Контакт

Регион

Руските власти проверуваат информации за учество на тинејџери на протестите за пари

Објавено пред

Институциите за спроведување на законот поседуваат информации дека некои лица им нуделе паричен надомест на малолетници и тинејџери за учество во неделните московски протести по кој опозициски челник Алексеј Навални беше осуден на 15-дневен притвор, изјави во понеделникот за новинарите портпаролот на рускиот претседател, Дмитриј Песков.

dobivaj vesti na viber

„Постојат информации дека на малолетните учесници на протистите во Москва, доколку бидат приведен од страна на органите за одржување на редот, им биле ветувани парични награди“, изјавил портпаролот на Кремљ, кого го цитира агенцијата ТАСС и додал дека „Постојат одредени докази за тоа“.

„Доколку органите на редот и законот сметаат дека е потребно, тогаш, можеби, некои од овие потврди на ваквите наводи ќе ѝ бидат претставени на јавноста“, рекол Дмитриј Песков.

Портпаролката на рускиот Истражен комитет, исто така, изјавила дека истрагата располага со оперативни сознанија за понуда за парични награди за оние коишто ќе бидат притворени на непријавениот масовен собир во неделата на 26-ти март во Москва, и тоа не само за тинејџери, туку и за други учесници на протестот.

„Во моментов иследниците од Главната управа за истраги особено го истражуваат наводите по ваквите информации“, рекла портпаролката Светлана Петренко.

Според Песков, Кремљ не е загрижен од можноста за повторување на протестите, туку поголема грижа предизвикува веројатноста дека одредени сили ќе се обидат да манипулираат со граѓанските активисти за свои лични цели.

„Тоа не е она што предизвикува стравување. Ние стравуваме дека некој ќе продолжи да ги користи граѓанските активисти, луѓето коишто се занимаваат со граѓански активитет, за свои лични цели, повикувајќи ги граѓаните на нелегални и неодобрени собири. Тоа е она што предизвикува загриженост, а манифестирањето на граѓанската активност и одржувањето на различните активности кои се во согласност со законот не предизвикуваат стравувања“, изјавил портпаролот на Кремљ.

Песков потсетил дека власите со граѓанското општество во Русија водат доста активен дијалог низ најразлични канали и на различни нивоа. Истакнал дека и самиот претседател (Владимир Путин) многу активно комуницира со лица од различни професии, коишто се ангажирани во различни области од општеството.

„Во рамките на тој дијалог постојано се остварува размена на информации и се овозможува да се дознаат кои се проблемите на граѓаните, од што тие се незадоволни, и како тие ги оценуваат позитивните остварувања на властите“, заклучил претставникот на Кремљ.

Песков во продолжение на новинарите им посочил дека властите го почитуваат правото на граѓаните на протесни митинзи, но во форматот кој не е во спротивност со постојното законодавство.

„Кремљ ја почитува граѓанската позиција на луѓето и нивното право да ја изразуваат својата граѓанска позиција. Со почитување се однесува кон оние случаи кога граѓанската позиција се изразува во онаа форма којашто е одредена со законот, на оние места кои се пријавени и во согласност со нашите закони“, рекол Песков.

„И во иднина тоа ќе биде овозможено за оние кои тоа го сакаат, кои сакаат да дејствуваат целосно во согласност со нашето законодавство. И никогаш немало пречки за ова прашање“, додал портпаролот на рускиот претседател

Истовремено, Песков ги нарекол „намерни лаги и провокации“ наводите на организаторите на наводниот протест против корупцијата од неделата бил навремено пријавен и имале дозвола од московските власти.

„Всушност, она што го видовме вчера на некои места, особено во Москва, претставуваат провокација и лаги. Оние коишто во пресрет на настанот на многу софистициран и псевдоакадемски јазик говореа дека собирот е легален и во никој случај не противречи на законите, зборува чисти лаги“, додал Песков.

Потсетил дека протестот во руската престолнина не бил договорен, градските власти навремено им предложиле две алтернативни локации на организаторите, за одржување и на собирот и на поворката. Двете локации биле одбиени од организаторите на настанот „фактички намерно ги навеле луѓето на неодобрено место“, додал Песков.

Посочил дека во протестот во Москва се одржал на локација која не била договорена, ниту во посочениот временски период, со што се предизвикал сообраќаен метеж и била загрозена безбедноста на граѓаните, покрај тоа што собирот не може да се смета за легален.

