Контакт

Регион

Пет лица загинаа во поплавите на грчкиот остров Евија, меѓу нив и бебе

Објавено пред

Пет лица, меѓу кои и бебе, загинаа, а уште едно исчезна во неделата кога поројни дождови и поплави го погодија грчкиот остров Евија оштетувајќи десетици куќи и блокирајќи патишта.

Осуммесечното бебе е пронајдено мртво, соопшти портпаролот на противпожарната служба. Родителите на детето не биле повредени.

Неколку часови порано, маж и жена, двајцата во 80-тите години, беа пронајдени во несвест од пожарникарите во две куќи. Во болницата било потврдено дека починале.

Заменик-министерот за цивилна заштита, Никос Хардалиас, изјави дека пет лица загинале, а две се водат како исчезнати. Новинската агенција АНА подоцна објави дека хеликоптерот забележал една исчезната жена, која била исфрлена од својот дом во селото Бурци од поплави.

Две други лица, кои починале, 74-годишен маж и 73-годишна жена, исто така се од Бурци, јави агенцијата.

Премиерот Киријакос Мицотакис изрази длабока жалост и рече дека ќе го посети Евија, вториот по големина грчки остров по Крит, в понеделник.

Дождовите ги блокираа патиштата во западна Евија, а неколку туристи не можеле да го напуштат кампот на островот, јавува АНА.

„Ние доживуваме кошмар, ги користиме сите можни средства за борба против поплавите“, рече Ана Фанис Спанос, пратеник од централниот регион на Грција.

Невремето Талија во саботата погоди неколку области на копното во Грција иако времето се подобри во неделата.

Две реки ги поплавија бреговите и ги прекрија патиштата со кал, соопштија локалните власти. Приземјето на голем број куќи е поплавено.

Речиси 100 пожарникари и два хеликоптера и крајбрежната стража учествуваат во операцијата за спасување.

„Минатата година имавме пожари, оваа година поплави“, изјави жител на селото Псахна за телевизијата ЕРТ.

Поради недоволна контрола на градежништвото и планирањето, поплавените куќи се честа појава во Грција.

Во ноември 2017 година во поплавите загинаа 24 луѓе во Мандра, село во индустриски регион на 30 километри западно од Атина.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

(Видео) Силно невреме во Црна Гора

Објавено пред

Невреме проследено со обилни врнежи од дожд ги погоди денеска Котор и Тиват, што предизвика големи проблеми во сообраќајот.

Некои од патиштата и крајбрежните објекти во Тиват се под вода.

Работниците на комуналната служба, „Водовод и канализација“, и припадниците на Службата за заштита и спасување се на терен.

Слично е и во Котор, каде што возилата се движат низ поплавените улици.

Дирекцијата за вонредни состојби на Министерството за внатрешни работи на Црна Гора предупреди дека од денес до понеделник се очекуваат нестабилни временски услови со врнежи од дожд, грмежи и засилен ветер, пишува „Вјести“.

Издадено предупредување за Хрватска

Во Хрватска е издадено предупредување за невреме проследено со обилен дожд и град. Се додава и можност за торнадо и силни налети на ветер.

Најмногу врнежи се очекуваат во вечерните часови.

Severe Weather Europe објави прогноза со која најавува големи врнежи од дожд за Западен Балкан и дел од Медитеранот.

Прикажи повеќе...

Регион

Загинаа двајцата пилоти од воениот авион што се урна во Србија

Објавено пред

Српското Министерството за одбрана потврди дека загинале двајцата пилоти при уривањето на авионот „миг-21“ за време на воена вежба.

Надлежните го посетија местото на трагедијата и разговараа со очевидци. Од Министерството соопштија дека авионот бил прегледан во согласност со сите процедури, а по увидот, утврдено е дека е исправен и подготвен за лет.

Началникот на Генералштабот формира комисија за итни истраги и експертска комисија за утврдување на причините за падот на авионот.

Телеграми на сочувство до семејствата на загинатите пилоти испратија претседателот на Србија, Александар Вучиќ, министерот за одбрана, Александар Вулин, и началникот на Генералштабот, генерал Милан Мојсиловиќ.

Жителка на областа каде што се урнал авионот изјавила дека била дома кога слушнала силен звук поради што ја напуштила куќата и го видела авионот како лета многу ниско.

„Нешто одекна, излегов од куќата, авионот леташе толку ниско што за малку ќе ги потфатеше куќите и шумата“, објаснила таа.

Aвионот на српската војска се урна утрово во околината на Лозница. Првичните информации беа дека еден пилот загинал, а по другиот, кој се катапултирал, сè уште се трага. Сепак, попладнево пристигнала информација дека и другиот пилот починал во несреќата.

Прикажи повеќе...

Регион

Вучиќ во Истанбул: Турција е една од најзначајните регионални сили

Објавено пред

Српскиот претседател, Александар Вучиќ, вчера допатува во посета на Турција, за време на која денеска во Истанбул ќе има деловен ручек со турскиот претседател Реџеп Таип Ердоган, пренесува „Курир“.

