. Во случај некое лице да ја реализира заканата, минималната затворска казна е 10 години, а максималната е доживотен затвор, пишува Нова.рс.

Прикажи повеќе...

Регион

Таткото на Матеј Периш: Голема благодарност до Белград и до сите што од срце се молеа за мојот син

Објавено пред

Tелото на Матеј Периш (27), денеска, од црквата „Свети Антониј“ во Белград беше испратено во Сплит, каде што ќе биде погребан.

dobivaj vesti na viber

Телото беше во црквата од 15 часот, а во 17 часот беше oдржано испраќање на чело со белградскиот надбискуп Станислав Хочевар.

За потсетување, вчера беше потврдено дека младиот човек чие тело беше пронајдено завчера во Дунав е Матеј Периш. Српски „Телеграф“ пренесе дека ДНК-анализата докажала оти се работи за исчезнатиот граѓанин на Сплит. Причината за смртта е давење, покажа обдукцијата. Ќе се прави и токсиколошка анализа, но овие резултати се очекуваат за неколку недели.

„Би сакал да се обратам до вас новинарите, би сакал да му се заблагодарам на градот Белград за големото срце што ми го даде. Без разлика што мојот син тука го заврши својот земен живот, срцето што ми го даде Белград, граѓаните на Белград и цела Србија ми помогна многу за овие 139 дена да почувствувам човечка љубов, грижа, сочувство и сѐ што му треба на човек во вакви моменти“, изјави таткото на Матеј, Ненад Периш.

„Би сакал да се заблагодарам и до МВР на Србија, тие завршија огромна и неверојатна работа, секој контакт со нив беше, пред сѐ, човечки, а потоа професионален и таков каков што ми требаше за да го поминам овој период, а сепак да ги дознаам деталите“, рече тој.

„Благодарам на секој полицаец, началник и на сите што учествуваа во тоа. Би сакал да му се заблагодарам и на хрватското МВР и тие завршија одлична работа, благодарам. Благодарам и на Министерството на БиХ и тие учествуваа на почетокот“, изјави Ненад Периш.

„Ви благодарам на сите вас новинарите, снимателите, вашите редакции, на сите посебно. Мислам дека покажавте оти сте луѓе и дека во вакви тешки ситуации ја знаете разликата помеѓу вест и болка. Им благодарам на католичките свештеници, но и на патријархот Порфириј, очекувам дека ќе дојде сега. Со неговите епископи, владици и сите православни верници, кои со отворено срце се молеа за Матеј“, рече татко му.

Прикажи повеќе...

Регион

Србија со поддршка за санкциите кон Белорусија

Објавено пред

Србија ги почитувала санкциите што ЕУ ги воведе кон Белорусија во април поради ситуацијата во таа земја и вмешаноста на Белорусија во руската инвазија, пишува порталот European Western Balkans.

dobivaj vesti na viber

Станува збор за одлуката 2022/579 на Советот на ЕУ донесена на 8 април. Две недели подоцна, на 22 април, на веб-страницата на Советот било објавено дека Србија, Црна Гора, Босна и Херцеговина, Албанија и Северна Македонија ја почитувале одлуката.

Ова е втор пат Србија да почитува санкции на ЕУ во врска со војната во Украина. Одлуката на Советот на ЕУ од 8 април наметнува секторски санкции врз финансискиот и транспортниот систем на Белорусија поради вмешаноста на земјата во руската агресија.

Официјалниот став на Белград е дека Србија ги почитува основните принципи на меѓународното право и во таа смисла територијалниот интегритет на Украина, но земјата не се вклучи во санкциите кон Русија.

Српската премиерка Ана Брнабиќ неодамна изјави дека честите дојави за поставени бомби, кои се случуваат во земјата, претставуваат притисок од странство врз Србија бидејќи земјата не вовела санкции кон Русија по инвазијата на Украина, како што тоа го направија повеќето западни земји.

Прикажи повеќе...

Најново

Топ10 минути

Пред казино на плоштадот „Македонија“ уапсен жител на Батинци кој носел пиштол

Полициски службеници од Единицата за интервентна полиција при СВР Скопје вчера (20. мај) околу 19.15 часот пред казино на плоштадот...

Европа1 час

(Видео) Торнадо во Германија, над 50 лица се повредени

Најмалку 50 лица, од кои 10 потешко, се повредени во торнадо што мина низ неколку места во западна Германија. Според досега...

Европа12 часа

Русија: Целосно го зазедовме „Азовстал“, се предадоа и последните украински милитанти

Русија објави дека целосно ја зазела територијата на фабриката за челик „Азовстал“, во која беа позиционирани последните украински бранители на...

