Претседателот на Република Српска, Милорад Додик, денеска е успешно опериран во Белград, соопштија од Кабинетот на претседателот на Република Српска.

По неколкучасовна комплицирана операција, која започна во 8 часот, претседателот Додик беше сместен на Одделот за интензивна нега.

Во соопштението се додава дека претседателот на Српска им се заблагодарил на странските државници и на сите жители на Република Српска за пораките за поддршка и желби за брзо закрепнување што ги доби синоќа и денеска.

– Јавноста ќе биде навремено информирана за здравствената состојба на претседателот на Република Српска, се вели во соопштението од Кабинетот на претседателот на Српска.

Додик вчера беше итно хоспитализиран поради акутни болки. Во болницата го посети и српскиот претседател Александар Вучиќ и му посака брзо закрепнување.

„Го посетив претседателот Милорад Додик пред утрешната интервенција и му посакав брзо закрепнување и добро здравје. Очекувам продолжување на соработката и нови средби со раководството на Српска. Ни претстои многу заедничка работа“, рече Вучиќ.

„Според првата дијагноза, по потребните подготовки, ќе има операција на хранопроводот и желудникот на претседателот Додик. Јавноста ќе биде навремено информирана за здравствената состојба на претседателот на Република Српска“, изјавија вчера од кабинетот на Додик.

Претседателот на Република Српска, Милорад Додик, попладнево поради акутни болки бил на преглед во Белград, по што бил хоспитализиран.

Како што е соопштено од неговиот кабинет, според првата дијагноза, по потребните подготовки, ќе има операција на хранопроводникот и желудникот.

„Јавноста ќе биде навремено информирана за здравствената состојба на претседателот на Република Српска“, се вели во соопштението, пренесува РТС.

Српскиот вицепремиер Александар Вулин, кој е во официјална посета на Обединетите Арапски Емирати истакна дека прашањето не е дали започна третата светска војна, „прашање е само дали војната ќе ескалира до употреба на нуклеарно оружје.

Со бомбардирањето на Србија, западните сили ја изгубија довербата на слободните земји, додаде тој.

„Агресијата на НАТО против Србија во 1999 година беше последното неказнето злосторство во проколнатиот и крвав 20 век. И никој не беше обвинет за тоа, а Обединетите нации никогаш не кажаа ништо за тоа, ниту пак го доведеа во прашање,  рече Вулин.

Тој го постави прашањето, како може некој да помисли да го води светот, ако нема никакви морални вредности?

„По агресијата против Србија, НАТО и Западот ја загубија својата морална сила. Како можете сега да побарате од Србија да се согласи дека, на пример, украинските граници се свети, а српските не се? Големите сили кои веруваат дека треба да го водат светот мора да бидат силни во економијата, војската и моралот за мене е најважниот дел од политиката, од човечкото општество, а тие го загубија во моментот кога почнаа да ја силуваат мојата земја, а се уште го прават тоа“, рече претседателот на српската влада.

Вулин додаде дека агресијата на НАТО, како во 1999 година врз Србија, не смее да се повтори во ниту една друга земја во светот.