На грчко-турската граница дошло до пукање во кое е застрелан еден маж.

Турската полиција застрела грчки државјанин. Според локалните медиуми, Гркот со голема брзина влетал на граничниот премин Ипсала.

На видеото се гледа дека тој најпрво намерно налетал на мотоциклист кој бил паркиран покрај патот со својот автомобил и продолжил без да застане.

Yunan sürücü dehşet saçtı
Edirne Valiliği, İpsala Gümrük Kapısı gümrük sahası içerisinde aracıya motosiklete çarpıp kaçan ve daha sonra polis ekiplerinin üstüne kesici aletle yürüyen Yunanistan vatandaşı hakkında açıklama yaptı. pic.twitter.com/Bre8w6kXRb

— GÜNDEM GAZETESİᅠ (@GundemEdirne) September 10, 2024

Возачот потоа наводно се упатил кон турските полицајци, кои потоа отвориле оган. „Прототема“ наведува дека бил застрелан во ногата и пренесен во болница.

Очигледно се работи за маж кој има проблеми од психолошка природа. За инцидентот бил информиран грчкиот конзул во Адрианопол.

Во Грац е покренато обвинение против 14-годишно девојче кое беше уапсено во мај за планирање терористички напад со нож.

Станува збор за дете по потекло од Црна Гора. Во Германија е уапсено уште едно лице кое го планирало овој терористички напад со неа.

Кај 14-годишното девојче е пронајден пропаганден материјал на Исламската држава, нож и секира, а полицијата ја пронашла преку активности и разговори на социјалните мрежи, јавуваат австриските медиуми.Флеш препорачува

Нападот бил планиран во центарот на Грац, а таа имала намера по случаен избор да ги избере жртвите, „неверниците“. Таа испратила слики од нејзините планови за напад преку Телеграм до истомисленици. Откако нападнала што повеќе луѓе, таа планирала самоубиство. Полицијата не знаела кога точно требало да се случи нападот.

„Кронен Цајтунг“ пишува дека станува збор за девојче од Црна Гора кое живее во Грац, но се’ уште нема австриско државјанство, пишува „Јутарњи лист“. Во куќата во која живеела запленети се оружје, облека и компјутер со податоци, а истражителите таму пронашле и пропагандни материјали на ИСИС, со бројни видеа од тепачки и егзекуции.

И покрај бројните докази, девојчето не признало дека го планирало нападот, а се чини дека нејзините родители не знаеле ништо за тоа.

Истрагата за убиството на двегодишното девојче Данка Илиќ набргу привршува со оглед на тоа што и официјално пристигнаа последните резултати од прегледот на надзорните камери во Бањско Поле и Бор.

„Надлежното обвинителство најави нови прегледи со камери, а станува збор за снимката преземена од камерите на куќата во Бањско Поле, каде што последен пат е видено девојчето, како и надзорните камери на зградата во Бор, каде што Данка Илиќ живеела со родителите и братот, како и оние пред вратата на нивниот дом“, вели изворот на „Курир“.

Како што се открива, резултатите од вештачењето на овие надзорни камери покажале кој ја зборувал вистината кога давал исказ пред надлежното обвинителство.

„На снимката пред вратата од домот на семејството Илиќ може да се види моментот кога мајката Ивана излегува од станот и со двете деца влегува во лифтот на зградата за камерата на зградата да го сними делот кога Ивана ги става Данка и нејзиниот брат во автомобилот и заедно се упатуваат во правец кон Бањско Поле“, вели изворот и додава дека сѐ што снимиле овие камери е споредено со изјавите на родителите на Данка и дека во тоа не е забележано ништо чудно.

„Времето кога Ивана изјави дека ја напуштила зградата и се упатила кон Бањско Поле се совпаѓа со времето снимено на снимката од надзорната камера од нивната зграда. Никој сомнителен немаше наоколу ниту, пак, некој отиде со нив тој ден“, вели соговорникот.

За потсетување, во Бањско Поле камерите го снимија службеното возило во кое се наоѓаа осомничените, а досегашните резултати од вештачењето на службениот автомобил покажаа дека во него не е пронајдена ДНК на девојчето.

„Анализите покажаа дека има само траги од осомничените, но не и од Данка. ДНК-траги биле изолирани и од нивната гардероба и од алатите од нивните домови, но ниту таму немало ДНК од Данка. А бидејќи, како што се сомнева, Данка била удрена од службениот автомобил на ‘Водовод’ од Бор, во кој има вграден ГПС-уред, бил прегледан за да се утврди патеката на движење на осомничените. Вештачењата се направени за 26 март, но и за следните три дена. Но, и тие не беа од големо значење за истрагата“, потсетува соговорникот.

Од друга страна, новите резултати од прегледот на камерите во Бањско Поле покажаа движење други возила на кобниот ден по патот што води до напуштеното пасиште, каде што последен пат била видена Данка.

Што беше утврдено со анализата на камерата?

„На снимките, кои подоцна беа земени од надзорните камери во Бањско Поле, беа забележани одредени возила. Но, со понатамошни анализи е утврдено дека нема совпаѓања, односно лицата што биле видени во автомобили во Бањско Поле немаат никаква врска со Данка Илиќ, ниту со осомничените за нејзиното убиство, па претпоставуваме дека нема да има дополнителни проверки, особено што сите сведоци што биле доведени во евентуална врска со малата Данка веќе се сослушани“, објави српски „Курир“.

За потсетување, двегодишната Данка Илиќ од Бор исчезна во селото Бањско Поле кај Бор на 26 март и оттогаш се води како исчезната. Полициската истрага утврдила дека таа е убиена, а осомничени за тоа убиство се Дејан Драгијевиќ (50) од село Злот и Срѓан Јанковиќ (50) од село Лука, работници на ЈКП „Водовод“ во Бор. Сепак, иако истрагата сѐ уште е во тек, рокот за поведување обвинение е пред истекување, а некои прашања сѐ уште остануваат неодговорени.