„Жалиме што активистите не сакале, најверојатно, во голема мера поради неинформираност, да ги користат алтернативните локации. Во иднина, секогаш за оние коишто тоа ќе го сакаат ќе биде можно да се изразат во потполна согласност со нашето законодавство. Никогаш немало пречки за такво нешто“, рекол.

Песков истакнал дена нема да бидат игнорирани барањата на граѓаните коишто ќе бидат истакнати за време на легално организираните протести.

„Во некои градови, собирите беа одобрени, тие имаа дозволи и се одржаа според одредбите од законот (за масовни собири) без никакви испади. Во овие случаи, се разбира, слоганите, барањата коишто беа истакнати, критиката којашто беше изразена, ќе бидат земени предвид“, истакнал Песков.

Притоа не сакал да дава оцена за масовноста на неделните протести. „Правиме споредби и процени од што произлегуваат. Во Кремљ многу трезвено се анализира учеството на вчерашната акција и не се наклонети ниту да ја минимизираат, ниту да ја преувеличуваат нејзината масовност“, рекол Песков.

Истакнал и дека претседателот Путин е исцрпно информиран за активностите на протесните собири, одговарајќи на новинарско прашања дали шефот на државата е во тек со митинзите одржани изминатиот викенд.

„Се разбира, претседателот се информира на дневна основа. Не можете да го одвлекувате вниманието од тоа што вчера во престолнината се случи обид за одржување нелегален собир. Да ги нарекуваме нештата со нивните вистински имиња. Сигурно дека за тоа е известен претседателот“, одговорил Песков.

Кремљ, исто така, смета дека е погрешна претпоставката за тоа дека властите можат да ја ограничат информираноста на граѓаните преку телевизиските канали за настаните од изминатиот викенд во неколку градови во кои се одржаа протесни собири.

„Апсолутно е неточно да се зборува дека наводно информацијата за протестите била ограничена или искривоколчена“, одговорил Песков.

На прашањето како телевизиите ги покривале овие протести, портпаролот одговорил дека Кремљ „не ја прави уредувачката политика на телевизиските канали. Телевизиите прикажуваат она што тие го сметаат за важно и значајно“, рекол. Песков притоа истакнал и дека граѓаните „добиваат информации за настаните благодарејќи и на други извори, чијшто спектар е многу широк“.

„Информации има во изобилство, тие се апсолутно слободни и во нивното распространување, па оттаму не постојат никакви причини за стравувања  или загриженост во овој поглед“, заклучил Песков./крај/мф/сн

Регион

Силно невреме во Далмација, Хвар побеле од град

Објавено пред

Централниот дел на хрватскиот остров Хвар го зафати невреме со град што ги побеле градските улици и остави наноси од мраз и до 20 сантиметри. Оваа појава не е невообичаена бидејќи целиот Јадран е под влијание на циклони веќе неколку дена.

dobivaj vesti na viber

Резултатот се големи количини на врнежи во првите седум дена од декември, на места и до 150 литри на метар квадратен.

„Последниве два дена во централна и јужна Далмација повремено се појавуваат бурни кумулонимбусни облаци, од кои имаше посилни грмежи и град. Пијавици се евидентирани на подрачјето на Дубровник и Вис. Во вторникот градот опустоши пошироко подрачје, денеска беа варосани делови од Хвар и Дубровник“ информираат надлежите.

Пожарникарите од Хвар имаат многу повици, главно за испумпување на водата од просториите на приземјето, но без значителна штета.

Прикажи повеќе...

Регион

„Зидојче цајтунг“: Вучиќ постојано покажува дека повеќе се грижи за Русија, отколку за ЕУ

Објавено пред

Српскиот претседател Александар Вучиќ помина низ многу политички трансформации, но иако сега се колне во Европската унија, со секој негов потег покажува дека не следи таква политика и дека сепак многу повеќе се грижи за Русија, пишува германски „Зидојче цајтунг“.

dobivaj vesti na viber

Дневникот оценува дека „врската со Русија е една од најсилните константи во животот на Александар Вучиќ, иако во исто време тој тврди дека сака да ја одведе Србија во ЕУ“.

Весникот потсетува дека Вучиќ неодамна во Белград се сретнал со претставникот на чеченскиот претседател Рамзан Кадиров, кој се смета за одговорен за воените злосторства и во Русија и во Украина, и рекол дека „руско-српските односи не можат да бидат уништени под никаков притисок“.

„Педесет и двегодишниот Вучиќ претрпе бројни политички метаморфози – од министер за пропаганда во времето на српскиот автократ Слободан Милошевиќ и упорен националист, до наводен реформски политичар, а сега повторно во неонационалистички популист“, пишува ЗЦ.

