Регион
Нова опасност демне на Санторини откога граѓаните избегаа, полицијата постави блокади: островот продолжува да се тресе

Сеизмичката бура, која го тресе Санторини во изминатите денови, продолжи и во текот на ноќта.
Два земјотреса со јачина од 4 и 4,3 степени според Рихтеровата скала во рок од пет минути ги погодија Санторини и Аморгос во раните утрински часови денес, среда.
Првиот земјотрес со јачина од 4 степени е регистриран во 4.16 часот по локално време со епицентар на 18 километри од Аркесинина на Аморгос, а вториот е регистриран во 4.21 часот во областа Санторини.
Според грчките медиуми, од шест часот утринава оваа област ја погодиле шест земјотреси над 3 степени според Рихтеровата скала.
Во исто време продолжува егзодусот на локалното население и на туристите од Санторини, а експертите предупредуваат на нова опасност.
Речиси 11.000 луѓе ги заклучија своите домови и го напуштија островот, што ги зголеми стравувањата од грабежи.
Полицијата е во состојба на готовност со интензивни патроли и блокади на патиштата во обид да спречи евентуални упади. Загриженоста на властите беше зголемена поради општата ситуација, а нивната објава на социјалните мрежи, на која се сугерираат можни кражби, привлече внимание.
Според извештаите, властите ги зголемиле полициските патроли во главниот град Фира, како и во најпознатите места на островот. Во исто време поставени се блокади на главните сообраќајници, а се проверуваат сомнителни возила и движења, особено во областите во кои куќите останаа затворени поради интензивна сеизмичка активност.
Постојаните жители, кои остануваат на островот, изразуваат загриженост повикувајќи ги властите да преземат уште построги мерки.
„Се плашиме дека некои ќе ја искористат ситуацијата и ќе почнат да упаѓаат во куќите. Веќе слушнавме за инциденти“, изјави бизнисмен од областа Акротири за „Прототема“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инцидент на српскиот претседател Вучиќ: се откачи тркало на автомобилот со кој патуваше, се проверува дали пукнала гумата

Патувајќи кон Мокрин, на север од Србија, на претседателот Александар Вучиќ му се случи инцидент, јавуваат српските медиуми. Се откачило едно од тркалата на автомобилот со кој патувал. Тој бил пренесен во друг автомобил, а посебна истрага која е во тек, треба да покаже што се случило.
„По посетата на Меленци отидов во Мокрин пред големиот собир во Кикинда и на пат бев со мојот автомобил, а ќе ви дадам неколку објаснувања. Значи, дали пукна гумата, тоа треба да утврдат надлежните и тие ќе го утврдат тоа. Пристигнав во Мокрин и се префрлив во друг автомобил“, рече претседателот Вичиќ по инцидентот со тркалото.
Регион
Тлото на Санторини не мирува, серија од 20 земјотреси се регистрирани на грчкиот остров

Земјотрес со јачина од 4 степени според Рихтеровата скала е регистриран утрово во 9.16 часот во Грција, на Санторини каде е прогласена вонредна состојба по серијата силни земјотреси кои со денови го потресуваат, принудувајќи илјадници луѓе да се евакуираат.
Епицентарот на земјотресот, според податоците на Европско-медитеранскиот сеизмолошки центар, се наоѓал на длабочина од приближно 10 километри под површината на земјата.
Засега нема извештаи за материјална штета или повредени, а надлежните служби ја следат состојбата.
Претходно, земјотрес со јачина од 3,4 степени беше регистриран во 8.33 часот. а две минути пред тоа земјотрес со јачина од 3 степени. Истата магнитуда на земјотресот е забележана и во 7.54 часот. И нешто по 19 часот земјотрес со јачина од 3,4 степени.
Од полноќ на Санторини се регистрирани повеќе од 20 земјотреси.
Регион
Вучиќ: Имаме речиси пет милијарди евра на сметка, БДП годинава достигнува 90 милијарди

Претседателот на Србија, Александар Вучиќ, денеска изјави дека Србија во моментов има речиси пет милијарди евра на сметката, што е цифра што на сметките ја немаат ни земји 10 пати поголеми од нив.
„Во изминатите 12 години го зачувавме мирот, имавме целосна стабилност. Имавме најголем раст во историјата на Србија, сакале или не – од 32 милијарди бруто домашен производ тогаш, оваа година ќе завршиме со 89-90 милијарди“, рече Вучиќ за време на разговорот со граѓаните.
Тој посочи дека Владата се обидела на сериозен начин да ја заштити јавната каса, наведувајќи дека „секогаш имаме пари за инвестирање и секогаш можеме да им помогнеме на оние на кои тоа им е најпотребно“.