Македонија14 часа

Архиепископот Стефан и српскиот патријарх ќе служат литургија и во Скопје на Денот на сесловенските просветители

Со радост му соопштуваме на верниот народ дека од 23 до 24 мај 2022 година во посета на Македонската православна...

Економија14 часа

Владата го утврди ребалансот на буџетот: „Кратење на непродуктивните трошоци за заштита на стандардот на граѓаните“

Владата на денешната 47. седница го усвои предлогот за изменување и дополнување на буџетот за 2022 година. „Предлогот за ребаланс...

Македонија15 часа

(Видео) Петков бара да се свика Советот за национална безбедност поради преговорите со Македонија

Бугарскиот премиер Кирил Петков во видеообраќање го повика претседателот на државата Румен Радев да го свика Консултативниот совет за национална...

Европа16 часа

(Видео) Зеленски објави снимка од проектил кој погоди зграда, загинале 11 лица

11 лица загинале по гранатирањето на местото Лозова во украинскиот регион Харков, изјави украинскиот претседател Володимир Зеленски. На снимката се...

Македонија20 часа

Пресуда за уривањето на „Космос“: Груевски доби девет години затвор, Јанакиески три, а Трајковски четири

Судиите Огнен Ставрев и Осман Шабани донесоа осудителни пресуди за сите обвинети за случајот познат како „ТНТ“, за уривањето на...

Европа21 час

(Видео) Командант на Азов: Добивме наредба да престанеме да го браниме Мариупол

Командантот на украинскиот полк од Азов, Денис Прокопенко, се обрати до јавноста и рече дека во Азов добиле наредба да...

Европа21 час

Шојгу: Русија ќе формира 12 нови воени бази на западот од земјата како одговор на проширувањето на НАТО

Русија ќе формира 12 нови воени бази на западот од земјата како одговор на зајакнувањето на НАТО и очекуваното проширување...

Македонија21 час

(Видео) Вработените во градинките ќе добијат цели плати за периодот на штрајкот

Министерството за труд и социјална политика и СОНК ги потпишаа измените и дополнувањата на Колективниот договор со којшто се регулира...

Македонија23 часа

Комисијата за односи со верските заедници: Ги подржуваме мудрите чекори во црковната дипломатија

Комисијата за односи со верските заедници и религиозни групи со особена внимателност ги следи актуелните случувања околу меѓународната активност на...

Македонија23 часа

Вархеји ја повика Софија во јуни да даде согласност за старт на преговорите со Скопје

Еврокомесарот за проширување и добрососедска политика Оливер Вархеји очекува Софија во рок од три недели да се согласи за почеток...

Македонија23 часа

Петровска од Софија: Новата безбедносна реалност во Европа повикува на сплотеност

Новата безбедносна реалност на европскиот континент повикува на сплотеност и соработка, а нашата безбедност лежи во колективната безбедност на нашите...

Европа1 ден

Дипломат на ЕУ: Русија не може да биде запрена, а нема договор за ембаргото на руската нафта и гас

Неуспехот на земјите членки на Европската Унија да се договорат за ембарго на руската нафта покажува дека блокот ги достигнува...

Европа1 ден

(Видео) „Њујорк тајмс“: Имаме докази дека Русите убивале затвореници во Буча

„Њујорк тајмс“ објави нови видеа за кои тврдат дека докажуваат дека руските сили убиле најмалку осум украински затвореници на 4...

Европа1 ден

Шолц: Интеграцијата на Северна Македонија, БиХ, Црна Гора, Србија, Албанија и Косово е во наш интерес

Германскиот канцелар Олаф Шолц изјави дека ќе отпатува на Западен Балкан пред состанокот на Европскиот совет следниот месец, носејќи ја...

Регион1 ден

Шарл Мишел денеска доаѓа во Босна и Херцеговина

Мишел доаѓа во Сараево во рамките на посетата на регионот, вчера беше во Србија каде што се сретна со претседателот...

Свет1 ден

Пукање во Чикаго: Едно лице загина, неколку се ранети

Едно лице загина, а четворица се повредени во престрелка во Чикаго, соопштија денеска локалните власти. Портпаролот на полицијата изјави дека...

Европа1 ден

(Видео) Зеленски: Последната фаза од војната ќе биде најкрвавата

Украинскиот претседател Володимир Зеленски вчера зборувајќи пред украинските студенти рече дека сè уште не може да ги повика Украинците да...