Контакт

Регион

На летување во Грција со која било вакцина или негативен тест

Објавено пред

Годинава, на летување во Грција ќе може да одат сите лица што ќе приложат потврда дека се вакцинирани со која било вакцина проитв Ковид-19, со негативен ПЦР-тест или брз тест, а грчките граници, најверојатно, ќе бидат отворени кон средината на април, иако сезоната официјално почнува на 14 мај, соопштија денеска во Белград министрите за туризам на Србија и Грција, Татјана Матиќ и Харис Теохарис.

Двајцата министри денеска потпишаа меморандум за сертификација на вакцинацијата.

Грчкиот министер на прес-конференција рече дека неговата земја ќе ги прифати вакцинираните со сите вакцини, вклучувајќи ги кинеските и руските, иако тие сѐ уште не се прифатени на ниво на ЕУ.

По состанокот, беше објавено дека туристие ќе може да одат во Грција кон средината на април, односно дека се очекува тогаш да се отворат границите.

Исто така, Србите ќе може да влезат во земјата и преку Македонија и преку Бугарија.

„Со цел да се нормализира туристичката индустрија, потпишавме заедничка изјава со печат на нашите две земји. Ние мора да ги обезбедиме сите услови за патување. Србија забележа подобар напредок во имунизацијата од нашата земја и се надевам дека набргу ќе биде исто и кај нас“, нагласи Теохарис.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Курти побара од Грција да го признае Косово

Објавено пред

Косовскиот премиер, Албин Курти, се состана со шефицата на грчката канцеларија за врски во Приштина, Крисоула Алифери, и побара од нејзината земја да се приклучи на блокот на земји што го признаа Косово.

Во соопштението на косовската влада се вели дека Курти побарал билатералната соработка дополнително да се проширува и продлабочува и Грција да се приклучи на блокот земји што го признале Косово.

Курти ги пофалил односите со Грција и нејзината посветеност за членството на Косово во меѓународните организации, како што беше случајот со членството во ЕБОР.

Грчкиот амбасадор во Србија, Јоргос Јакофотакис, вчера рече дека ставот на неговата земја да не ја признава независноста на Косово е добро познат и останува непроменет.

Амбасадорот ги коментираше очекувањата на аналитичарите за надворешна политика Дејвид Филипс и Даниел Сервер дека Грција ќе ја смени својата позиција и веројатно ќе го признае Косово.

Филипс и Сервер изјавија дека не очекуваат петте земји од Европската унија што не го признаа Косово да ја сменат својата позиција, освен Грција.

Прикажи повеќе...

Регион

Во Србија 2.971 нов случај на коронавирус, 35 лица починаа

Објавено пред

Во последните 24 часа во Србија се регистрирани 2.971 случај на коронавирус, а 35 лица починаа.

Направени се 14.565 тестови.

Досега во Србија се регистрирани 654.870 случаи на коронавирус, а починале 5.881 лице.

Србија надмина три милиони дадени дози на вакцини.

„Наскоро ќе имаме над 1,8 милиони вакцинирани луѓе со две дози“, рече денеска претседателот на Србија, Александар Вучиќ.

Кога се во прашање епидемиолошките мерки, новата седница на кризниот штаб е закажана за утре во 8 часот.

Ќе се разговара за можно ново ублажување на мерките. Исто така, се очекува конечна одлука за враќање на учениците во училиште, по еден месец настава на интернет.

Прикажи повеќе...

Регион

Фајон за нон-пејперот: На Балканот му должиме европска перспектива, а не нови граници

Објавено пред

Тања Фајон, словенечка членка на Европскиот парламент и претседател на социјалдемократите, денеска на прес-конференција јавно ги објасни своите ставови за политиката на проширување на Западен Балкан, во светло на информациите кои ги преплавија регионалните медиуми изминативе денови, а кои се однесуваат на т.н. нон-пејпер.

„Во време кога треба да промовираме заемна помош и соработка, некои европски лидери се одлучуваат да промовираат разорни идеи со националистички тенденции и преку недипломатски потези го оптоваруваат веќе загриженото население со дополнителни проблеми“, предупреди Фајон.

„Секоја идеја за поставување и поместување на граници меѓу земјите, особено во Босна и Херцеговина, која претрпе најголема штета, е крајно опасен потег. Таквите експерименти се минато. Но, треба да размислиме за решенија што ќе ја направат Босна и Херцеговина земја што подобро функционира. Посакувам границите да станат симболични со пристапувањето во Европската Унија“, рече Фајон.

Тој ја застапува истата цел во однос и на другите земји, а тоа е нивни прием во Европската Унија што е можно поскоро.

„Тоа е меѓусебен однос, волја. Се појави недоверба и во овие земји затоа што во Европа ветуваме нешто, но не го исполнуваме. Но, луѓето заслужуваат побрз и подинамичен пристап кон ЕУ. Преговорите со Северна Македонија и Албанија мора да се започнат итно, двете земји ги исполнија условите и не смеат да станат заложници на парцијални интереси. Словенија може да има многу важна улога во ова за време на нејзиното претседателство“, нагласува европратеничката.