Според весникот, Вучиќ повеќе од десет години ја одредува политиката на Србија и владее авторитарно како Виктор Орбан во Унгарија, а во Србија „дури и најголемите скандали ги објавуваат само мал број независни медиуми“.

„Ако Вучиќ навистина сакаше членство во ЕУ, пристапните преговори, кои се одолговлекуваат од 2012 година, веројатно би оделе малку подалеку. Но, во ЕУ, Вучиќ би морал да ја ограничи својата моќ. Како и разговорите со Брисел без резултати, така и разговорите со Косово заглавуваат“, велат оттаму.

Сепак, се наведува дека политиката на Вучиќ се потпира на Русија.

„Таа е поврзана со Србија не само со историјата и религијата, туку и со контролата врз српските рафинерии и компаниите за нафта и гас. До војната во Украина; ЕУ ги држеше двете очи на неа. Сега Вучиќ со месеци е под притисок да се приклучи на санкциите на ЕУ против Москва“, пишува весникот.

Прикажи повеќе...

Регион

Вучиќ од Тирана: Подобро да се биде на масата отколку на менито

Објавено пред

Претседателот на Србија, Александар Вучиќ, по пристигнувањето на самитот на лидерите на ЕУ за Западен Балкан во Тирана, изјави дека на овој собир присуствува не само поради неговото пријателство со Албанија туку и затоа што, како што рече, секогаш е подобро да се биде на масата кога има разговори „бидејќи кога не сте на масата, тогаш обично сте на менито, а тоа сите едвај го чекаат. Ова е добра можност да се заштитат интересите на Србија“, рече Вучиќ.

dobivaj vesti na viber

Вучиќ истакна дека по консултациите на државно ниво, сепак одлучил да дојде на самитот во Тирана бидејќи на тој начин Србија ќе има шанса да каже што мисли за преговорите со Приштина и за преговорите за влез во ЕУ.

Претседателот ова го изјави пред самитот на лидерите на Европската Унија и Западен Балкан одговарајќи на новинарско прашање „зошто, на крајот, дојде иако првин најави дека нема да присуствува“.

„Имаше неколку причини зошто се двоумевме да дојдеме. Некои беа поврзани со Косово, а други со дијалогот со ЕУ. По консултациите со државните органи, беше одлучено, сепак, да дојдеме бидејќи веруваме дека на овој начин ќе имаме шанса да кажеме нешто за она што го мислиме за дијалогот и за преговорите со ЕУ“, рече Вучиќ.

Вучиќ додаде дека Србија останува посветена на европскиот пат и на преговорите со ЕУ, но дека во исто време мора да ги заштити сопствените интереси.

Како што наведе, дошол во Тирана да ги сослуша политичарите од ЕУ и од регионот, но и да им каже што мисли бидејќи е важно Србија да добие поддршка за решавање на енергетските прашања. Тој посочува и дека за Србија е важно решавањето на телекомуникациските прашања и на роамингот.

На новинарско прашање дали Србија ќе воведе санкции кон Русија, Вучиќ одговори дека Србија е независна земја и дека знае кои се нејзините обврски кон ЕУ и што очекува ЕУ кога се во прашање санкциите, но и дека Србија дава пример со прашањето за територијалниот интегритет и дека тој беше нападнат во 1999 година.

На изјавата на новинарот дека Србија е премногу блиска со Русија, Вучиќ одговори дека Србија е независна земја.

„Лесно е да се изнесат лажни и измислени обвиненија против Србија. Само да ви кажам, верувам дека сите прочитавте пред 9-10 месеци дека Србија ќе ги напаѓа земјите во регионот по наредба на Русија за да предизвика дополнителни несигурности и нестабилност во регионот. И сето тоа го оспоривме не само со зборови туку и со нашите постапки. Но, на крајот, вистината ќе излезе на виделина, а тоа е дека Србија е независна земја на европскиот пат и ќе остане таму“, заклучи Вучиќ.

Прикажи повеќе...

Најново

Македонија48 минути

„Поддршка за членство во ЕУ имаме, наша задача се реформите“

Заменик претседателот на Владата задолжен за европски прашања, Бојан Маричиќ, денеска заедно со претседателот на Владата, Димитар Ковачевски, и министерката...

Европа4 часа

Путин: Русија ќе ги брани своите интереси со сите расположливи средства

Рускиот претседател Владимир Путин денеска изјави дека Москва ќе се обиде да ги брани своите интереси „со сите расположливи средства“,...