Во изјава за српските медиуми, Вучиќ истакна дека е многу важно за Србија да има одлична комуникација со Турција, која според неговите зборови е една од најзначајните регионални сили.

„Многу е важно за Србија да има добра, одлична комуникација со Турција. Турција е една од најзначајните регионални сили, но е и една од силите кои се сè поважни и во светски рамки. Нејзиниот демографски, економски, културен и секој друг потенцијал е огромен.

Важно е да имаме добри односи со неа. Со оние кои се блиски со Србија и имаат големо влијание во нашиот регион, се трудиме да сочуваме најдобри пријателски односи кои ќе ги унапредуваме во иднина“, истакна Вучиќ.

Тој рече дека мисли оти Турција е заинтересирана за повеќе теми, а дека за Србија е важно да се труди и да се обиде да ги сочува најдобрите односи со нејзините пријатели.

„Важно е работите да ги решаваме со дијалог, а турскиот претседател Ердоган секогаш сакаше да ја сослуша српската страна“, нагласи Вучиќ.

Пред да замине за Истанбул, српскиот претседател нагласи дека не мора ни да каже колку се важни разговорите со турскиот претседател.

Прикажи повеќе...

Најново

Топ5 часа

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија5 часа

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа7 часа

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија8 часа

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија11 час

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Македонија12 часа

(Видео) Кривична пријава и суспензија за полицаецот кој претепа Ром во Битола

Одделот за внатрешна контрола, криминалистички стандарди и професионални истраги во МВР поднесе кривична пријава до Основното јавно обвинителство за гонење...

Европа13 часа

Напаѓачот уапсен, полицијата пронајде мачета и сатар на местото на нападот во Париз

„Бев во мојата канцеларија. Слушнав врисоци на патот. Погледнав низ прозорецот и видов жена која лежеше на подот и имаше...

Македонија15 часа

Пендаровски до Пахор: Споделуваме сегашност во НАТО, уверен сум дека ќе имаме и заедничка иднина во ЕУ

Денеска во претседателскиот кабинет во „Вила Водно“ претседателот Стево Пендаровски на церемонија со највисоки државни и воени почести го пречека...

Македонија15 часа

Казна за Рудникот САСА – ќе плати 65 илјади евра поради истекувањето јаловина

Откако при направениот увид и констатиран прекршок водостопанскиот инспектор на Државниот инспекторат за животна средина предложи постапка за посредување согласно...

Свет15 часа

(Видео) Ковид-19 создал мутација којашто е уште позаразна

Резултатите од една нова студија покажуваат дека Ковид-19 создал нова мутација која се чини дека е уште позаразна, а експертите...

Македонија16 часа

Николовски ќе бара мотивациско писмо од директорите за да спречи корупција

Вицепремиерот Љупчо Николовски бара од граѓаните да не очекуваат чудо за брзо време бидејќи проблемот со корупцијата во Македонија постои...

Македонија16 часа

Маричиќ не поддржува бирање државен јавен обвинител со политички договор

Не веруваме дека е добар начин на избор на обвинител со политички договор меѓу партиите, рече министерот за правда, Бојан...

Регион17 часа

(Видео) Во Србија се урна воен авион „Миг 21“

Авионот на српската армија „Миг 21“ се урна утрово при извршување на редовна задача за летање во селото Брасина, во...

Свет18 часа

Водечкиот германски епидемиолог предупредува: Пандемијата допрва ќе почне

Водечкиот германски епидемиолог Кристијан Дростен во својот говор на Светската здравствена конференција во Берлин предупреди на предвременото славење на успехот...

Свет18 часа

Трамп: Бајден ќе ја уништи Флорида, мојот план ќе го уништи вирусот

Како дел од предизборната кампања, американскиот претседател, Доналд Трамп, ги посети Северна Каролина и Флорида, некои од државите каде што...

Свет18 часа

Бројот на заболени од Ковид-19 во САД надмина 7 милиони

Бројот на заболени со коронавирус во САД вчера надмина седум милиони, што е повеќе од 20 проценти од вкупниот број...

Македонија18 часа

Заев: Бруталноста од полициски службеници врз граѓани Роми е за најсилна осуда

Премиерот Зоран Заев го осуди вчерашниот инцидент, во кој полицајци брутално тепаат Роми. Според него, таквото однесување е срамно за...

Регион18 часа

Албански претседател: Косово гарант за безбедноста на Балканот

Претседателот на Албанија, Илир Мета, на 75. заседание на ООН изјави дека членството на Косово во ООН би било корисно...

Свет1 ден

Гутереш: Вирусот се шири во сите правци, потфрли заедничката соработка

Генералниот секретар на ОН, Антонио Гутереш, денеска изјави дека светот не успеал да соработува во борбата против пандемијата на Ковид-19....

Топ1 ден

(Видео) Во Визбегово пронајдена мини лабораторија за масло од канабис, уапсени три лица

Попладнево, околу 15 часот, Единицата за недозволена трговија со дрога извршила претреси во скопско Визбегово, при што пронајдена била мини...

Досие