Нишани пречекан во Бујановац со албанска химна и албански знамиња

Албанскиот претседател Бујар Нишани во вторникот на југот на Србија, во општината Бујановац бил дочекан со интонирање на албанската химна и повеќе од илјада граѓани кои го поздравиле со веење на албански знамиња, пренесуваат српските медиуми.

Нишани во вторник присуствува во еднодневна посета на општините на југот од Србија каде живеат мнозинство Албанци. Според претседателот на националниот совет на Албанците во Србија, Јонуз Муслиу, посетата на Нишани е со цел да се запознае со условите во кои живеат Албанците, тврдеји дека „Албанците, според Уставот на Албанија, треба да ги штити матичната држава.

„Тој доаѓа за да ги посети Албанците. Бидејќи Уставот на Албанија кажува дека сите права на Албанците треба да ги брани државата Албанија“, рекол Муслиу.

Српскиот министер за труд, Александар Вулин, пак, реагирајќи на оваа изјава рекол дека таа е опасна и дека „повикува на судири каде што ги нема“ и оти тој што така говори е „непријател и на Албанците и на Србите“.

Вулин порачал дека за Албанците на југот од Србија се грижи Република Србија, како и за секој друг граѓанин кој живее во Србија, притоа водејќи рачун за специфичностите на секоја од националните заедници и правото да биде заштитена и на ниеден начин повредена.

Инаку, Нишани е првиот албански претседател кој доаѓа во посета на Србија, уште од Енвер Хоџа во 1948-та година./крај/мф/бс