На новинарско прашање за вмешаноста на Словенија во спорниот нон-пејпер, пратеничката вели:

„Перцепцијата за Словенија се влошува. Го повикувам премиерот (Јанез Јанша) да го појасни својот став за проширувањето на Западен Балкан, особено за Босна и Херцеговина. Јас не сум запознаена со официјалниот документ, не сум го видела, но верувам дека кружат нарушувачки, националистички идеи и не би била изненадена ако некоја од нив потекнува и од Словенија“, беше децидна Тања Фајон.

Покрај премиерот, Тања Фајон исто така го покани и претседателот Борут Пахор да даде јавно образложение до Националното собрание и пошироката јавност за позицијата на Словенија кон Западен Балкан.

Во однос на бугарското вето за земјава, Фајон кон крајот на минатата година изјави дека тоа предизвикало разочарување не само кај „народот на Северна Македонија, чија иднина очигледно е во Европската Унија, туку и кај Европскиот парламент, кој останува силен поддржувач и сојузник на Северна Македонија“.

Прикажи повеќе...

Најново

Европа12 часа

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија15 часа

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија16 часа

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа18 часа

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Македонија20 часа

Кинеските вакцини ќе пристигнат на 28 април

Министерот за здравство најави дека на 28 април во земјата ќе стигнат 200 илјади кинески вакцини додавајќи дека потврдата ја...

Регион21 час

Објавен нон-пејперот што го потресе регионот: предлози за нови граници на Балканот

Словенечкиот портал „Нецензурирано“ го објави нон-пејперот, односно неофицијалниот дипломатски документ за новите поделби на територијата на поранешна Југославија. Документот, кој...

Регион22 часа

Борисов ја достави оставката пред Националното собрание

Бугарскиот премиер, Бојко Борисов, утрово ја достави оставката пред новоизбраното 45-то Национално собрание на раководениот од него Совет на министрите,...

Европа22 часа

Две години од пожарот во „Нотр Дам“ – се очекува катедралата повторно да биде отворена во 2024

Катедралата „Нотр Дам“ во Париз, уништена во пожар пред две години, повторно ќе биде отворена во 2024 година, вети во...

Свет22 часа

Тела на четири деца пронајдени по пожар во куќа во Русија

Телата на четири деца се пронајдени по избувнувањето пожар во приватна куќа во село во регионот Свердловск во Русија. Во...

Македонија23 часа

Денеска се вакцинираат лицата на 73 и 74 години

Денеска, почнува вакцинацијата на сите граѓани од 73 и 74 години, кои се пријавени преку vakcinacija.mk или преку матичните лекари....

Македонија1 ден

СЗО: Состојбата во земјите од Западен Балкан е сериозна

Претставничката на Европската канцеларија на СЗО, Кетрин Смолвуд, предупреди на состојбата со коронавирусот во земјите од Западен Балкан е сериозна....

Регион1 ден

Србија почна со производство на руската вакцина

Во институтот „Торлак“ во Србија почна производството на руската вакцина „спутник В“. Оваа вакцина во иднина ќе може да се...

Македонија2 дена

Работата на Собранието да се деблокира на секое ниво, порача Џафери на вонредна координативна средба

Вонредна координативна средба поради блокадите во Собранието се одржа попладнево на иницијатива на претседателот на законодавниот дом, Талат Џафери, а...

Македонија2 дена

Регистрирани 949 нови случаи на Ковид-19, починаа 33 лица

Во последните 24 часа се направени 3.610 тестирања, а регистрирани се 949 нови случаи на Ковид-19 во: Скопје – 357,...

Македонија2 дена

Европратеници: Македонија и Бугарија треба да се оддалечат од дебатите за историја

Претседателот на Делегацијата на Европскиот парламент за односи со Северна Македонија, Андреас Шидер, вели дека Северна Македонија и Бугарија треба...

Македонија2 дена

Мицкоски: Оставка треба да си даде целата Влада, а Рашковски треба да е во затвор

Претседателот на ВМРО-ДПМНЕ, Христијан Мицкоски, во изјава за медиумите во врска со случајот за Рашковски рече дека оставка треба да...

Македонија2 дена

Антикорупциската комисија продолжува со предметите за Рашковски и покрај оставката

Државната комисија за спречување на корупцијата (ДКСК), по поднесената оставка од страна на владиниот секретар за мониторинг и поддршка на...

Македонија2 дена

Филипче: Бројот на новозаразени од Ковид-19 во благ пад, притисокот во болниците и натаму голем

Министерот за здравство, Венко Филипче, изјави дека денеска е забележан тренд на намалување на бројот на новодијагностицирани случаи со Ковид-19....

Македонија2 дена

Македонија со цел до 2030 година да ги намали стакленичките гасови 51 отсто

Владата го усвои ревидираниот национален придонес кон Климатскиот договор од Париз, со што како национална цел ја постави амбицијата во...

Регион2 дена

Борисов: Јас нема да бидам кандидат за премиер во новиот кабинет

Бојко Борисов нема да биде предлог на ГЕРБ за нов премиер. Борисов ова лично им го потврди на новинарите по...

Досие