Македонија5 часа

Претседателот Пендаровски на Самит во Брисел: ЕУ е најдобрата алтернатива и патеката од која нема да се откажеме

Претседателот Стево Пендаровски денеска во Брисел учествуваше на Самитот ЕУ – Западен Балкан во организација на аналитичкиот центар (тинк –...

Македонија5 часа

(Интервју) Наќе Чулев: Немаме гаранција дека не нè прислушкуваат

Состојбата во безбедносниот сектор е крајно хаотична. Македонија стана логистичка база за поддршка во издавање документи, државјанства, банкарски сметки на...

Македонија6 часа

Ленин Јовановски: Се повлекувам од протестот на превозниците, но блокадите остануваат

Директорот на „Слобода превоз“, Ленин Јовановски се повлекува од протестот на превозниците и од сите процеси кои ќе следат понатаму...

Македонија10 часа

Повторно закани за бомби во скопските училишта

Поради закана за поставена бомба и утрово наставата е прекината во девет скопски средни училишта. Учениците се евакуирани, а на...

Економија10 часа

Потпишани четири договори на компании од Македонија и Бугарија, вредни над три милиони евра

На иницијатива на министрите за надворешни работи на Македонија и Бугарија, Бујар Османи и Николај Милков, денес во Скопје се...

Македонија10 часа

Вооружени лица нападнаа чувар и запалија неколку банкомати во Чаир

Неколку вооружени лица рано утрово го нападнаa чуварот во трговскиот центар „Поинт ретаил парк“ и запалиja неколку банкомати. Утрово полицијата...

Свет11 часа

Лукашенко нареди преместување на воените сили на границата со Украина

Белорусија денеска и утре планира да премести воена опрема и безбедносни сили. Државната новинска агенција Белта објави дека Белорусија преместува...

Свет11 часа

Во Германија уапсени 25 десничари и поранешни војници кои планирале државен удар

Во рации низ Германија уапсени се 25 луѓе осомничени дека се обиделе насилно да ја соборат владата. Германските медиуми наведуваат...

Македонија12 часа

Град Скопје со нов јавен повик за линиите 20 и 22, „Слобода превоз“ и „Макекспрес“ нема да може да конкурираат

Градоначалничката на Скопје, Данела Арсовска, најави јавен повик кој треба да биде објавен денеска, а се однесува на линиите од...

Македонија12 часа

Продолжуваат блокадите во Скопје, хаос во сообраќајот

Трет ден по ред хаос во Скопје поради блокадите од страна на приватните превозници. Блокирани се неколку клучни крстосници во...

Регион1 ден

Вучиќ од Тирана: Подобро да се биде на масата отколку на менито

Претседателот на Србија, Александар Вучиќ, по пристигнувањето на самитот на лидерите на ЕУ за Западен Балкан во Тирана, изјави дека...

Македонија1 ден

(Видео) Ковачевски од Тирана: ЕУ покажа дека е посветена на проширувањето

Премиерот Димитар Ковачевски, денеска, на самитот Западен Балкан – ЕУ во Тирана изрази задоволство што првпат ваков самит на сите...

Македонија1 ден

Владата го поништи државјанството на Онишченко

Владата на денешната седница одлучи да се поништи одлуката за прием на Олександр Онишченко во државјанство на Република Северна Македонија....

Македонија1 ден

Агелер: Тим за санкции од Вашингтон ќе сузбива корупција во Македонија

Тим од Вашингтон допатувал во Македонија за да врши мониторинг врз правосудството и коруптивните актери. За ова на „Твитер“ објави...

Македонија1 ден

Пенов за блокадите во Скопје: Ова е самоволие, граѓаните трпат преголема штета

Ристо Пенов, министер за локална самоуправа, одби да каже кои се мерките кои државата ќе ги преземе за да ги...

Свет1 ден

Кремљ: Потребен е долгорочен мир, но во моментов нема шанси за разговори со САД

Од Кремљ пристигна одговор на коментарите на американските претставници, во кои Русија тврди дека е потребен фер и долгорочен мир,...

Регион1 ден

Урсула фон дер Лајен: Западен Балкан повторно оди напред

Претседателката на Европската комисија, Урсула фон дер Лајен, денеска пред Самитот ЕУ-Западен Балкан во Тирана истакна дека напредокот повторно е...

Македонија1 ден

Потпишан договор за поевтини роаминг-услуги за земјите од Западен Балкан со земјите од ЕУ

Премиерот Димитар Ковачевски денеска во рамките на Самитот Западен Балкан – Европска Унија во Тирана заедно со лидерите од Западен...